Unga Ísland - 01.02.1936, Page 17

27
UNGA ÍSLAND
grét af sulti, en matarilminn lagði
frá bænum.
Þá heyrðist hljóð fyrir utan:
„Voff, voff, voff“. Maðurinn gekk
til dyra og sá að hundurinn var
kominn.
„Ekki munt þú geta vísað mér
á, hvar eg get fengið mjólk handa
litla drengnum?“ sagði maðurinn.
„Hann grætur af sulti“.
„Eg er líka svangur“, sagði
hundurinn, „og gæti þegið hjá þér
kjötbita og bein til að naga. Eg
sá að þú veiddir vel í dag“.
„Þú skalt fá nóg að éta, ef þú
vilt hjálpa mér“, sagði maðurinn.
Hundurinn lofaði því. Þá fékk
hann kjöt og bein. Þegar hann var
crðinn saddur, sleikti hann hönd
mannsins og hringaði sig síðan
saman við fætur konunnar og
sofnaði. En litli drengurinn grét
og grét. Framh.
Glókollur.
Glókollur er sameiginlegt heiti
á öllum litlum krakkastúfum. En
Glókollur er líka söguhetjan í einni
af barnabókum Sigurbj. Sveinsson-
ar. Og hlutverk hans er að gera
kennurum auðveldara að kenna og
börnunum skemmtilegra og léttara
að læra margföldunartöfluna.
Einu sinni átti Glókollur að fást
við gríðar stóran risa, og risinn
ætlaði að rota hann með stóru
kylfunni sinni. En kóngurinn var
ekki búinn að læra margföldunar-
töfluna, en langaði ósköp mikið til
þess. Glókollur segir þá við kóng:
Eg segi þér ekki hvað mikið er 4
sinnum 9, nema hestasveinninn
þinn ljái mér hrossabrest. Kóngur
leyfir það. Nú æðir risinn að Gló-
kolli og reiðir upp kylfuna. En
Glókollur sveiflar hrossabrestinum
og ætlar alveg að æra risann.
Sjö stórir hundar lágu fram á
lappir sínar þarna skammt frá.
Þeir koma nú allir þjótandi og
ætla að bíta risann, enda sparar
Glókollur ekki að siga þeim á
hann. Þá verður risinn svo hrædd-
ur, að hann kastar kylfunni og
leggur á flótta, en hundarnir elta
hann geltandi, og Glókollur kallar
á eftir honum: „4 sinnum 9 eru
36“. (Skeljar II.).