Árbók VFÍ - 01.01.1995, Qupperneq 29

Skýrsla formanns 27
Með því að nýta sér afsláttartilboðin geta menn sparað sér veruleg útgjöld á hverju ári og
heyrst hefur að menn hafi sparað meira en nemur árgjaldi. Prýðis búbót það.
Fyrirtækin eru af og til kynnt í fréttabréfi VFI.
13.3 Vinnustaðafundir
Því miður hefur orðið minna úr vinnustaðafundum en til stóð. Slagorð vinnustaðafundanna
var að sterkt og öflugt Verkfræðingafélag væri stéttinni ekki aðeins bráðnauðsynlegt heldur
væri það sterkasta vopnið í hagsmunabaráttunni þegar til lengri tíma væri litið. Vinnustaða-
fundir tókust vel og gáfu jákvæða ímynd af stjórn og félaginu út á við. Full þörf er á að taka
þá upp að nýju sem aðferð til að ná inn nýjum félögum. Á starfsárinu voru haldnir fundir með
verkfræðinemum í Háskóla Islands.
13.4 Háskóli íslands og VFÍ
ABET- úttektinni voru gerð prýðis skil á aðalfundinum 1994. Mikill ávinningur er af
skýrslunni og umtjöllun hefur verið talsverð. Þegar hafa verið gerðar nokkrar breytingar í
samræmi við tillögur nefndarinnar.
Meðal annars má nefna að settur hefur verið á fót sérstakur ráðgjafahópur „senat“ við
verkfræðideild og tekur formaður VFÍ þátt í honum. Ráðstefnan sem VFÍ hélt með verk-
fræðideild um ABET skýrsluna var fróðleg og gagnleg.
Um þetta mál og stefnumörkun VFÍ varðandi menntun verkfræðinga vísast til skýrslu
menntamálanefndar.
Stjórn félagsins býður árlega nýútskrifuðum verkfræðingum frá HI ásamt lærifeðrum
þeirra til móttöku í Verkfræðingahúsi á útskriftardaginn. Um 90 manns sóttu félagið heim
seinasta laugardag í júní 1993.
Þessu til viðbótar hefur félagið boðið, í febrúar annað hvert ár, öllum þriðja og fjórða árs
nemum á kynningarfund. Þannig fá allir nemar Háskólans tvö heimboð í Verkfræðingahús. í
febrúarhófinu eru menn annað hvort sem nemar á þriðja eða fjórða ári.
Gott samstarf við verkfræðideild er félaginu nauðsynlegt, þar eru rnargir velunnarar
félagsins og fyrri formenn, en því miður eru einnig verkfræðingar innan Háskóla Islands sem
ekki hafa séð ástæðu til að ganga í félagið, eða sagt sig úr því.
Tillögur VFI að stefnu félagsins í menntunarmálum verkfræðinga fylgja skýrslu mennta-
málanefndar.
13.5 Tengiliðir á vinnustööum
Á tæplega 50 vinnustöðum verkfræðinga hafa félagsmenn tekið að sér að vera nokkurs konar
tengiliðir vinnustaðarins og VFÍ. Tengiliðirnir koma á framfæri til félaga upplýsingum um
fundi, ráðstefnur og aðrar samkomur á vegunt félagsins.
Á sínum tíma var að því stefnt að halda a.m.k. tvo l'undi árlega með tengiliðum VFÍ. Fyrri
fundinn skyldi halda að hausti og hlera hugmyndir tengiliðanna um efni inn á vetrardagskrá.
Síðari fundinn skyldi halda einum til tveimur mánuðum fyrir aðalfund og auglýsa þar eftir
nýjum stjórnarmönnum, koma tillögum t.d. að lagabreytingum á framfæri svo og öðrunt
hugmyndum sem upp koma.
Minna hefur orðið úr framkvæmd en ætlað var og er það miður, sérstaklega þar sem kerfið
er mikið notað og tengiliðir VFI kröftugir stuðningsmenn og velunnarar félagsins.