Árbók VFÍ - 01.01.1995, Blaðsíða 31

Skýrsla formanns 29
við önnur félög tæknimanna. Húsið gæti verið rekið sem hlutafélag og verið aðsetur skyldra
félaga og þannig orðið í reynd „Domus Technica“. Aðalfundur slíkra regnhlífarsamtaka eða
samtaka tæknimanna gæti orðið fjölmennur og áhrifaafl í íslensku þjóðlífi.
Verkfræðingafélag íslands er í mikilli mótun.
Guðmundur G. Þórarinsson formaður VFÍ.
15 Skýrslur fastanefnda VFÍ starfsárið 1993-1994
15.1 Húsnefnd VFÍ
Húsnefnd VFÍ var skipuð eftirtöldum:
Halldór Þór Halldórsson formaður Vífil Oddsson
Agnar Kofoed-Hansen
Húsnefnd hefur haldið 2 bókaða fundi.
Fjármál Verkfræðingahúss em í góðu lagi. Greitt hefur verið af öllum lánum á gjalddögum,
eins og gert hefur verið hin síðari ár.
Leigumál. Leigjandi á III. hæð vesturenda hefur ekki greitt leigu síðan í júlí 1993. Eftir
margítrekaðar viðræður við leigutaka, svikin loforð og vanefndir, var ákveðið að segja honum
upp húsaleigunni og senda kröfu til innheimtu. Utburðarbeiðni er tilbúin og er líklegt að hann
rými húsnæðið fljótlega.
Leigjandi í kjallara hefur staðið sig ágætlega, greitt leigu seinustu mánuði og unnið
prentverk fyrir félagið upp í vanskil fyrri tíma. Allt útlit er fyrir að sá leigjandi nái að hreinsa
upp skuld við VFÍ á vormánuðum 1994.
Enn er óleigt gluggalaust 70 m2 geymslurými í kjallara.
Viðhaldsmál. Húsnæði félagsins á II. hæð vesturendi, var málað og teppalagt. Settur var
upp felliveggur í fundarsal.
Samstarf við LVFÍ. Eignaskipting Verkfræðingahúss hefur verið rædd við LVFÍ. Vegna
þeirrar umræðu, sem átt hefur sér stað um sameiningu lífeyrissjóða, þarf að lagfæra óeðlileg
atriði í eignaskiptasamningnum.
Samkvæmt samningnum er eignarhlutur LVFÍ 40% í óbyggðu lóðinni. Þetta telur hús-
nefnd óeðlilegt þar sem lóðinni var á sínum tíma úthlutað til Verkfræðingafélags íslands.
I samningnum kemur einnig fram að skipting hússins milli VFI og LVFI tekur mið af fer-
metrafjölda, en ekki verðmætamati húseignarinnar, sem lang oftast er miðað við í slíkum
samningum. Samkvæmt verðmætamati er eignarhlutur félagsins í húsinu ekki 60% heldur
líklega nær 55%.
Húsnefnd hefur fjallað um þetta og í framhaldi þar af hefur formaður húsnefndar verið í
viðræðum við stjórnarmenn í LVFÍ. Þær viðræður hafa leitt til þeirra bollalegginga að
hugsanleg lausn sé að VFÍ kaupi eignarhlut LVFÍ í húsinu. Yrði það á ákveðnum hagstæðum
kjörum sem fram koma í eignaskiptasamningnum. Jafnframt geri LVFI langtímasamning um
húsaleigu. Þannig að tryggt sé að starfsemi sjóðsins haldist í húsinu. Þetta er því aðeins
áhugavert að kjör séu aðgengileg, þannig að t.d. leiga af húsnæði stæði undir kaupunum.
Væntanlega yrði þá að fresta uppsetningu lyftu og öðrum viðlíka framkvæmdum.
Mörgum verkfræðingum er óljúft að sjá á eftir allt að 45% eignarhluta LVFI í Verkfræð-
ingahúsi og 40% hluta í óbyggðri lóð til einhverra lífeyrislandssamtaka.
Halldór Þór Halldórsson formaður húsnefndar VFI