Árbók VFÍ - 01.01.1995, Side 40

38 Arbók VFI 1993/94
talað tvö og helst þrjú opinber tungumál samtakanna (ensku, frönsku og þýsku). Rætt var um
að ráða hugsanlega einhvern sem ekki kemur úr röðum verk- eða tæknifræðinga.
Mörg mál voru til umfjöllunar á fundinum önnur en þau sem hér hefur verið greint frá.
Nánari upplýsingar um einstök mál er hægt að fá hjá undirrituðum eða í Verkfræðingahúsi.
Guðleifur M. Kristmundsson formaður íslandsnefndar FEANl (sign.)
15.6 Siðanefnd VFÍ
Siðanefnd er skipuð fimm fyrrverandi formönnum VFI og gengur sá sem lengst hefur verið í
siðanefnd úr henni, en nýr kemur í staðinn að loknum árlegum aðalfundi VFÍ.
Siðanefnd skipuðu á síðasta starfsári:
Pétur K. Maack, formaður Viðar Olafsson
Jón Ingimarsson Oddur B. Björnsson
Þórarinn Olafsson
Haldnir voru 18. til 25. fundur eða alls sjö fundir. Eitt megin mál var tekið fyrir og
úrskurðurinn birtur í VT-fréttum 6. árg. 7. tölublað. Hugað var að starfsháttum nefndarinnar
m.a. trúnaði og gerð drög að útdrætti siðareglna VFÍ sem samþykktar voru á aðalfundi 1993.
Rétt er að ítreka að siðanefnd er ekki sáttanefnd og tekur málefni aðeins til úrskurðar og legg-
ur siðferðilegt mat til grundvallar en ekki lagaleg.
Pétur K. Maack formaður siðanefndar VFI (sign.)
15.7 Útgáfunefnd VFÍ
Útgáfunefnd var þannig skipuð:
Guðjón Kárason formaður Birgir Jónsson ritstjóri Árbókar
Ragnar Ragnarsson annálaritari Árbókar Ólafur Bjarnason fulltrúi í ritstjórn AVS
Árni Árnason fulltrúi í útgáfu VT-frétta Þórunn Pálsdóttir fulltrúi í útgáfu VT-frétta
1 Útgáfustarfsemi á árinu 1993 og starfsáætlun fyrir 1994
1.1 Fréttabréf. Fréttabréfið kom út í 17 tölublöðum og kom það út á tveggja vikna fresti
nema yfir sumarið. í haust hófust viðræður við TFÍ um útgáfu á sameiginlegu fréttabréfi og í
framhaldi af því komu út tvö sameiginleg fréttabréf fyrir áramót. Stefnt er að því að gefa út
17 tölublöð af sameiginlega fréttabréfinu á árinu 1994. Heiti fréttabréfsins er nú VT fréttir í
stað VFÍ frétta áður.
1.2 Árbók 1993-1994. Af ýmsum ástæðum tafðist útkoma á Árbók 1992/1993. Framlag VFÍ
vegna útgáfu árbókar var áætlað kr. 300.000,- en Ijóst er að þörf er á um kr. 700.000,-. Þetta
skýrist meðal annars af því að vegna kreppu í þjóðfélaginu þá tókst ekki að auka auglýsinga-
tekjur um kr. 300.000,- einsog áætlað var. Einnig hækkaði kostnaður við umbrot og uppsetn-
ingu um kr. 200.000,- og skýrist það af auknu efni í bókina og þá sérstaklega kafla um nýja
félagsmenn. Sá aðili sem sá um umbrot og uppsetningu á þessari árbók hefur ekki tök á að
vinna við næstu árbók. Það er þvf verið að leita að nýjum starfsmanni til að sjá um þann þátt.
Ekki er gert ráð fyrir því að kostnaður breytist vegna þessa. Það verður reynt að flýta útgáfu
Árbókar 1993/1994 og stefnt að því að hún komi út fyrir næstu áramót. Það er því mikilvægt
að undirbúningsvinna hefjist sem fyrst.
1.3 AVS. Fjögur tölublöð af AVS komu út á árinu í samstarfi við Gest Ólafsson. Skiptar
skoðanir hafa verið um þessa útgáfu. Verktækni var ekki áberandi í heiti tímaritsins og var
því breytt og þannig komið til móts við óskir VFÍ og TFÍ. Einnig hefur verið gagnrýnt að