Árbók VFÍ - 01.01.1995, Blaðsíða 54

52 Árbók VFÍ 1993/94
semi og skrifstofuhald. Félagið hefur á að skipa hæfu starfsliði og miklum fjölda
afburðahæfra sjálfboðaliða. Skuldastaða er léttbær og stutt í að eignir skili arði. Félagið er
ákjósanlegt tæki til að vinna verkfræðingum vel og að framgangi verk- og tækniþekkingar í
landinu.
Markmið endurskipulagningar félagsins
Það sem fjallað hefur verið um hér að framan sýnir að Verkfræðingafélag íslands þarf
endurskipulagningar við ef það á áfram að sækja lífskraft í samstöðu og þarfir félagsmanna
sinna.
Að okkar mati þarf sú endurskipulagning að byggja á eftirfarandi markmiðum:
1. Hóflegum félagsgjöldum með stórauknum fjölda félagsmanna.
2. Stóraukinni starfsemi innan félagsins, ekki síst með fjölgun margskonar fag-
deilda innan þess.
3. Auknu afli félagsins til þess að hafa áhrif í þjóðfélaginu.
Tillögur
Til þess að ná þessum markmiðum er nauðsynlegt að skoða með opnum huga eftirfarandi
tillögur:
1. Stefna ber að sameiningu hinna þriggja félaga verkfræðinga, VFÍ,
Stéttarfélags verkfræðinga og Félags ráðgjafarverkfræðinga.
Það myndi leiða til sterkari stöðu verkfræðinga í þjóðfélaginu, auka afl og starfsemi VFÍ
og gera það nauðsynlegt að félagar í SV og FRV yrðu um leið félagar í VFÍ, sem m.a. myndi
stuðla að eitthvað lægri félagsgjöldum.
Athugun á skipulagi og uppbyggingu verkfræðingafélaganna á hinum Norðurlöndunum
leiðir í Ijós að í öllum löndunum eru stéttarfélögin með einum eða öðrum hætti sameinuð
félaginu sjálfu og er sú tilhögun ekki einasta talin eðlileg heldur óhjákvæmileg. Sama hlýtur
að eiga við hér, a.m.k. að einhverju marki, þrátt fyrir tvítugfaldan mun á stærð og félagafjölda.
Tillögur í þessa veru þarf að undirbyggja vel og rökstyðja kosti þeirra fyrir forystumönn-
um félaganna eigi þær að ná fram að ganga.
2. Koma ber á samstarfi við Tæknifræðingafélag Islands um samrekstur á skrif-
stofuaðstöðu, eins og nú er unnið að. Jafnframt því sem reynsla fæst af því sam-
starfl ber að kanna í fullri alvöru hvort sameina beri félögin.
Aukin samvinna ætti að verða báðum félögunum aflvaki. Einnig ætti að kanna kosti
aukins samstarfs við önnur skyld félög, t.d. arkitekta og raunvísindamanna.
Hugsanleg sameining félaga verk- og tæknifræðinga knýr á um að afstaða verði tekin til
endurskipulagningar verk- og tæknimenntunar í landinu. VFÍ ætti að móta stefnu í því máli.
3. Fjölgun félaga í VFÍ.
Einkum þarf að laða þá félaga að sem falla myndu inn í margvíslegar fagdeildir eða jafn-
vel gera það mögulegt að þær yrðu stofnaðar.
Það myndi bæði auka starfsemi VFÍ og stuðla að lækkun félagsgjalda.
Til þess að ná þessu fram má benda á tvö atriði sem miklu máli skipta:
* Breyta þarf lögum félagsins þannig að þverfagleg félög geti rúmast innan félagsins.
Tillögur stjórnar fyrir síðasta aðalfund gengu einmitt út á þetta. Þannig gæti VFÍ orðið
einskonar regnhlíf fyrir ýmis félagasamtök.