Árbók VFÍ - 01.01.1995, Page 58

56 Árbók l/7=7 1993/94
16.11 Skáknefnd VFÍ
Haldin voru tvö hraðskákmót undir forystu Arna Björns Jónassonar. Félagsmenn áttu saman
skemmtilega kvöldstund í félagsheimili sínu, Verkfræðingahúsi. Mæting hefði mátt vera betri
því þeir fáu sem komu undu sér vel. Vonandi verður skákstarfið kröftugt á næsta starfsári.
16.12 Talsmannakerfi VFÍ
Talsmannakerfið þykir ekki hafa gefist sem skyldi og er það miður, því mikil vinna var lögð í
að koma því á og væntingar stjórnar miklar. Valdir voru fulltrúar verkfræðistéttarinnar sem
taldir voru öðrum hæfari til að svara fyrir eitt og annað í þjóðfélagsumræðunni. Talsmenn
hafa ekki sýnt frumkvæði sem til var ætlast, né látið mál til sín taka og fréttamenn hafa ekki
leitað til talsmanna, þrátt fyrir stór orð þeirra um þarft framtak sem fjölmiðlar hlytu að taka
ofan fyrir.
A einum af fyrstu fundum starfsársins, samþykkti framkvæmdastjórn að skipa sjálfa sig
sem n.k. yfirtalsmenn en vísa málum til skipaðra talsmanna eftir þörfum. Tekinn var upp
fastur dagskrárliður „Málefni talsmannaráðs“ og hefur eitt og annað komið upp sem stjórn
hefur ýmist leyst sjálf eða vísað áfram.
16.13 Laganefnd VFÍ
Talsvert er um misræmi í félagslögum. Oft á tíðum rekast lagagreinar á, eða segja til um
verklag sem trúlega hefur aldrei verið framfylgt. Mikil þörf er á að taka til og var nefndinni
ætlað að semja tillögur að samræmingu félagslaga og eyða misræmi sem þar er að finna, svo
og að samræma og eyða misræmi í lögum VFÍ og sérgreinadeilda og hagsmunafélaga.
16.14 Bridsnefnd
Ekkert var spilað á starfsárinu, en þennan þátt í félagsstarfinu þarf endilega að taka upp að
nýju. Til stóð að halda bridsnámskeið fyrir áhugasama félagsmenn. Tilraunin gekk ekki upp
og námskeiðið féll niður.
16.15 Misnotkun starfsheitisins
Árið 1992 var skipuð nefnd til að hafa eftirlit með misnotkun á starfsheitinu verkfræðingur
og gera tillögur til úrbóta. Nefndin var skipuð:
Þorvaldur K. Árnason formaður Þóra R. Ásgeirsdóttir
Guðleifur M. Kristmundsson
Þorvaldur flutti til Afrfku og starfar þar. Hann náði ekki að kalla nefndina saman og því
miður var ekki skipaður formaður í hans stað og verður að segjast eins og er að nefnd þessi
hefur í raun aldrei farið af stað með þá vinnu sem henni var ætlað að vinna.
Menn hafa orðið varir við að talsvert ber á misnotkun starfsheitisins og er fuil þörf á eftir-
liti. Nægir að benda á símaskrána, en þar eru menn skráðir sem verkfræðingar, enda þótt
starfsheitisleyfi hafi ekki verið afgreitt. Margir þessara hafa trúlega fullgild verkfræðipróf að
baki, en engu að síður þurfa þeir að sækja um leyfið til iðnaðarráðherra og fá umsögn hjá
VFÍ. Þarna eru án efa menn með verkfræðipróf sem ná þarf til með félagsaðild í huga.
16.16 Skráningarnefnd verkfræðinga
Markmið skráninganefndar VFI var að halda utan um félagaskrá og leitast við að skrásetja