Árbók VFÍ - 01.01.1995, Blaðsíða 77

Skýrslur undirdeilda
75
5 Vélaverkfræðingadeild
Aðalfundur VVFÍ var haldinn á Verkfræðistofunni VGK föstudaginn 8. október 1993. Um 35
manns sóttu fundinn og er það ein besta mæting hjá VVFI.
Fyrir aðalfundinn kynnti Runólfur Maack framkvæmdastjóri VGK mönnum starfsemi
VGK og hugmyndir sínar um útflutning á tækniþekkingu til Rússlands. Taldi hann ákveðna
möguleika fyrir hendi hvað varðaði skipti á tækniþekkingu og framleiðsluvörum en taldi
jafnframt að erfitt væri að sannfæra íslensk stjórnvöld um að leggja fé í þessa hugmynd.
Fundarmenn voru almennt á þeirri skoðun að framlög íslendinga til þróunarríkja ættu skil-
yrðislaust að skila sér gegnum íslensk fyrirtæki. Þannig myndi framlagið aukast að veltu og
skila margfeldisáhrifum. Einnig myndu fyrirtækin verða samkeppnisfærari á erlendum
mörkuðum vegna aukinnar reynslu. Töldu menn að það virtist sem feimnismál hér að íslensk
fyrirtæki nytu góðs af þróunaraðstoð, en erlendis telst það til undantekninga ef framlagið
skilar sér ekki beint gegnum heimafyrirtæki.
Aðalfundur VVFI. Hatliði Loftsson bauð menn velkomna og setli fund. Fundarstjóri var
kosinn Egill Jónsson. Hafliði skýrði starf deildarinnar milli aðalfunda og ræddi um orsakir og
afleiðingar þess að ekki tekst nægjanlega að ná í yngri verkfræðinga inn í félagið.Viðraði
hann þær hugmyndir að stéttarfélag og lífeyrissjóður sameinuðust VFÍ að öllu leyti og að VFI
yrði eins konar regnhlífarfélag yfir öll þau fagfélög sem til eru s.s. skýrslu- tölvu- og
lagnatæknifélögin svo einhver séu nefnd. Páll Valdimarsson og Hreinn Frímannsson töldu
þetta af og frá, þetta væri búið að reyna og horfið hefði verið frá því. Álit manna var að ekki
ætti að breyta þessu. Hafliði viðraði þá hugmynd að formaður VFI sæti lengur en nú svo
hann gæti orðið þekktur út á við. Hér töldu menn að vantaði framboð í formannssætið þar
sem ekki væri um neina kosningu að ræða nú .
Ný stjórn vélaverkfræðingadeildar var kjörin á aðalfundinum, hana skipa nú:
Hafliði Loftsson formaður, sem var einnig í fyrri stjórn
Sveinn Valdimar Olafsson gjaldkeri
Tómas Hansson ritari
Stjórnin hefur ekki verið mjög virk á árinu. Skipulögð var ferð til Granda hf. til að skoða
frystitogarann Þerney. Nokkrum dögum fyrir ferðina kom í ljós að tæknifræðingar voru einn-
ig að skipuleggja samskonar ferð. Sú ferð hafði þegar verið auglýst og var verkfræðingum
boðið að vera með. Því varð þetta ekki VVFÍ-ferð, en verkfræðingar mættu þó margir.
Á næstunni er fyrirhuguð ferð í flugskýli Flugleiða á Keflavíkurtlugvelli þar sem áætlað er
að skoða viðgerðaraðstöðu þeirra þar. Einnig er í bígerð ferð í ölgerðina Egill Skallagríms-
son, hf.
f.h. VVFÍ, Hafliði Loftsson
6 Efnaverkfræðideild
Ekki varð úr að halda aðalfund starfsárið 1993 til 1994 og er stjórnin því óbreytt með litla
starfsemi. í stjórn eru nú Þór Tómasson formaður og Jón Örn Bjarnason meðstjórnandi.
Deildin stóð fyrir einum fundi á starfsárinu þar sem ræða átti stefnumörkun og framtíðar-
möguleika stéttarinnar, en ekki varð mikið úr umræðum vegna dræmrar þátttöku. Nú dugir
því ekki annað en að brýna menn til þátttöku og umræðu því margt getur farið að gerast á
næstu árum ef spár rætast um almennan aukinn hagvöxt og uppbyggingu á Vesturlöndum.