Árbók VFÍ - 01.01.1995, Qupperneq 156

154 Árbók VFÍ 1993/94
var framkvæmt fyrir rúmar 100 milljónir króna og lauk framkvæmdum síðla hausts 1993.
Hefur aðstaða til útskipunar kísilgúrs frá Húsavík breyst mjög til batnaðar undanfarin ár.
Brýnt er að endurbæta Kísilveg milli Mývatnssveitar og Húsavíkur til að auðvelda samgöng-
ur á þessari leið.
Þann 7. apríl 1993 gaf iðnaðarráðherra, að höfðu samráði við umhverfisráðherra, út nýtt
námaleyfi til handa Kísiliðjunni hf. Samkvæmt leyfi þessu er heimilt að nema kísilgúr úr
Ytriflóa Mývatns til ársloka 2010. Meðal ákvæða í nýju námaleyfi er stofnun sérstaks sjóðs
sem hafi það hlutverk að kosta undirbúning aðgerða til þess að efla atvinnulíf í þeim sveitar-
félögum sem nú eiga verulega hagsmuni undir starfsemi félagsins.
Á árinu 1993 skilaði Orkustofnun lokaskýrslu um jarðefnaleit. Á grundvelli niðurstaða í
henni var ákveðið að leita eftir frekari heimildum til jarðefnaleitar og stærri sýnatöku á völd-
um svæðum.
Iðntæknistofnun vinnur nú að verkefni á vegum Kísiliðjunnar sem hefur það að markmiði
að minnka magn lífræns efnis í kísilgúr með aðstoð örvera. Stefnt er að verklokum á árinu
1994.
Á árinu 1993 lauk Iðntæknistofnun við verkefni sem hafði það að markmiði að þróa
aðferð til framleiðslu á keramik örkúlum úr zirkoníumoxíði. Notkunarsvið keramík örkúla er
margvíslegt. Þær má nota meðal annars til plasmahúðunar og í síur. Ekki hefur verið tekin
ákvörðun hjá Kísiliðjunni um hagnýtingu á þeim niðurstöðum sem liggja fyrir.
Kísiliðjan hf. kannaði á árinu 1993 útbreiðslu og efnisgæði á perlusteini í Jörundi með það
í huga að hefja útflutning á perlusteini til þenslu fyrir erlendan markað. Því miður reyndust
efnisgæði perlusteinsins ekki fullnægja þeim kröfum sem gerðar eru til perlusteins vegna sí-
unar. Hins vegar er ókannað hvort þessi perlusteinn geti hentað sem byggingarefni.
Kísiliðjan hefur undanfarin misseri kannað möguleika á framleiðslu á járnoxíði á Islandi.
Áfangaskýrsla liggur fyrir en ekki hefur verið tekin ákvörðun um framhald þessa verkefnis.
6.2.3 Áburðarverksmiðjan
Framleiðsla: Framleiðsla tilbúins áburðar hjá Áburðarverksmiðjunni fer fram í fimm þrepum
í fimm sjálfstæðum verksmiðjum. Rekstur þessara verksmiðja gekk vel á árinu 1993. Lítið
var um stöðvanir á framleiðslu vegna bilana eða annarra utanaðkomandi atvika. I vetnis-,
köfnunarefnis- og ammoníakverksmiðjum var framleitt í 341 dag. Alls voru framleidd 9.270
tonn af ammoníaki eða sem svarar 27,2 tonnum á dag að meðaltali. Eru það svipuð afköst og
hafa verið undanfarin ár. Til viðbótar eigin framleiðslu voru flutt inn 2.870 tonn af ammoní-
aki. í saltpéturssýruverksmiðju var framleitt í 221 dag á árinu 1993. Framleiðslumagn saltpét-
urssýruverksmiðjunnar ræðst algjörlega af því magni tilbúins áburðar sem blöndunar-
verksmiðjan framleiðir, en á árinu 1993 voru framleidd 51.099 tonn af lilbúnum áburði í
blöndunarverksmiðjunni.
Afkoma: Árið 1993 námu rekstrartekjur Áburðarverksmiðjunnar 1.149,3 milljónum króna.
Rekstrarhagnaður á árinu varð 57,2 milljónir króna eftir vexti og afskriftir. Af eignum voru
afskrifaðar 146,4 milljónir króna.
Verðlagning: I janúar ákvað stjórn Áburðarverksmiðjunnar að lækka söluverð á áburði um
5,2% frá því verði sem gilti á árinu 1992. Á undanförnum árum hefur markvisst verið unnið
að því að lækka kostnað hjá fyrirtækinu. Kostnaðarlækkanir hafa leitt til þess að söluverð á
áburði hefur lækkað umtalsvert.