Árbók VFÍ - 01.01.1995, Page 255

4-2
Ólafur Vigfússon
Gerðarprófanir rafbúnaðar
og framleiðsla á íslandi
Prófanir 12 kV aflrofaskápa á vegum
Tryggva Þórhallssonar rafverktaka
1 Inngangur
„Veljum íslenskt" er hugtak sem kemur alltaf öðru hvoru upp á yfirborðið í umræðu um
iðnþróun á íslandi. Þegar kreppir að eykst þessi umræða og menn „gera jafnvel eitthvað í
málinu“. Oftast er umræðan hástemmd og án annars markmiðs en að velja íslenskar vörur
óháð gæðum. Helstu rökin sem notuð eru fyrir því að velja skuli íslenskar vörur eru að það
skapi atvinnu í landinu. Samtímis þessum óskum eru gerðir samningar um aukið samstarf við
önnur lönd um frelsi til athafna á öllum sviðum mannlegrar tilveru.
Færa má rök fyrir því að í rauninni þurfi ekki að framleiða neitt á íslandi annað en fisk.
Aðrir séu á flestum sviðum betur hæfir og lengra á veg komnir í iðnþróun og ekki sé til neins
að vinna á sömu sviðunt og þróaðar iðnaðarþjóðir eða keppa við þær í framleiðslu, jafnvel
ekki þótt aðeins sé verið að hugsa um heimamarkað. Unnt sé að kaupa allar vörur frá aðilum í
iðnaðarlöndunum. Nóg framboð er á vörum erlendis frá og margir tilbúnir að sjá um innflut-
ning til landsins. Þrátt fyrir opnun markaða og þróun heimsviðskipta til frjálsræðis hafa mörg
lönd þó hindranir sem styrkja eigin framleiðslu og takmarka innflutning. Nægilegt er að
benda á Japan og Frakkland.
Undanfarna áratugi hafa innlendir framleiðendur reynt að hasla sér völl á markaði rafbún-
aðar með eigin framleiðslu. Hér á eftir
verður einkum rætt um smíði á háspennu-
aflrofaskápum.
Á sviði lágspennutaflna hefur úrval
efnis hentað vel til samsetningar íhluta frá
mismunandi framleiðendum. Kröfur
alþjóðastaðla hafa breyst í þá átt að skilja
að kröfur um prófanir íhluta og umbún-
aðar. Á seinni árum hafa verið opnaðir
möguleikar á að hlutar búnaðarins séu
prófaðir, en ekki gerð krafa um að prófuð
sé nákvæmlega sú samsetning sem byggð
er hverju sinni. Nýjungar hafa komið inn í
Ólafur Vigfússon lauk prófi í raf-
magnsverkfræði frá Háskóla íslands
1976. Verkfræðingur hjá Landsvirkjun
1976-1978, hjá Rafteikningu hf. frá 1978-
1985. Var erlendis í _______________
vinnu 1985-1990 og
hefur starfað sjálf-
stætt í Reykjavík
síðan 1990. Starfs-
sviðið hefur einkum
verið á sviði virkjana
og stóriðnaðar.