Árbók VFÍ - 01.01.1995, Blaðsíða 313

4-7
Helgi Jóhannesson
Landbrot framan við brúna yfir
Jökulsá á Breiðamerkursandi
1 Inngangur
Nýlega hefur ágangur sjávar við suðurströndina verið mikið til umræðu hér á landi. Talsvert
tjón varð af völdum sjávarflóða í óveðrinu þann 9. janúar 1990. Mest varð tjónið við
suðurströndina frá Vestmannaeyjum til Grindavíkur. Áætlaður kostnaður við sjóvarnir á
þessu svæði er 170 milljónir (Fjarhitun 1990). Suðurfjörutangi við Höfn í Hornafirði er
óstöðugur og opnast öðru hvoru. Ástandið þar var mjög slæmt 1988, 1989 og 1990. Tanginn
var styrktur á 600 m löngum kafla sumarið 1991 og var kostnaður við það verk rúmlega 100
milljónir samkvæmt upplýsingum frá Gísla Viggóssyni hjá Hafnamálastofnun. í framhaldi
af óveðrinu í janúar 1990 sendi Fjölnir Torfason frá Hala í Suðursveit bréf (dagsett 4/12
1990) til ýmissa opinberra stofnana, þar á meðal Vegagerðarinnar, þar sem hann gerir grein
fyrir mælingum sínum á landbroti fyrir framan brúna yfir Jökulsá á Breiðamerkursandi og
lýsir yfir áhyggjum sínum af ástandi mála. í bréfi sínu segir Fjölnir meðal annars: „í janúar
1990 gekk yfir landið mjög slæmt sunnan og suðvestan veður. Þetta sama veður gjörbreytti
öllum aðstæðum á þessum stað til hins verra. I þessu sama veðri gekk sjór yfir veginn austan
Jökulsár á nokkrum kafla en þar sem veg- ______________________________
urinn var harðfrosinn á þessum tíma stóð
hann af sér þetta áhlaup.“ Nýjasta dæmið
um breytingar á suðurströndinni er land-
brotið framan við Vík í Mýrdal.
Brúin yfir Jökulsá á Breiðamerkursandi er
108 m löng hengibrú og var brúin byggð
1967. Hvergi er hægt að sjá í gögnum, varð-
andi hönnun á þeirri brú, að menn hafi haft
áhyggjur af breytingum á ströndinni sem þá
var í 500 m fjarlægð frá brúarstæðinu (mynd
1). Stefna brúarinnar (hornrétt á árfarveginn)
veldur því að vegurinn austan brúarinnar fer
Helgi Jóhannesson lauk prófi í bygging-
arverkfræði frá Háskóla íslands 1983.
Frá 1983 til 1988 stundaði hann fram-
haldsnám við University
of Minnesota í Banda-
ríkjunum og lauk þaðan
mastersprófi 1985 og
doktorsprófi 1988.
Hefur starfað frá 1988
sem verkfræðingur hjá
Vegagerðinni.