Bændablaðið - 27.02.2001, Blaðsíða 11

Þriðjudagur 27. febrúar 2001
BÆNDABLAÐIÐ
11
Mýtt fjós meO mjaltara í
MiklaholH í Biskupstungum
Nýlega var tekið í notkun stórt
og glæsilegt fjós í Miklaholti í
Biskupstungum. Þetta er lausa-
göngufjós með mjaltara og er
Miklaholt þar með þriðja búið
sem tckur slíkt tæki í notkun.
Það eru Þráinn B. Jónsson og
Anna S. Björnsdóttir sem reka
búið ásamt syni þeirra Vil-
hjálmi. Byrjað var að grafa fyrir
fjósinu 10. september og 12.
janúar sl. var það tekið í notkun.
Vélar og þjónusta sáu um upp-
setningu mjaltarans en Magnús
Sigsteinsson, hjá Bændasam-
tökum Islands, teiknaði húsið.
Þráinn sagðist hafa tekið þá
ákvörðun fyrir tveimur og hálfu ári
að fjárfesta í mjaltara. „Þegar við
sáum hvaða þægindi hlutust af
þessu var þetta engin spurning.
Þetta er það sem koma skal.“ Hann
segir tækið hafa virkað eins og til
var ætlast og jafnvel betur. „Mér
var t.d. sagt að ég þyrfti sennilega
að vakta þetta í nokkrar vikur en
ég þurfti þess einungis fyrstu
vikuna. Kýrnar eru líka fljótar að
venjast þessu og nú er svo komið
að aðeins þarf að hjálpa þremur
kúm með handstýringu.“
Enn sem komið er fer hver kýr
aðeins tvisvar á sólarhring í tækið
til mjalta en Þráinn stefnir að þvf
að hafa tækið síðar alveg opið
þannig að kýrnar geti gengið í það
þegar þær sjálfar vilja.
Þráinn segir að geysilegur
munur sé á vinnu kringum mjaltir
eftir að nýja fjósið kom. „Aður
fóru um sjö tímar á dag í að mjólka
en nú tekur það einungis tvo tíma.
Og á þeim tíma eru ekki nokkur
átök í kringum þetta.“
Hann sér fram á að næsta muni
kynslóð njóta góðs af mjaltaran-
um. „Sonur okkar er með okkur í
rekstrinum og hann mun trúlega
njóta góðs af þessu tæki þegar
fram í sækir,“ segir Þráinn að
lokum.
Markaðsrannsókn Gallup á viðhorfum til
framleiðslu garðyrkjubænda:
Gæði skipta neytendur
meira mðli en verd
Samband garðyrkjubænda
kynnti í síðustu viku niðurstöður
markaðsrannsóknar sem Gallup
gerði að beiðni sambandsins.
Þar var fólk spurt um ýmislegt
sem tengdist grænmeti, blómum
og garðplöntum. Nokkrar at-
hyglisverðar niðurstöður komu
úr könnuninni sem munu nýtast
við að markaðssetja fram-
leiðsluvörur garðyrkjubænda.
I könnuninni var tekið 1000
manna slembiúrtak úr þjóðskrá af
fólki á aldrinum 16-75 ára og var
fólk spurt í gegnum síma. Svar-
hlutfall var 66,4% sem telst viðun-
andi. Könnunin var framkvæmd á
tímabilinu 27. nóvember til 13.
desember sl.
Meðal athyglisverðra niðu-
rstaða má nefna að við val á
grænmeti hafa ferskleiki og
bragðgæði mun meira vægi heldur
en verð á því eða hvort það er
íslenskt eða ekki. „Þetta er í
andstöðu við þá umræðu sem hef-
ur verið í gangi um að verð fæli
fólk frá því að kaupa íslenskt
grænmeti. I því samhengi er einnig
rétt að minna á umræðu um hrein-
leika í landbúnaði sem hefur verið
mikil að undanförnu," segir Unn-
steinn Eggertsson framkvæmda-
stjóri Sambands garðyrkjubænda.
Hlutfall þeirra sem segist
borða grænmeti daglega eða oftar
er.svipað og árið 1997. Hins vegar
hefur sala á íslensku grænmeti
aukist á sama tíma, t.d. hefur
gúrkusala tvöfaldast frá árinu
1995. Þetta þykir benda til þess að
markaðshlutdeild íslensks græn-
metis á þeim markaði sé að aukast,
enda hafði fólk mun jákvæðari
viðhorf til íslensks grænmetis en
þess innflutta.
Hvað blóm varðar kemur í ljós
að staða þeirra er sterk þegar fólk
hugar að gjafavörum. 60% nefndu
blóm fyrst þegar spurt var hvort
fólk gæti nefnt einhverja
tækifærisgjöf og 74,5% kaupa
eingöngu blóm handa öðrum en
sjálfum sér. „Þetta segir okkur að
við þurfum að leggja meiri áherslu
á að markaðssetja blóm sem
dagsvöru, þannig að fólk kaupi t.d.
meira blóm fyrir sjálft sig um
helgar eða eitthvað slíkt," segir
Unnsteinn. Þá kemur fram að það
háttar svipað til með blóm og
grænmeti að því leyti að gæði vöru
skipta meira máli en verð.
Ríflega helmingur aðspurðra
sagðist ekki fá upplýsingar um
hvernig eigi að meðhöndla blóm
þegar þau eru keypt. Fleiri virðast
þó fá leiðbeiningar nú en árið
1997.
Hvað garðplöntur varðar þá
kaupa flestir þær í gróðrarstöðvum
og fá í flestum tilfellum leiðbein-
ingar um meðhöndlun. Þegar spurt
var hvaða árstíð menn teldu heppi-
legasta til að gróðursetja tré og/eða
runna sögðu 72,6% vorið en
aðeins 7,3% nefndu bæði vor og
haust. „Haustið er oft ekkert síðra
til gróðursetninga, þannig að við
þurfum að leggja áherslu á að
menn reyni að gróðursetja meira á
þeim árstíma,“ segir Unnsteinn.
Þráinn B. Jónsson bóndi í Miklaholti við mjaltarann í nýja fjóslnu si'nu.
FRAMLEIÐNISJOÐUR
LANDBÚNAÐARINS AUGLÝSIR
Framleiðnisjóður landbúnaðarins styður með styrkjum og lánum verkefni til
nýsköpunar og framleiðniaukningar í landbúnaði og við aðra eflingu
atvinnu í dreifbýli, sbr. lög nr. 89/1966.
Framleiðnisjóður leggur áherslu á að fjármagn sjóðsins verði til viðbótar
framlögum frá ábyrgðaraðilum verkefna, bæði eigin fjár og því sem þeir
kunna að afla frá öðrum.
Framleiðnisjóður leggur á árinu 2001 áherslu á viðfangsefni sem hafi
þessi markmið:
a. að auka framleiðni búgreina með rannsókna- og þróunarverkefnum
b. að styrkja tekjumöguleika á einstökum búum með nýsköpun í
búrekstri
c. að efla kunnáttu og færni í búrekstri
d. að efla og styrkja markaði fyrir búvörur og þjónustu búa
e. að styðja hagræðingu í úrvinnslu búsafurða og efla atvinnufyrirtæki í
dreifbýli.
Mikilvægt er að í umsókn sé
• markmið verkefnis sett fram með skýrum og mælanlegum hætti,
• sýnt fram á faglega og fjárhagslega möguleika umsækjanda til þess að
leysa verkefnið af hendi,
• glögg grein gerð fyrir kostnaði við verkefnið og hvernig það skuli
fjármagnað; einkum er mikilvægt að gera grein fyrir eigin framlagi
umsækjanda til verkefnisins,
• sýnt fram á fýsileika verkefnis og áætlaðan ábata af því á
fyrirsjáanlegum tíma.
Framleiðnisjóður landbúnaðarins áskilur sér rétt til þess
• að meta með sjálfstæðum hætti getu umsækjenda til þess að standa
undir fyrirætlunum sínum og taka tillit til hennar við úthlutun styrkja
(einkum hvað snertir faglega kunnáttu/færni á sviðinu og fjárhagslega
burði/möguleika/stöðu),
• að meta framvindu og árangur verkefnis sem styrkur hefur verið veittur
til og haga greiðslu hans samkvæmt niðurstöðu slíks mats. í því
sambandi er styrkþegum skylt að veita sjóðnum þær upplýsingar sem
hann telur sér nauðsynlegar í allt að fimm ár frá lokaúthlutun.
Umsóknum skal skilað til skrifstofu Framleiðnisjóðs landbúnaðarins,
Engjaási 2-310 Borgarnes, á umsóknareyðublöðum sem þar fást.
Umsóknareyðublöð fást einnig á skrifstofum búnaðarsambandanna og á
heimasíðu sjóðsins, veffang: www.fl.is.
Nánari upplýsingar eru veittar á skrifstofu
Framleiðnisjóðs landbúnaðarins, Engjaási 2, 310 Borgarnes.
Sími 430-4300 / myndsími 430-4309 / netfang fl@fl.is