Börn og bækur - 01.04.1987, Qupperneq 35

Vilborg Dagbjartsdóttir er fædd 18.7. 1930 á
Vestdalseyri við Seyðisfjörð og er nú búsett
í Reykjavík. Hún hefur kennaramenntun og
hefur kennt lengi við Austurbæjarskó1ann
ásamt því að stunda ýmis konar ritstörf.
Vilborg hefur samið nokkrar bækur fyrir börn
og unglinga og myndskreytt eina þeirra, Labba
pabbakút, með klippimyndum. Auk frumsaminna
bóka hefur hún tekið saman safnritið
Sögustein þar sem efnið er ýmist þýtt,
endursagt eða frumsamið af henni.
Vilborg hefur auk þess átt barnaefni í fjöl-
mörgum blöðum og tímaritum þar sem mynd-
skreytingar hennar hafa oft á tíðum prýtt
það. Hún var umsjónarmaður barnasíðu Þjóð-
viljans í tólf ár. Árið 1960 sá hún um
ársrit Barnaverndarfélagsins, Sólhvörf og
hefur auk þess skrifað mikið bæði í Sólhvörf,
Sólskin og Melkorku. Vilborg hefur einnig
verið mikilvirkur þýðandi og má m.a. nefna
bækur Astrid Lindgren um Emil í Kattholti og
ýmsar bækur Mariu Gripe.
Barnabækur Vilborgar eru:
AlliNalli og tunglið / Vilborg Dagbjarts-
dóttir ; Sigríður Björnsdóttir gerði myndir.
- Rv. : Litbrá, 1939.
Alli Nalli og tunglið / Vilborg Dagbjarts-
dóttir ; myndir Gylfi Gíslason. - [2. útg.]
- Rv. : MM, 1976.
Bogga á Hjalla / Vilborg Dagbjartsdóttir ;
myndir Anna Cynthia Leplar. - Rv. : MM, 1984.
-33-