blaðið - 28.07.2005, Blaðsíða 11

Maöið FIMMTUDAGUR 28. JÚLl 2005
ERLENDAR FRÉTTIR \ 11
Hinn 6 ára gamli órangútanapi Allan tek-
ur sér stutt hlé frá dýrasýningu og gæðir
sér á vatnsmelónu í Everland-dýragarðin-
um í Yongin í Suður-Kóreu. Algengt er að
dýrin í garðinum fái sérstaka glaðninga á
sumrin til að létta þeim lundina í hitanum.
Reyndiað
myrða
dóttur sína
Kynferðisglæpamaður sem stakk
12 ára gamla dóttur sína nærri til
dauða var handtekinn í Idaho-fylki
í gær eftir að lögregla hafði leitað
hans í vikutíma. Hinn 37 ára gamli
John R. Tuggle var látinn laus úr
fangelsi á síðasta ári eftir 9 ára vist
fyrir að nauðga 14 ára gamalli syst-
ur eiginkonu sinnar. Tuggle og kona
hans skildu meðan á fangelsisvist
hans stóð en þau áttu saman dóttur
og son.
Tuggle, sem hafði ekki séð dóttur
sína síðan áður en hann fór í fang-
elsi, mætti á heimili fyrrverandi eig-
inkonu sinnar í síðustu viku og sam-
kvæmt yfirvöldum sagðist hann
vilja fara með stúlkuna að versla.
Dóttirin fannst um kvöldið við fjall-
veg þar sem Tuggle hafði skilið hana
eftir, eftir að hafa stungið hana
margsinnis og ætlað sér að myrða
hana. Hafði hún legið í vegakantin-
um í rúma fjóra klukkutíma þegar
fólk í útilegu heyrði hróp hennar. Lá
hún enn þungt haldin á sjúkrahúsi í
gær. Ekkert eftirlit hafði verið haft
með Tuggle frá því að hann losnaði
úr fangelsi að því undanskildu að
hann þurfti að tilkynna sjálfan sig
sem kynferðisglæpamann sem yfir-
völd segja að hann hafi gert. ■
Sjúklinga-
morðingi ekki
vanheil á geði
Fyrrum hjúkrunarkona í Texas-
fylki, Vickie Dawn Jackson, er hæf
til að mæta fyrir rétti samkvæmt úr-
skurði geðlæknis sem hafði hana til
meðferðar. Jackson er ákærð fyrir
morð á 10 sjúklingum sem hún ann-
aðist árin 2000-2001. Allir voru þeir
aldraðir og er hjúkrunarkonan sögð
hafa myrt þá með því að sprauta þá
með eitri.
Dómari skipaði að fengið yrði
geðlæknamat á Jackson eftir að hún
kvaðst heyra raddir í mai síðastliðn-
um. Vildi verjandi hennar að hún
yrði úrskurðuð andlega vanheil og
þ.a.l. vistuð á geðveikrahæli. Tveir
geðlæknar voru fengnir til verksins
og unnu þeir saman að málinu. Ann-
ar þeirra hefur skilað skýrslu þar
sem Jackson er sögð fullfær um að
mæta fyrir rétti og búist er við sömu
niðurstöðu hins læknisins.
Réttað var yfir Jackson fyrr á
þessu ári en þau réttarhöld voru
dæmd ómerk vegna galla í máli sak-
sóknara. Jackson hefur alla tíð hald-
ið fram sakleysi sínu en hún gæti
átt von á lífstíðarfangelsi verði hún
fundin sek um morð af ásetningi.
Saksóknarar hafa ekki farið fram á
dauðarefsingu. ■
www.postur.is
Réttarhöldum í stærsta
barnaníðingamáli Frakklands að ljúka
65 manns ákærðirfyrir kynferðislegt ofbeldi gegnfjölda barna
Málaferlum í Frakklandi sem snúa
að kynferðislegri misnotkun á börn-
um er senn að ljúka en um er að
ræða stærsta mál sinnar tegundar
sem komið hefur upp þar í landi. 65
manns, þar af 26 konur, eru ákærð
fyrir að misnota kynferðislega börn
sín og annarra í fátækrahéraði í bæn-
um Angers. Málið kom til kasta yf-
irvalda í árslok 2000 þegar tánings-
stúlka sakaði tvo fjölskyldumeðlimi
um að hafa nauðgað sér. Saksóknar-
ar segja 45 börn á aldrinum sex mán-
aða til 14 ára hafi verið nauðgað eða
boðin til kynlífs í skiptum fyrir oft
mjög lágar fjárupphæðir eða tóbak.
Forsprakkarnir dæmdir í gær
I gær var kveðinn upp dómur yfir
forsprökkum barnaklámhringsins,
hinni 32 ára gömlu Patriciu og fyrr-
um eiginmanni hennar Franck.
Hlaut Patricia 16 ára fangelsisdóm
og var hún fundin sek um að vera
ein stjórnenda „hringsins", fyrir
að taka þátt í nauðgunum og sölu
vændis á börnum. Franck hlaut 18
ára fangelsisdóm fyrir sömu glæpi.
Þá var annar maður, Eric að nafni,
einnig dæmdur í gær en fórnarlömb
hans, sem vitnuðu í réttarsalnum,
töluðu iðulega um hann sem „tröll-
ið“ eða „fitubolluna."
Fleiri dómsúrskurða er að vænta
síðdegis í dag en saksóknarar hafa
ítrekað þrýst á að forsprakkar barna-
níðingahringsins verði fangelsaðir
ævilangt. Sakborningarnir eru á
aldrinum 27 til 73 ára. Eftirnöfn
þeirra hafa ekki verið opinberuð til
að vernda nafnleynd barnanna.
Sakborningarnir sjáHir fórnarlömb
Fréttaskýrendur sögðu að þeir
ákærðu, sem margir hverjir eru at-
vinnulausir bótaþegar, hafi sagt lítið
fyrir rétti og verið ráðvilltir yfir at-
burðarásinni í réttarsalnum. Um 20
þeirra hafa gengist við ákærunum.
Verjendur hafa krafist sýknunar yf-
ir mörgum sakborninganna á þeim
forsendum að skortur sé á sönnun-
argögnum. Þá hafa þeir ennffemur
bent á að margir þeirra hafi orðið
fyrir kynferðislegri misnotkun sjálf-
ir í æsku. ■
Við erum þarsem þú ert