blaðið - 21.11.2005, Side 8

8 I ERLENDAR FRÉTTIR
MÁNUDAGUR 21. NÓVEMBER 2005 blaðiö
ísrael
Ariel Sharon íhugar að
hætta í Likud-bandalaginu
Miklar líkur eru taldar á því að
Ariel Sharon, forsætisráðherra
ísrael, íhugi nú alvarlega að hætta
í Likud-bandalaginu og stofna
nýjan hófsamari stjórnmálaflokk.
Búist er við því að Sharon gefi út
yfirlýsingu þessa efnis í dag.
Góð áhrif á f riðarferlið
Mikil átök hafa verið innan Likud-
bandalagsins frá því að ísraelsk
stjórnvöld, undir forystu Sharons,
ákváðu að draga herlið af Gaza
svæðinu. Þetta mætti mikilli
andstöðu íhaldsamra afla innan
Likud-bandalagsins og ljóst að
Sharon þykir það nú vænlegra að
yfirgefa bandalagið til að tryggja
áframhaldandi friðarferli. Sharon
og Amir Peretz, formaður Verka-
mannaflokksins, komust að því
samkomulagi í síðustu viku að
flýta fyrirhuguðum kosningum
sem áttu að fara fram í nóvember
á næsta ári til febrúar eða mars.
Nái hinn nýi flokkur Sharons
góðri kosningu telja stjórnmála-
skýrendur að það kunni að vera
mikil lyftistöng fyrir friðarferlið
á svæðinu.
Breytt landslag
Nú þegar þykir ljóst að a.m.k. to
ráðherrar og þingmenn Likud-
bandalagsins kunni að fylgja
Sharon yfir í hinn nýja flokk. Ný-
legar kannanir benda þó til þess
að flokkur Sharons ætti verulega
undir högg að sækja ef kosningar
færu fram núna og því allsendis
óvíst að hann kæmist aftur til
valda. Að sögn Simon Shifferblaða-
manns hjá dagblaðinu Yedioth
Ahronoth gæti nýr flokkur undir
forystu Sharons gjörbylt lands-
lagi ísraelskra stjórnmála. „Þetta
gæti valdið meiri straumhvörfum
í ísraelskum stjórnmálum allt frá
því að ríkið var stofnað," sagði
Simon. Sharon hittir þingmenn
Likud-bandalagsins í dag og búist
er við yfirlýsingu frá honum eftir
fundinn.
Beðið eftir yfirlýsingu frá Ariel Sharon
Bush vill ekki kalla
herinn heim frá írak
Georg W. Bush, Bandaríkjafor-
seti, lét hafa eftir sér um helgin
að hann hefði ekki hug á að kalla
herlið sitt til baka frá Irak en
þessi yfirlýsing kom í kjölfar þess
að fimm bandarískir hermenn
féllu og fimm aðrir særðust eftir
sprengjutilræði í bænum Baiji í
norðurhluta írak. Alda ofbeldis
reið yfir írak í gær en ríflega
fimmtíu manns létust í fjölda
sjálfsvígssprengjutilræða. Frá
upphafi átakanna í í rak hafa að
minnsta kosti 2089 bandarískir
hermenn látið lífið. Breskur
hermaður lét einnig lífið og fjórir
aðrir særðust í sprengjuárás við
bæinn Basra í Suðurhluta írak í
gærdag. Frá því innrásin var gerð
hafa 98 breskir hermenn látið.
Frelsið krefst fórna
Bush sagði að það væri hans vilji að
klára það sem byrjað hefði verið á:
„Við munum halda okkur við efnið
uns við höfum náð fullnaðarsigri
sem hermennirnir okkar hafa bar-
ist fyrir. Varnir frelsisins eru virði
fórna.“ Ummæli Bush féllu eftir að
uppvíst varð um áætlanir nokkurra
herforingja sem telja að hægt verði
að hefja heimflutning bandarískra
hermanna strax í upphafi næsta
árs ef kosningarnar í næsta mánuði
fara vel. Stjórnmálamenn í Washing-
ton hafa lent í hörðu orðaskaki eftir
að fyrirhuguð brottför hersins var
kynnt og bandaríska þingið hafn-
aði áætluninni í atkvæðagreiðslu. í
henni er lögð áhersla á að íraska lög-
reglan og herliðið geti haft stjórn á
ástandinu ef kosningarnar fara vel
og miðað er við að um 60.000 banda-
rískir hermenn hverfi frá landinu á
næsta ári en um 100.000 hermenn
verði þar áfram.
Tónlist gegn
alzheimer
Alzheimersjúklingur á níræðis-
aldri sem var hættur að hafa sam-
skipti við sína nánustu sýndi um-
talsverðar framfarir eftir að hafa
farið á tónleika fyrir alzheimer-
sjúklinga. Alzheimersjúklingur-
inn fór að geta haldið uppi sam-
ræðum á ný eftir að hafa farið
á tónleika sönghópsins söngur
fyrir heilann. Talsmaður söng-
hópsins segir hlustun á lög hafa
jákvæð áhrif á tilfinningar og
líkamlega hæfni. Þá er talið að
fólk með elliglöp eða parkinson-
sjúkdómnum geti einnig gagnast
að hlusta á tónlist.
Bændur í Bosníu
mótmæla markaðnum
Bændur frá Bosníu bisa við tjöld sín en þeir hafa staðið fyrir mótmælum við þingið í 149
daga til að mótmæla lítiili aðstoð gegn samkeppni nágrannaríkja sinna og ónægum
stuðningi við landbúnað í Sarajevó. Evrópusambandið mun hefja samningaviðræður
vegna Evrópusambandsaðildar Bosníu þann 25. nóvember komandi. Bosnía er síðasta
landið á þessu svæði sem hefur viðræður vegna mögulegrar aðildar en í ár eru einmitt
tíu ár síðan skrifað var undir Dayton samkomulagið sem markaði endalok Balkansskaga-
átakanna sem kostuðu um 200 þúsund manns lífið.
Víetnamar
óttast ekki
fuglaflensu
Víetnamar segjast ætla að
bjóða fuglaflensunni byrginn
og eru hvergi bangnir þrátt
fyrir að hvergi í heiminum hafi
fleiri látist úr fuglaflensunni
en einmitt í Vietnam. Endur
og hænsni eru stór hluti af
matarræði Víetnama og búa
fuglarnir í milljónum í sambýli
við íbúa landsins. Rfkistjórnin
hefur gefið út að alifuglar
landsins verði bólusettir gegn
vlrusnum á komandi misserum
með bóluefni sem þróað hefur
verið í Kína en þar var einmitt
tilkynnt um fyrsta mannslátið
af völdum vírussins í vikunni.
Dánar
afmælis
Francos
minnst
I gær voru 30 ár liðin frá and-
láti Francisco Franco fyrrum
einræðisherra Spánar. í tilefni
dagsins fylktu aðdáendur hans
liði og komu saman á torginu
Plaza del Oriente í Madríd en
þar hélt Franco ræðurnar í
valdatíð sinni. Franco-sinn-
aðir fasistar munu vera lítill
hópur þótt þeir komi reglulega
saman til að mótmæla stjórn-
arháttum landsins. í mars á
þessu ári fylktu fasistar liði og
mótmæltu því harðlega að rífa
ætti niður síðustu styttuna af
Franco. 1 gær gengu fastistar
frá grafhýsi Francos og inn í
borgina, en grafhýsið er í um
30 km fjarlægð frá Madrid.