blaðið - 23.09.2006, Blaðsíða 2

2 LAUGARDAGUR 23. SEPTEMBER 2006
blaöiA
VEÐRIÐ í DAG ÁMORGUN VÍÐA UM HEIM |
Léttskýjað
Hæg austlæg átt og skýjað með köflum.
Hiti víða 7 til 13 stig að deginum, en
sums staðar frost í nótt.
Þurrt
Hæg suðaustan- og austanátt.
Lítilsháttar súld með köflum
sunnantil, en annars þurrt. Hiti
8 til 13 stig að deginum.
Algarve
Amsterdam
Barcelona
Berlín
Chicago
Dublin
Frankfurt
25 Glasgow
25 Hamborg
24 Helsinki
24 Kaupmannahöfn
15 London
17 Madrid
23 Montreal
m New York
22 Orlando
19 OslÓ
19 Palma
15 París
20 Stokkhólmur
09 Þórshöfn
15
22
20
27
19
18
14
Victoria Svíaprinsessa:
Fannst hún
vera heimsk
„Ég átti í miklum erfiðleikum
með að fylgjast með í tímum í
skólanum,“ segir Victoria, krón-
prinsessa Svíþjóðar, í viðtali við
sænska tímaritið Má Bra þar
sem hún segir opinskátt frá les-
blindu sinni.
„Mjög erfitt var þegar kennar-
inn bað mig um að lesa upphátt.
Það var það versta sem gat
komið fyrir og samnemendur
mínir hlógu stundum að upp-
lestrinum. Upphaflega fannst
mér ég vera heimsk og treg, en
mamma mín útskýrði fyrir mér
að þetta væri ekki mér að kenna.“
Karl Gustav Svíakonungur,
faðir Victoriu, er einnig haldinn
lesblindu.
Lögreglurannsókn:
Skoöa vændi
við Kleppsveg
Lögreglan ætlar að rannsaka
hvort stundað sé vændi á erót-
ískri nuddstofu við Kleppsveg.
Rekstur nuddstofunnar er
auglýstur í smáauglýsingum
dagblaðanna.
Hörður Jóhannesson, yfirlög-
regluþjónn í Reykjavík, segir
lögregluna hafa rannsakað
starfsemi tveggja erótískra nudd-
stofa í ár og í framhaldi af þeirri
rannsókn hafi annarri þeirra
verið lokað.
Óvissutíma lokið 20 starfs-
mönnum NFS var sagt upp i
gær, þar á meðal 7 frétta- og
dagskrárgerðarmönnum
Sjónvarpsstöðin NFS verður lögð
niður og fréttastofan flutt yfir á
Stöð 2 og Bylgjuna samkvæmt yf-
irlýsingu sem stjórn Dagsbrúnar
sendi frá sér í gær. Síðasta útsend-
ing stöðvarinnar var í gær og lauk
formlega eftir kvöldfréttir. Tuttugu
starfsmönnum NFS var sagt upp
störfum og þar á meðal Róberti
Marshall, forstöðumanni NFS. Ró-
bert segir niðurstöðuna vonbrigði
en segist engu að síður hverfa sáttur
á braut. Forstjóri 365 segir rekstur
NFS ekki hafa skilað tilætluðum
árangri.
Skynsamleg ákvörðun
„Við teljum þetta skynsamlega
ákvörðun eftir að hafa rætt þá kosti
sem voru í stöðunni,“ segir Ari Edw-
ald, forstjóri 365. Hann segir það
fyrirkomulag sem var á sjónvarps-
útsendingum NFS hafa verið of dýrt
og því hafi stjórn fyrirtækisins þurft
að bregðast við. „Það kom ekki til
greina að reka NFS áfram.“
Samkvæmt tilkynningu sem
stjórn Dagsbrúnar sendi frá sér í
gær verður sjónvarpsstöðin NFS
lögð niður og fréttir fluttar þess
Skynsamleg
ákvörðun að
leggja NFS nlður
Ari Edwald,
forstjóri 365
í stað á hefðbundnum tímum á
tíðnisviði Bylgjunnar og Stöðvar 2.
Mun fyrirtækið ennfremur leitast
við að efla fréttaflutning i gegnum
netmiðla.
Þá var um tuttugu starfsmönnum
sagt upp störfum og þar af sjö frétta-
og dagskrárgerðarmönnum.
Ari segir að gengið verði frá starfs-
lokum við þá sem fengu uppsagnar-
bréf eftir helgi og bætir við að það séu
vonbrigði að þurfa að draga saman
seglin. „Það er alltaf leiðinlegra að
þurfa að draga saman seglin heldur
en spýta í. En það er einfaldlega svo
að í einkarekstri þurfa menn að
laga sig að þörfum markaðarins frá
einum tíma til annars.“
Vonbrigði
Róbert Marshall, fyrrverandi for-
stöðumaður NFS, segir niðurstöð-
Fullviss um að
svona stöð geti
staðlð undlr sér
Róbert Marshall, fyrrum
forstöðumaður NFS
una eins og hún blasti við í gær vera
vonbrigði. Hann er enn fullviss um
að sjónvarpsstöð á borð við NFS geti
borið sig hér á landi. „Ég hef fulla trú
á því að svona stöð geti staðið undir
sér. Niðurstaðan er því vonbrigði. Ég
er hins vegar búinn að gera það sem
af mér var ætlast. Kom þessari stöð á
fót og rak hana á áætlun. Þannig að
ég hverf á braut vitandi að ég hef lagt
allt í þetta verkefni.“
Róbert segir auglýsingasölu ekki
hafa gengið samkvæmt áætlunum.
„Það sem fór úrskeiðis er að auglýs-
ingasala var ekki í samræmi við áætl-
anir sem voru gerðar.“
Þá segist Róbert ekki vera búinn
að ákveða hvað hann taki sér fyrir
hendur á næstunni. „Ég hef ekki
tekið neina ákvörðun. Ég hef fengið
slatta af tilboðum en þau voru öll í
sölubæklingi frá Byko.“
Bandaríkin:
Fleiri deyja
af spínatsáti
Tilkynnt hefur verið um fleiri
dauðdaga í Bandaríkjunum vegna
alvarlegrar kólígerlasýkingar í kjöl-
far neyslu á spínati. Áttatíu og sex
ára gömul kona lést í Maryland i
síðustu viku vegna sýkingar og á
dögunum gaf tveggja ára gamall
drengur í Idaho upp öndina vegna
nýrnabilunar sem er rakin til
kólígerlasýkingar. Bæði konan og
drengurinn höfðu borðað spínat
áður en þau veiktust.
Hundruð manna hafa veikst að
undanförnu víðsvegar um Banda-
ríkin og þrír hafa látist eftir að
hafa borðað spínat sem inniheldur
saurgerla.
Landsframleiðsla:
Hefur aukist
um helming
Á síðustu 25 árum hefur
landsframleiðsla á mann á
íslandi aukist um 50 prósent að
raunvirði. Þetta kemur fram í
vefriti fjármálaráðuneytisins.
Þar kemur fram að hagsveiflur í
íslensku efnahagslífi hafi verið
meiri en í öðrum þróuðum
ríkjum. Þrátt fyrir þessar
sveiflur stendur Island vel að
vígi samanborið við aðrar þjóðir
en samkvæmt mælingum OECD
er Island með einna hæstu lands-
framleiðslu á mann eftir að búið
er að leiðrétta eftir mismunandi
kaupmætti í löndunum.
Hugsanlegt framboð eldri borgara:
Fjórðungur kysi aldraða
Rúmlega fjórðungur fólks á aldr-
inum átján til 85 ára segir líklegt,
eða mjög líklegt, að það myndi
kjósa framboð eldri borgara í kosn-
ingum til Alþingis ef það væri í
boði. Þetta eru niðurstöður Capa-
cent Gallup-könnunar sem gerð
var í byrjun mánaðarins.
Niðurstöðurnar benda til þess
að kjósendur Sjálfstæðisflokks
og Framsóknarflokks séu síður
líklegir til að kjósa framboð eldri
borgara, en þeir sem sögðust kjósa
Vinstri-græna eða Samfylkinguna.
Konur eru líklegri en karlar til að
kjósa slíkt framboð og því eldri sem
aðspurðir voru því líklegri voru
þeir til að kjósa framboðið. Ekki
var marktækur munur eftir búsetu,
en því lægri sem tekjur voru og
styttri sem skólagangan var, þeim
mun líklegri voru aðspurðir til að
kjósa hugsanlegt framboð eldri
borgara.
FRAMBOÐ
ELDRI BORGARA:
Kjósendur Framsóknarflokks og Sjálfstæöis-
flokks eru ólíklegri til að kjósa framboð eldri
borgara ef það væri í boði
Ef kosið værl til Alþingis I dag hversu líklegt
eða ólíklegt er að þú myndir kjósa framboð
eldri borgara ef það væri í boði?
■ Mjög liklegt: 14,0%
* Frekar liklegt: 11,2%
■ Hvorki né: 4,8%
■ Frekar ólíklegt: 24,0%
■ Mjög ólíkiegt: 46,0%
Heimild: Capacent-Gallup
Endanlegt úrtak var 1.300 manns
á aldrinum átján til 85 ára og var
svarhlutfall tæplega 61 prósent.