blaðið - 28.02.2007, Side 12

blaði
Útgáfufélag:
Stjórnarformaður:
Ritstjóri:
Fréttastjóri:
Ritstjórnarfulltrúi:
Árogdagurehf.
SigurðurG.Guðjónsson
Trausti Hafliðason
Gunnhildur Arna Gunnarsdóttir
Elín Albertsdóttir
Heima eftir skóla
Ótrúlega margt hefur breyst til hins betra í málefnum fatlaðra barna á und-
anförnum árum. Þó eru enn brotalamir og þá sérstaklega mismunun á milli
barna. Sum þeirra eiga t.d. kost á dvöl á frístundaheimilum á meðan önnur
hafa ekki slík úrræði. Það þarf að jafna hlut þessara barna svo þau sitji öll
við sama borð. Aðeins tveir skólar á höfuðborgarsvæðinu, Öskjuhliðarskóli
og Safamýrarskóli, hafa vistun fyrir fötluð börn eftir skóla sem eru orðin 10
ára. Allir hafa skilning á því að 10 ára fatlað barn fer ekki heim eftir skóla
með lykil um hálsinn eins og heilbrigð börn gera. Samkvæmt frétt í Blaðinu
í gær var samþykkt fyrir áramótin að bjóða öllum fötluðum börnum upp á
frístundaheimili sem nú er einungis í boði fyrir börn í i,- 4. bekk í almennum
grunnskólum. Hins vegar er ekki búist við að það komi til framkvæmda fyrr
en næsta haust. „Fjármagn fyrir þetta verkefni er komið en núna eigum við
eftir að útvega húsnæði, starfsmenn og akstur," sagði Soffía Pálsdóttir, skrif-
stofustjóri tómstundamála ÍTR, í samtali við Blaðið.
Það kemur ekki á óvart að það skuli þurfa rúma níu mánuði til að koma slíku
verkefni í gang. Kerfið er svifaseint og trúlega mjög erfitt að fá starfsfólk miðað
við hvernig gengið hefur að manna leikskóla borgarinnar. Á meðan kerfið sni-
glast áfram þurfa foreldrar þessara barna að segja upp vinnu sinni sem þýðir
auðvitað minni tekjur fyrir heimilið og félagslega röskun fyrir börnin.
Þeir eru örugglega til sem segja eitthvað á þá leið að foreldrum sé nú ekki
vorkunn að þurfa að hugsa um börn sín eftir skóla. Hlutirnir eru bara ekki
svo einfaldir. Það er gríðarlegt álag fyrir foreldra að hugsa um mikið fötluð
börn og vinnan getur þess vegna verið hvíld fyrir þá. Bryndís Snæbjörnsdóttir
á tvær dætur sem báðar eru mikið fatlaðar. Þær eru 10 og 12 ára gamlar. Stúlk-
urnar misstu heyrn þegar þær voru 5 ára og sjón þegar þær voru 7 ára. Eldri
telpan er nú orðin ósjálfbjarga í hjólastól. Bryndís var í fullu starfi en þurfti
að hætta að vinna þegar stúlkurnar misstu vistun á frístundaheimili. „Ég
hefði viljað sjá þessa þjónustu fyrir löngu. Ef þeim hefði staðið til boða vistun
þá hefði ég hugsanlega getað verið i fullri vinnu,“ sagði Bryndís í viðtali við
Blaðið. Hún bætir því við að það sé búið að kosta blóð, svita og tár að ná því
í gegn að þær fái að stunda nám í almennum skóla og þeim gangi ágætlega
námslega séð.
Samkvæmt heimasíðu íþrótta- og tómstundaráðs Reykjavíkur er frístunda-
heimilum ætlað að bjóða upp á fjölbrey tt tómstundastarf þegar hefðbundnum
skóladegi 6-9 ára barna lýkur. Leiðarljós frístundaheimilanna er að hver ein-
staklingur fái að njóta sín og þroskast í umhverfi sem einkennist af hlýju, ör-
yggiog virðingu.
I raun er það spurning hvort öll tíu og ellefu ára börn ættu ekki að eiga kost
á frístundaheimili eftir skóla. Þessi börn eru enn of ung til að vera ein heima
þótt þau séu heilbrigð. Hvað gera tíu ára börn alein heima þangað til foreldr-
arnir koma heim úr vinnu? Mikið er talað um netnotkun barna og það er í
raun ábyrgðarhluti að hafa þau ein heima svo ung.
Nútímaþjóðfélag krefst þess að báðir foreldrar vinni úti, hjá því verður vart
komist. Það er siðan þjóðfélagsins að gera þeim það kleift. Tímarnir eru breyttir,
kröfurnar aðrar en áður var og samfélagið þarf að spila með í þeim leik.
Elín Albertsdóttir
Auglýsingastjóri: Steinn Kári Ragnarsson Ritstjórn & auglýsingar: Hádegismóum 2,110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 510 3711
Netföng: bladid@bladid.net, frettir@bladid.net, auglysingar@bladid.net
Prentun: Prentsmiðja Morgunblaðsins
blaði
Auglýsingasíminn er
510 3744
12
MIÐVIKUDAGUR 28. FEBRÚAR 2007
blaöiö
Ritskoðun alræðishyggjunnar
Vinstri græn héldu glæsilegt fjöl-
mennt landsþing um síðustu helgi.
Langfjölmennasta landsþing sem
stjórnmálasamtökin hafa haldið.
Þannig sögðu fjölmiðlar frá. Óneit-
anlega sérkennilegt að bera saman
umfjöllun sömu fjölmiðla af lands-
þingi Frjálslynda flokksins sem
haldið var fyrir rúmum mánuði. Á
landsþingi Frjálslynda flokksins
voru helmingi fleiri en hjá Vinstri
grænum en enginn fjölmiðill tal-
aði um að þar hefði verið glæsilegt
fjölmennt landsþing. Svona er nú
kjörum manna og stjórnmálaflokka
misskipt. FormaðurVinstrigrænna
gerði grein fyrir helstu áherslum
flokksins. Athyglivert er að fyrir
utan nokkrar almennar hugmyndir
um græn sjónarmið sem byggjast
flest á því að engu verði raskað í nátt-
úrunni nema helst grænum svæðum
á höfuðborgarsvæðinu og engu öðru
breytt þá hefur flokkurinn fengið á
sig mun ákveðnari vinstri svip en
áður. Stefnumótun á landsþinginu
og nýjustu skoðanakannanir benda
til þess að svokölluð sameining
vinstri manna í Samfylkingunni
hafi mistekist. Tveir álíka stórir
vinstri flokkar gætu orðið til við
næstu kosningar.
Stefnumörkun á landsþingi
Vinstri grænna setur flokkinn í hóp
með öfgafyllstu vinstri flokkum í Evr-
ópu um þessar mundir. Þrátt fyrir
það telur ritstjóri Morgunblaðsins
þá síður en svo pólitískt holdsveika
og jafnvel góðan kost til stjórnarsam-
starfs við Sjálfstæðisflokkinn. Þetta
kann að vera rétt hjá ritstjóranum
en þá hlýtur venjulegt sjálfstæðis-
fólk að spyrja sig þeirrar spurningar
hvort það eigi samleið með flokki
sem vill samstarf við flokk sem
berst fyrir auknum afskiptum ríkis-
ins og ritskoðun. Vinstri grænir vilja
beita ríkisvaldinu til að leysa flestra
vanda og koma á lögreglusveitum til
að koma á virku eftirliti með atvinnu-
starfseminni í landinu og gæta þess
að ekkert ósæmilegt fari fram á Net-
inu. Fólk má ekki ráða fjármunum
sínum eða fyrirtækjum, Vinstri
grænir vilja vera með puttann í
Jón Magnússon
því. Vinstri grænir boða ritskoðun
alræðishyggjunnar. Jafnréttisstofa
á að fá heimildir til að fara inn í fyr-
irtæki. Netlögreglan á að gæta þess
að aðeins sé til sýnis á Netinu það
sem „Ríkið” heimilar fólki að sjá.
Svona gera Vinstri grænir á Kúbu og
í Kína. Atorka og dugur einstaklings-
ins er drepinn niður með boðum og
bönnum og gæslumenn almanna-
valds ákveða hvað má gera, hvað má
skrifa og hvaða myndefni má horfa
á. Afturhvarf er frá frelsi og frjáls-
lyndum viðhorfum. Vinstri grænir
treysta ekki einstaklingunum eða
samtökum þeirra og telja fráleitt
að dómgreind fólks megi ráða því
hvað það horfi á eða hvernig það
noti Internetið. Netlöggan kemur
og bannar með svipuðum hætti og
siðgæðislöggan í Sádi-Arabíu passar
upp á að konur séu huldar réttum
búningum.
Lyndon Johnson Bandaríkjafor-
seti boðaði á sínum tíma stríð gegn
fátæktinni og varði til þess mörgum
milljörðum dollara. Svo virðist sem
Vinstri grænir á Islandi vilji nú
beita svipuðum aðgerðum og ríkis-
stjórn Lyndon Johnson beitti fyrir
um hálfri öld án nokkurs árangurs
en með ærnum kostnaði fyrir skatt-
greiðendur. Það má minna á að
það var forsætisráðherra Bretlands,
Margaret Thatcher, sem beitti sér
fyrir árangursríkustu aðgerðunum
sem nokkur rikisstjórn hefur beitt
sér fyrir á síðustu árum til aðstoðar
fátækum. Ríkisstjórn hennar gaf
leiguliðum ríkisins kost á að kaupa
húsnæðið sem þeir leigðu af ríkinu
á hóflegu verði. Með því urðu eigna-
lausir að eignafólki og gættu eigna
sinna og breyttu umhverfi sínu til
hins betra.
Með sama hætti má færa fólkinu
í landinu eðlilegan afrakstur af auð-
lindum þjóðarinnar með því að allir
njóti í núinu þess arðs sem sameig-
inlegar auðlindir landsins gefa af
sér. Vilja Vinstri grænir beita þeim
markaðslausnum að láta þá sem
vilja nýta sér náttúruauðlindirnar
kaupa aðgang að þeim og arður-
inn skiptist síðan á milli fólksins?
Vilja Vinstri grænir standa að því
með Frjálslynda flokknum að færa
fólkinu í landinu þá peninga sem
það á með réttu? Spurning er hvort
Vinstri grænir vilja fara nútímalega
leið til auðstjórnar fýrir almenning
eða halda sig við sósíalískar kenni-
setningar sem alls staðar hafa beðið
skipbrot.
Höfundur er hæstarértarlögmaður
Klippt & skorið
Klippari ók greiðlega, þó
ekki ólöglega, á leið
um helstu umferðaræð
Kópavogs, Reykjanesbraut
við Smáralind, í gærmorgun.
Tveir lögregluþjónar stóðu
í vegkantinum milli aksturs-
stefna og nokkrir við bensínstöð hinum megin
við veginn. Annar þjónanna röltir sér út á götu
og gefur bíl f langri röðinni merki um að stöðva.
Ökumaðurinn í fremsta bílnum, Bens, bremsar
snögglega niður og fær aftan á sig tvo jeppa. (
frétt á sfðum Blaðsins í dag útskýrir lögreglu-
maðurinn atvikið svo: „Þetta kemur oft fyrir hjá
okkur," og bætir við: „Menn eru meðvitaðir um
hættuna og stundum treystum við okkur ekki
til að stíga inn." Hraðinn sé svo mikill. Klippari
hugsar og spyr: Ætli viðkvæðið sé að ökumenn
læri af reynslunni?
Hverjir eiga Klæðn-
ingu?" spyr vefrit-
stjórinn Andrés
Jónsson á nýju síðunni sinni,
Góðar fréttir? „Gunnar
Birgisson minnir mig að
hafi byggt þetta fyrirtæki
upp sem séð hefur um þessar umdeildu fram-
kvæmdir í Heiðmörk. Hann mun síðan hafa
losað sig út úr rekstrinum til að vera ekki báðum
megin borðsins í viðskiptum við Kópavog. En
mér skilst á kunningja mínum að eignarhald
Klæðningar sé nú í höndum fyrirtækis sem
skráð er í Lúxemburg. Hverjir eiga þetta fyrir-
tæki Klæðningu eiginlega?" Er ritað á síðu Andr-
ésar. Blaðið spurði Gunnar hver ætti Klæðningu
í sfðustu viku: „Ég seldi minn hlut í fyrirtækinu
fyrír fjórum árum og enginn úr minni fjölskyldu
á nokkurn hlut í þessu fyrírtæki í dag."
OgbloggarinnPéturGunn-
arsson, er að vanda með PWt
puttana á þjóðarpúlsinum. \ n m
Hann vitnar í Össur Skarphéðins- ÉL i J
son sem sagði: „Guð hjálpi bönk-
unum ef ég eða Jóhanna verðum
fjármálaráðherrar." Og bætir við: „...og vænt-
anlega hafa bankamenn hvítnað enda muna
flestir hvernig mál fóru að þróast hjá Baugi eftir
að Össur skrifaði Jóhannesi í Bónus reiðilegt bréf
eftir að Baugur sagði bróður hans upp vinnu við
ræstingar og sagði: You ain't seen nothing yet.
Skömmu síðar var Ríkislögreglustjóri mættur á
staðinn." Pétur setur blogg samfylkingarmanna
í samhengi, því Ágúst Ólafur Ágústsson beri lof
á bankana „...og fyrirsögnin er líklega ætluð Öss-
uri til skilningsauka en hún er þessi: „Allir vilja
gag@bladid.net