blaðið - 28.02.2007, Page 16

16
MIÐVIKUDAGUR 28. FEBRUAR 2007
ko«úi
blaöiö
Þaö er aðeins til ein raunveruleg
synd og hún er að telja sjálfum
sér trú um að hið næstbesta sé
eitthvað annað en hið næstbesta.
Doris Lessing
kolbrun@bladid.net
Jónasarferðir
til Sor0
I ár eru liðin 200 ár frá fæðingu
Jónasar Hallgrímssonar, skálds
og náttúrufræðings. Það er
kunnara en frá þurfi að segja
að Jónas bjó um margra ára
skeið í Kaup-
mannahöfn.
Þar stundaði
hann nám, þar
vann hann að
útgáfu Fjölnis
með félögum
sínum og
þar andaðist
Jónas. Þetta
veit hvert mannsbarn.
Færri vita hins vegar að í tæpt
ár átti Jónas heima í bænum
Soro úti á Mið-Sjálandi.
I tilefni 200 ára ártíðar Jónasar
hefur íslands Center því ákveðið
að bjóða upp á hópferðir til Soro
þar sem áhersla verður lögð á
þetta tímabil í ævi Jónasar. (þá
níu mánuði sem Jónas var í Soro
orti hann meðal annars kvæðið
Ég bið að heilsa, sem hefst á
þessum orðum: Nú andar suðrið
sæla vindum þýðum... Eina
skilyrðið fyrir þátttöku í Soro-
ferðunum er að viðkomandi geti
sungið þetta kvæði!
Til Soro verður ekki farið
ákveðna daga heldur ferðirnar
sniðnar eftir þörfum þeirra hópa
sem kjósa að bregða sér dag-
part út í rómaða sveitanáttúru
Sjálands. Leiðsögumaður í ferð-
unum verður Guðlaugur Arason.
Nánari upplýsingar er að finna
á heimasíðunni: www.islands-
center.dk.
Náttúran í
strengjum
Elísabet Waage hörpuleikari og
Hannes Guðrúnarson gítarleik-
ari halda tónleika í Salnum laug-
ardaginn 3. mars kl. 13:00.
Tónleikarnir eru liður í tónleika-
röð kennara Tónlistarskólans í
Kópavogi. NemendurTónlist-
arskólans og forráðamenn
þeirra fá frítt inn og auk þess
er ókeypis fyrir öll börn 12 ára
og yngri.
Tónleikarnir bera yfirskriftina:
Náttúran í strengjum. Efnis-
skráin lýsir ýmsum fyrirbærum
í náttúrunni. Hún hefst með
Kansónu (gítar og harpa) og
Berceuse (gítarsóló) Áskels
Mássonar. Þar á eftir eru
Hrævareldar (hörpusóló) eftir
Hasselmans. Af flöktandi mýra-
Ijósunum taka við Blóm Þorkels
Sigurbjörnssonar - Fiori. Verkið
var upphaflega skrifað fyrir
gítar og sembal en Þorkell gerði
smávægilegar breytingar svo
að hægt væri að leika hlutverk
sembalsins á hörpu. Að lokum
leika þau Hannes og Elísabet
verk eftir armensk-ameríska
tónskáldið Alan Hovhaness, en
verk hans heyrast sjaldan hér
á landi. Spirit of Trees heitir
það og er sónata í barokkformi.
Hovhaness blandar þar saman
strengjum hljóðfæranna á mjög
fallegan hátt og hefur verkið ör-
lítið austurlenskt yfirbragð.
Elísabet og Hannes léku fyrst
saman á tónleikum árið 2004 og
héldu Háskólatónleika haustið
2005. Þau eru bæði kennarar
við Tónlistarskólann í Kópavogi.
Ólafur Kvaran„/ velferðar-
samfélagi eins og okkar tölum
við gjarnan um rétt fólks til
heilbrigðisþjónustu. Á sama
hátt er eðlilegt og mikilvægt að
tala um rétt fólks til menningar
og aðgengis að henni."
Réttur fólks til menningar
lafur Kvaran lætur af
starfi forstöðumanns
Listasafns Islands
nú um mánaðamót-
in, samkvæmt þeirri
reglu safnsins að forstöðumaður
megi ekki sitja lengur en í tíu ár.
Spennandi listrænar upplifanir
Þegar Ólafur er spurður hvað
standi upp úr á þessum tíu árum seg-
ir hann: „Það er margt sem kemur
upp í hugann en á síðasta ári tókst
okkur að hrinda þremur stórum
verkefnum í framkvæmd sem voru
mér persónulega mikið kappsmál.
Okkur tókst að fella niður aðgangs-
eyrinn að safninu, byggðum upp
gagnagrunn sem veitir fólki aðgang
að safneigninni og hrintum í fram-
kvæmd stóru rannsóknarverkefni
sem snýst um ritun íslenskrar lista-
sögu í fimm bindum. Öll þessi verk-
efni snúast um að auðvelda fólki að-
gang að listinni og menningunni.
Ef ég lít lengra aftur í tímann þá
hefur safninu að mínu mati tekist
að veita gestum spennandi listrænar
upplifanir með stórum sýningum
á íslenskri myndlist og erlendri og
kannski sérstaklega með aukinni
áherslu á yngri kynslóð listamanna.
Það sem hefur fyrst og fremst ein-
kennt sýningarstefnuna er að við
höfum byggt upp mikið samstarf
við stór alþjóðleg söfn og fengið sýn-
ingar frá þeim. Þetta er hluti af þeirri
viðleitni okkar að setja íslensku lista-
söguna inn í hið stóra alþjóðlega
samhengi. Stundum hefur túlkun á
íslenskri menningu, bæðibókmennt-
um og myndlist, snúist um að upp-
hefja sérkenni og styrkleika okkar
eigin menningar. Þá höfum við oft
misst sjónar á því að við erum hluti
af stærri heild. Þessar stóru alþjóð-
legu sýningar sem hafa verið settar
upp hér síðustu árin hafa á margan
hátt ítrekað þetta samhengi."
Menningarumræða og
pólitísk stefnumörkun
Nú hafa einkafyrirtœki styrktLista-
safnið. Erþað alfarið jákvœðþróun?
„Ástæðan fyrir því að við höfum
getað ráðist í margt af því sem við
höfum gert er að við höfum átt mjög
gott samstarf við fyrirtæki sem hafa
styrkt Listasafnið. Sá stuðningur hef-
ur skipt afar miklu máli. Samt sem
áður má segja að fjárveitingar til
rekstrarins séu alltaf vandamál. Það
er orðið löngu tímabært að rekstrar-
fé safnsins verði endurskoðað. Þetta
snýst um það hvort við viljum hafa
sterkar og öflugar menningarstofn-
anir og veita almenningi aukna og
betri þjónustu. Sú mikla aðsóknar-
aukning sem hefur orðið að Lista-
safninu að undanförnu sýnir að
fólk hefur mikinn áhuga á því sem
safnið hefur upp á að bjóða. I velferð-
arsamfélagi eins og oklcar tölum við
gjarnan um rétt fólks til heilbrigðis-
þjónustu. Á sama hátt er eðlilegt og
mikilvægt að tala um rétt fólks til
menningar og aðgengis að henni. Það
er að sjálfsögðu alltaf pólitísk spurn-
ing hvað ríkisvaldið á að vera sterkt
í þessari uppbyggingu eða hvort á
að láta hana alfarið í hendurnar á
hinum frjálsa markaði sem stofnan-
ir eins og Listasafnið verða þá háðar.
Af einhverjum ástæðum hefur ekki
orðið pólitísk umræða í samfélaginu
um þessa stöðu menningarstofnana
og þá um leið rétt fólks til menning-
ar sem hluta af eðlilegum lífsgæðum.
1 menningarumræðu þarf pólitíska
stefnumörkun. Þetta er meðal ann-
ars spurning um hvað menningar-
stofnanir eiga að vera sterkar þannig
að þær geti sinnt hlutverki sínu og ■
um leið er þetta spurning um sterkt
eða veikt samfélag.“
Kveðurðu ekki starfið með sökn-
uði?
„Að sjálfsögðu kveð ég með mikl-
um söknuði, sérstaklega þann frá-
bæra hóp starfsfólks sem er hér í
safninu. Ég verð þó í ákveðnum
tengslum við Listasafnið því næsta
verkefni er að sinna ritstjórn Is-
lenskrar listasögu. Að verkinu koma
fimmtán höfundar og verður ritið
gefið út í samvinnu við Eddu haust-
ið 2009 í fimm bindum. Þetta er
mjög stórt og spennandi verkefni
og stærsta rannsóknarverkefni sem
Listasafnið hefur tekið þátt í og haft
frumkvæði að. Ég hlakka mikið til
þess verkefnis.“
Jackson
verölaunaöur
Á þessum degi árið 1984 vann
plata Michaels Jackson, Thriller,
átta Grammy-verðlaun og sló þar
með met. Platan var framleidd af
Quincy Jones og sat á Billboard-vin-
sældalistanum í níu mánuði sam-
fleytt. fj
Jackson, sem fæddist árið 1958, Á:
hóf söngferil fimm ára gamall með
bræðrum sínum og varð á skömm-
um tíma skærasta stjarnan í hópn-
um. Árið 1971 sendi hann frá sér
fyrstu sólóplötu sína. Hann telst í
hópi þekktustu söngvara tónlistar-
sögunnar en á tíunda áratugnum
urðu sérviskulegir lífshættir og
einkennileg framkoma vinsælla um-
fjöllunarefni fjölmiðla en list hans.
sakanir um barnaníðingsskap,
sem aldrei hefur tekist að sanna,
hafa gert honum erfitt fyrir á síð-
ustu árum.