blaðið - 25.05.2007, Qupperneq 24

24 FÖSTUDAGUR 25. MAÍ 2007
blaðið
Guölaugur Þór Þóröarson er nýr heilbrigöisráöherra
Guðlaugur Þór
Þórðarson tók við
embætti heilbrigð-
isráðherra í gær og
sest þar með í ráð-
herrastól í fyrsta
sinn. Þrátt fyrir
ungan aldur hefur Guðlaugur lengi
verið viðloðandi stjórnmál enda
segir hann að það eigi vel við sig. í
samtali við Svanhvíti Ljósbjörgu
Guðmundsdóttur viðurkennir hann
að hann hafi verið að vonast eftir að
setjast í stól ráðherra í nýrri ríkis-
stjórn Sjálfstæðisflokks og Samfylk-
ingar. „Ég held að flestir sem eru í
stjórnmálum hafi mikinn áhuga á
því að verða ráðherrar. Eftir samtal
við Geir H. Haarde fyrr um daginn
áttaði ég mig á að það var möguleiki
á að ég fengi stól heilbrigðisráðherra.
Hann tók það hins vegar skýrt fram
að hann væri ekki búinn að taka
ákvörðun um það og væri ekki að
lofa mér neinu. Ég beið því rólegur
eftir niðurstöðunni og vissi ekkert
meira en aðrir, það hefði alveg eins
getað verið á hinn veginn.“
Óhræddur við mikla vinnu
Guðlaugur er fullur tilhlökkunar
að takast á við nýtt starf. „Starfið
leggst vel í mig og ég held að allir
séu meðvitaðir um að þetta er krefj-
andi verkefni. Það er núbara þannig
í lífinu að maður þarf að takast á
við erfið verkefni líka. Það er ekki
þannig að maður geti farið beina
og einfalda braut. Það er alveg ljóst
að þetta er málaflokkur sem skiptir
miklu máli og hefur alltaf gert það
en er kannski meira áberandi í um-
ræðunni nú en oft áður. Það er góð
samstaða um það í ríkisstjórn og
á milli ríkisstjórnarflokkanna að
taka vel á málum en þetta snýst
nú að sjálfsögðu ekki bara um mig
einan. Heilbrigðiskerfið veltur ekki
á einum manni. Gæði þess byggja á
samstarfi fólksins sem þar starfar,
stjórnmálanna og í raun og veru
þjóðarinnar allrar. Ég mun beita mér
fyrir því að samstarfið verði gott og
að það náist þokkaleg samstaða um
þá hluti sem þarf að fara í,“ segir Guð-
laugur sem er hvergi smeykur. „Ég
er ekki vanur að hræðast verkefni og
vinnu. Það er lykilatriði í þessu, sem
og í öðru sem maður tekur sér fyrir
hendur, að sjá tækifærin og nálgast
þetta af yfirvegun. Það liggur alveg
fyrir að þetta verður mikil vinna en
ég hef aldrei hræðst að vinna mikið
og ég hef unnið mikið alla ævi, hvort
sem það er í stjórnmálum eða ann-
ars staðar.“
Árás á Sjálfstæðisflokkinn
Aðspurður hvað Guðlaugi finnist
um viðurnefnið Baugsstjórnina seg-
ist hann hvorki skilja upp né niður
í þeim málflutningi. „Ef ég skil
þessa samsæriskenningu Guðna
Agústssonar þá gengur hún út á það
að það kemur aukablað í DV um
alþingiskosningarnar. Samkvæmt
túlkun Guðna átti blaðið að hjálpa
Sjálfstæðisflokknum og Samfylking-
unni að komast í stjórn. Ég vona að
það verði aldrei aftur gefið út sam-
bærilegt blað til að hjálpa Sjálfstæð-
isflokknum því ef þetta hjálpaði
flokknum þá kann ég ekkert fyrir
mér í kosningabaráttu. Við skulum
ekki nota stór orð en ég get alveg
sagt það að það var ekki mikil gleði
í herbúðum sjálfstæðismanna þegar
við fengum blaðið. Þetta eru hrein-
lega árásir á Sjálfstæðisflokkinn, við
vorum mjög ósáttir og töldum að það
væri mjög ómaklega að flokknum
og ríkisstjórninni vegið í þessu blaði.
Flestir þeirra sem skrifuðu í blaðið
voru svarnir andstæðingar Sjálf-
stæðisflokksins og þeir voru með
mjög sérstakar útleggingar á efna-
hagsmálum og ýmsu öðru. Það er al-
gjörlega öruggt að þetta varð ekki til
að hjálpa Sjálfstæðisflokknum og ég
veit ekki hvernig þetta átti að verða
til þess að búa til stjórn Sjálfstæðis-
flokksins og Samfylkingar en það er
annað mál.“
Eigum að gera háar kröfur
Heilbrigðiskerfið var töluvert
gagnrýnt fyrir kosningar og sérstak-
lega var fólki tíðrætt um manneklu
og biðlista. Guðlaugur segir að þrátt
fyrir það séu flestir sammála um að
heilbrigðiskerfið sé gott. „Við höfum
afbragðs gott starfsfólk og heilbrigð-
iskerfi okkar stenst fyllilega saman-
burð við þau lönd sem við berum
okkur saman við. Það er ekki þar
með sagt að við getum ekki eða
eigum ekki að leitast við að gera
betur. Við eigum að setja markið
hátt. Það er hins vegar varhugavert
að nálgast mál með þeim hætti að
það sé hægt að leysa allan vanda
alltaf. Sem betur fer er eðli heilbrigð-
ismála þannig að eftirspurnin er
endalaus og hún mun bara aukast.
Margt af því sem við gátum ekki
læknað í gær getum við læknað i dag
eða á morgun. Það liggur fyrir að
það er endalaust verkefni að vinna
að betri heilbrigðisþjónustu svo við
höfum sem skilvirkast og best kerfi.
Það er á sama hátt gríðarlegt verk-
efni sem lýtur að forvörnum því við
viljum líka byggja upp þjóðfélag sem
kemur í veg fyrir að við þurfum að
leita aðstoðar heilbrigðiskerfisins."
Almenn sátt um markmið
I stjórnarsáttmálanum kemur
fram að skapa eigi svigrúm til fjöl-
breytilegra rekstrarforma í heil-
brigðisþjónustu, meðal annars með
útboðum og þjónustusamningum.
Guðlaugur segir að í þessu felist ekki
stórvægilegar breytingar. „Þetta
snýst um það eitt að nýta kosti einka-
reksturs til að bæta og efla þjónust-
una. Það eru ekki deilur um það
að hið opinbera beri langstærstan
hluta af þessum kostnaði og það
er enginn að tala um að breyta því.
Ég veit ekki til þess að neinn stjórn-
málamaður hafi áhuga á að byggja
hér upp kerfi þar sem menn geti
ekki notað þjónustu óháð efnahag.
Ég tel að það hafi verið góð reynsla
af því að semja við frjáls félagasam-
tök og einstaklinga til að sinna þess-
ari þjónustu. Ástæðan fyrir því að
þetta er gert er fyrst og fremst til að
veita áfram góða þjónustu og fá eins
mikið fyrir fjármunina og mögulegt
er. Ég held að það sé almenn sátt um
markmiðin og svo er bara spurning
um hvernig má ná þeim með sem
bestum hætti.“
Forvarnarmál mikilvæg
Guðlaugur segist vera með margar
hugmyndir um hvernig megi ná
þessum tilteknu markmiðum.
„Hins vegar hef ég það fyrir reglu
að mér finnst betra að láta verkin
Guolaugur Þór Þórðarson: „Það
er góð samstaða um það irikisstjórn
og á milli rikisstjómarflokkanna að
taka vel á málum en þetta snýst
nú að sjálfsögðu ekki bara um mig
einan. “

Hræðist ekki verkefnið