blaðið - 25.05.2007, Side 25

blaðið
FÖSTUDAGUR 25. MAÍ 2007 25
tala. Ég held að það sé betra að móta
fyrst stefnu og framfylgja henni en
að vera með stórar yfirlýsingar. Það
liggur fyrir að það er mitt hlutverk
að framfylgja stjórnarsáttmálanum
og ég er mjög ánægður með það sem
þar kemur fram. Einn þáttur sem
mér finnst vera gríðarlega mikil-
vægur eru forvarnarmálin. Ef okkur
tekst vel til með forvarnir þá þarf
fólk minna á þessari þjónustu að
halda og það er vel. Þjóðin er að eld-
ast og það hefur gerst hægar en hjá
öðrum þjóðfélögum sem við berum
okkur saman við. Sú staðreynd mun
kalla á aukna eftirspurn eftirþessari
þjónustu,“ segir Guðlaugur sem stað-
hæfir að hingað til hafi verið velferð-
arstjórn við völd. „Sjálfstæðisflokk-
urinn væri ekki það sem hann er og
hefur verið síðan 1929 ef hann legði
ekki áherslu á velferð. Hann hefur
sýnt það hvað eftir annað í nútíð,
fortíð og mun sýna það í framtíð að
hann hefur áhuga á velferðarmálum.
Hins vegar liggur það alveg fyrir að
allt kostar þetta fjármuni og sem
betur fer erum við í þeirri stöðu að
við höfum úr fjármunum að moða.
Ég man þær kosningar að enginn tal-
aði um hvað ætti að gera við pening-
ana heldur hvernig ætti að afla pen-
inga og sjá til þess að fólkið í landinu
væri með vinnu. Við megum aldrei
gleyma því að það er forsendan. Ef
við gleymum því þá er mjög stutt í
það að við séum ekki með þær að-
stæður að geta skapað hér gott örygg-
isnet og velferðarkerfi."
„Ég hefmörg og fjölbreytt
áhugamál en þau eiga það
öll sameiginlegt að ég næ
að sinna þeim mjög lítið.
Það mun ekki breytast
núna."
Kunni ekki að bregðast við
Guðlaugur hefur sjálfur reynslu
af spítalavist því hann brenndist
illa á baki í desember síðastliðnum.
Hann fór í mikla aðgerð og lá á
spítala í nokkrar vikur, einmitt
yfir jólin. „Ég finn fyrir örlitlum
óþægindum en það er ekkert sem
tekur að minnast á. Við þetta tæki-
færi fékk ég að kynnast því hvað
heilbrigðiskerfið getur verið gott.
Ég var í höndum frábærs fólks
sem gerði allt til að gera mér lífið
sem allra þægilegast. Ég lærði ým-
islegt af þessu og ég setti mér það
sem markmið að koma í veg fyrir
að aðrir lendi í þessu. Ég hef ekki
yfir neinu að kvarta, er á besta
aldri til að lenda í svona en þetta
er sérstaklega alvarlegt þegar ung
börn og eldra fólk brennir sig illa.
Ég kunni ekki að bregðast við en ég
hefði sloppið betur ef ég hefði gert
það sem maður á að gera, sem er að
leggjast í gólfið strax og slökkva eld-
inn. Þetta er hluti af forvörnum sem
er mikilvægt fyrir okkur að kenna,
sérstaklega í gegnum skólakerfið.
Að beita mér fyrir forvörnum á
þessu sviði og mörgum öðrum er
eitt af því sem ég fæ tækifæri til í
þessu ráðuneyti. Oft er hægt að
koma í veg fyrir slys og það er það
sem við eigum að gera.“
Með börnin að láni
Guðlaugur segist vera hepp-
inn því hann hefur alltaf verið
í skemmtilegum störfum. „Ég
hef reynt að hafa þá reglu og það
hefur nýst mér ágætlega að reyna
að starfa að því sem ég hef gaman
af. Ég held það sé mjög erfitt að
ná árangri í því sem maður hefur
ekki gaman af. Ef maður hefur ekki
gaman af starfi sínu þá á maður að
finna sér eitthvað annað. Ég hef
unnið við ýmis störf, til að mynda
í fjármálageiranum, sem mér þótti
mjög skemmtilegt. Niðurstaðan
var hins vegar sú að mig langaði
að helga mig stjórnmálum. Ég hef
verið lánsamur og mér hafa verið
falin skemmtileg og krefjandi störf.
Ég er búinn að læra afskaplega
mikið og hef vonandi látið gott af
mér leiða á ýmsum sviðum. Þegar
ég skoða hvað ég hef gert á vett-
vangi stjórnmála þá er það mjög
fjölbreytt enda er það þannig að ég
hef áhuga á fjölmörgum málum. Ég
hef mörg og fjölbreytt áhugamál en
þau eiga það öll sameiginlegt að ég
næ að sinna þeim mjög lítið. Það
mun ekki breytast núna,“ segir Guð-
laugur og hlær. „Það er ekkert nýtt
fyrir mig að vinna mikið og það er
afskaplega íslenskt. Það skiptir hins
vegar máli að hafa eitthvert jafn-
vægi. Ég á stóra fjölskyldu og það er
mikil ábyrgð að fá börn að láni, en
þegar maður er uppalandi er maður
í raun með börnin að láni í 15-20 ár
og svo verður maður að vona það
besta. Ég ætla að skipuleggja tíma
minn þannig að ég standi þá skyldu
sem er auðvitað mjög ánægjuleg.
Hins vegar veit ég alveg að embætti
heilbrigðisráðherra er mikið starf
og stjórnmál eru það líka ef maður
ætlar að sinna þeim vel.“
Gott skipulag
Aðspurður hvernig Guðlaugur og
kona hans, Ágústa Johnson, nýta
frítímann með börnunum segir Guð-
laugur að það skipti miklu máli að
skipuleggja þann tíma. Saman eiga
Guðlaugur og Ágústa 5 ára tvíbura
auk þess sem Ágústa á tvö börn frá
fyrra hjónabandi. „Við reynum að
skipuleggja okkur eins vel og við
getum og gerum ráð fyrir þessum
tíma með fjölskyldunni. Það er mjög
auðvelt að gleyma sér, tíminn líður
hratt og maður getur staðið sjálfan
sig að því að hitta varla börnin sín
nema á matmálstímum, á morgnana
og kannski á kvöldin. Við reynum
því að koma á ákveðnum reglum
og hefðum eins og að borða alltaf
fjölskyldumat á sunnudagskvöldum.
Sömuleiðis reynum við að koma því
við að fara reglulega með allri fjöl-
skyldunni í frí innanlands eða utan,
þannig að hún sé öll saman. Þegar
það er farið að róast hjá okkur og við
höfum meiri tíma þýðir lítið að fara
að reyna að kynnast börnunum ef
maður gerði það ekki á meðan tæki-
færi var til og manni bar í raun og
veru skylda til þess að sinna þeim.“
Lánsamur
„Ég er ennþá ástfanginn,“ segir
Guðlaugur feimnislega. „Ég var
afskaplega lánsamur að eignast
Ágústu fyrir konu og furða mig
oft á því af hverju hún gekkst við
því en ég kvarta ekki undan þeirri
ákvörðun hennar. Síðan erum
við svo lánsöm að eiga mikið af
börnum, afskaplega góða fjölskyldu,
foreldra og tengdaforeldra og mikið
af vinum og kunningjum. Ég er
afskaplega hamingjusamur enda
eru það fjölskyldan og vinir sem
gefa lífinu gildi. Það eru mikil verð-
mæti sem maður þarf að muna eftir
og hafa í huga. Maður getur dottið
í það að vera upptekinn af hlutum
sem í heildina skipta litlu máli.
Það er auðvelt að átta sig ekki á því
hvað maður hefur en vera frekar
að svekkja sig á því sem maður
hefur ekki. Það veit enginn sína
ævina fyrr en öll er og það skiptir
máli að maður kunni að meta það
sem maður á, gefi því tíma og leyfi
fólki að finna fyrir því. Þegar öllu
er á botninn hvolft þá skiptir það
mestu máli.“
svanhvit@bladid.net
Nú verður líf og fjör á Sinfóníutónleikum því flytja á tónleikauppfærslu Þorvaldar
Bjarna Þorvaldssonar á hinum geysivinsæla söngleik Avaxtakörfunni.
Sannkallaðir fjölskyldutónleikar sem enginn má missa af! Miðasala er hafin.
SINFÓNÍA ÚR ÁVAXTAKÖRFUNNI f HÁSKÓLABÍÓI
LAUGARDAGINN 2. JÚNÍ KL 14.00
LAUGARDAGINN 2. JÚNÍ KL. 17.00
MIÐAVERÐ ::: I.ÓOO / 1.200 KR. FYRIR 16 ÁRA OG YNGRI
SINFONIUHLJOMSVEIT
ÍSLANDS
SÍMI545 2500::: W%/V.SINFONIA.IS