blaðið - 10.07.2007, Page 10

ÞRIÐJUDAGUR 10. JULI 2007
blaöió
blaði
Útgáfufélag:
Ritstjóri:
Fréttastjórar:
Ritstjórnarfulltrúi:
Ár og dagurehf.
Ólafur Þ. Stephensen
Gunnhildur Arna Gunnarsdóttir
Þröstur Emilsson
Elín Albertsdóttir
Ekki í minni götu?
Mikill styr hefur staðið um heimili fyrir heimilislausa óreglumenn, sem
Reykjavíkurborg hyggst opna á Njálsgötu í haust. Um 130 nágrannar heimil-
isins hafa andmælt því að það komi í götuna og m.a. krafizt lögbanns á starf-
semina. Þá hafa andstæðingar heimilisins gagnrýnt að borgin hafi ekki haft
nægilegt samráð við íbúa áður en staðsetningin var ákveðin og ekki komið
til þeirra nægilegum upplýsingum. Reyndar eru skiptar skoðanir meðal ná-
grannanna um tilverurétt heimilisins, en andstæðingarnir hafa verið meira
áberandi en hinir.
Það er út af fyrir sig alveg skiljanlegt að nágrannarnir hafi efasemdir um
að opnað sé heimili fyrir menn, sem sumir hverjir að minnsta kosti eru enn
( áfengis- og vímuefnaneyzlu. Vímuefnaneytendur eru almennt og yfirleitt
ekki álitnir góðir grannar.
Um þetta heimili gegnir hins vegar allt öðru máli en um dópgrenin, sem því
miður eru allnokkur í Reykjavík, ekki sízt í miðborginni. Á heimilinu verður
gæzla allan sólarhringinn. Heimilismenn fá félags- og heilbrigðisþjónustu
og reynt verður að hjálpa þeim að ná tökum á lífi sínu á ný. Fíkniefnaneyzla
verður ekki leyfð innan veggja heimilisins. Og brjóti menn af sér, missa þeir
plássið.
Reynslan af sambærilegum heimilum er yfirleitt góð. Nágrannar gistiskýl-
isins í gamla Farsóttarhúsinu við Spítalastíg hafa almennt góða reynslu af því
nábýli. Enda vita þeir, sem þar eiga athvarf að ef þeir valda ónæði í nágrenn-
inu fá þeir ekki að vera.
f Blaðinu á laugardag var rætt við nokkra nágranna stuðningsheimilis fyrir
fíkla á Miklubraut. Þeir bera nábýlinu vel söguna og segja engin vandamál
hafa komið upp.
Flestir segjast hlynntir því að heimili á borð við það, sem nú á að opna á
Njálsgötu, séu til. Flestir átta sig á mikilvægi þess að fólki, sem jafnvel sefur
f húsasundum eða undir bátum í misjöfnum veðrum, standi athvarf til boða.
En þegar kemur að því að opna slíkt heimili í næsta nágrenni fólks verða við-
brögðin stundum eins og raun ber nú vitni á Njálsgötunni.
Væri ekki rétt af íbúum Njálsgötu að gefa ógæfumönnunum átta tækifæri
áður en þeir fordæma þá? Ættu þeir ekki að horfa til reynslu annarra og dæma
út frá henni?
íbúar á Njálsgötu hafa sitthvað til síns máls þegar þeir gagnrýna ónógt
samráð og upplýsingagjöf borgarinnar. Skortur á samráði og upplýsingum
takmarkast ekki við þetta mál, heldur ótal ákvarðanir, sem yfirvöld í sveitar-
félögum taka og mætti vinna miklu betur. Ef Reykjavíkurborg hefði strax í
upphafi veitt ýtarlegar upplýsingar um eðli heimilisins og reynslu annarra af
sambærilegri starfsemi, hefði vafalaust mátt eyða fordómum og misskilningi
og tryggja betri móttökur.
Auðvitað skiptir máli að ná sem beztri sátt um Njálsgötuheimilið og önnur
slík. Það hjálpar til að beina heimilislausu ógæfufólki á rétta braut ef nágrann-
arnir taka þannig á móti því að þvf finnist það vera velkomið.
Ólafur Þ. Stephensen
Auglýsingastjóri: Steinn Kári Ragnarsson Ritstjórn & auglýsingar: Hádegismóum 2,110 Reykjavík
Aðalsími: 510 3700 Símbréf á fréttadeild: 510 3701 Símbréf á auglýsingadeild: 5103711
Netföng: bladid@bladid.net, frettir@bladid.net, auglysingar@bladid.net
Prentun: Prentsmiðja Morgunblaðsins
Snúningsdiskur
Háþrýstidælur
Þegar gerðar eru hámarkskröfur
Ymsir aukahlutir
K 5.80 M Plus
■ Vinnuþrýstingur
20-125 bör
■ Vatnsmagn:
450 Itr/klst
■ Lengd slöngu: 7,5 m
■ Stillanlegur úði
■ Túrbóstútur + 50% -
■ Sápuskammtari " 0
K 6.80 M Plus
■ Vinnuþrýstingur: 20-135 bör
■ Vatnsmagn: 530 Itr/klst
■ Túrbóstútur + 50%
■ Lengd slöngu: 9 m
■ Sápuskammtari
■ Stillanlegur úöi
K 7.80 M Plus
■ Vinnuþrýstingur ■ Vatnsmagn: 550 Itr/klst
20-150 bör ■ Túrbóstútur + 50%
■ Stillanlegur úði ■ Lengd slöngu: 9 m
■ Sápuskammtari
K 7.85 M Plus
■ Vinnuþrýstingur:
20-150 bör
■ Vatnsmagn:
550 Itr/klst
■ Stillanlegur úöi
■ Sápuskammtari
■ Túrbóstútur + 50%
■ 12 m slönguhjól
SKEIFAN 3E-F ■ SÍMI 581-2333 ■ FAX 568-0215 • WWW.RAFVER.IS
\fE§TVZpfchlUM.
Lög sem kalla á
að vera þverbrotin
Margir ráku upp stór augu þegar
upplýst var að Hafrannsókna-
stofnun hefði alltaf gert ráð fyrir því í
útreikningum sfnum að brottkastið
væri einungis 2% af afla. Sérstaklega
mun sú tala hafa staðið í þeim sem
eitthvað þekkja til í íslenskum sjáv-
arútvegi. Einn þekktasti aflaskip-
stjóri Islands lýsti því yfir fyrir um
það bil tveimur áratugum að óhætt
væri að gera ráð fyrir að brottkast
afla næmi 200.000 tonnum á ári.
Til að hafa allan vara á skulum við
áætla að brottkast nemi helmingi af
því sem aflaskipstjórinn fullyrti, og
gera þar með ráð fyrir að það nemi
100.000 tonnum af þorski árlega. Þá
má reikna með að drepin hafi verið
til sjós upp undir 300.000 tonn af
þorski á sama tíma og lög mæltu
fyrir að veiða mætti innan við
200.000 tonn, eins og verið hefur
undafarin ár. Halda menn svo virki-
lega að reiknilíkan Hafró standist,
sem gerir ráð fyrir 2% brottkasti?
Svindl og brask
Og þá á eftir að taka með í reikn-
inginn allt svindlið og braskið í
landi, sem Agnes Bragadóttir blaða-
maður upplýsti svo rækilega um í
Morgunblaðinu í síðustu viku. Þær
upplýsingar þurfa ekki að koma
neinum á óvart. Rammvitlaus lög
eins og lögin um stjórn fiskveiða og
framkvæmd þeirra, kalla á að vera
þverbrotin. í því sambandi er nægi-
legt að nefna kvótaleiguna, sem
veltir mörgum milljörðum árlega.
Enginn, sem leigir þorskkíló á 200
krónur, getur komið með að landi
nema verðmesta fiskinn, nema
hann vilji fara lóðbeint á hausinn.
Dauðblóðgaður fiskur hríðfellur í
verði og er þess vegna fleygt fyrir
borð. Það þarf ekki gæftaleysi til að
fiskur drepist í netum. Talið er að í
nælonnetum drepist 40% á fyrstu

Margrét Sverrisdóttir
nóttu. Og það þarf heldur ekki hug-
myndaríkt fólk til að gera sér í hug-
arlund hvað verður um smáfiskinn,
sem kemur f veiðarfæri togaranna.
Mogginn síðastur með fréttirnar?
Allt frá upphafi kvótakerfisins
hefur sá orðrómur gengið fjöllunum
hærra um allt land, að í hverri höfn
hafi kvótasvindl og kvótabrask
verið stundað af miklum móð og er
furðulegt ef hinn öflugi fréttamiðill,
Morgunblaðið, er núna fyrst að fá
fréttir af því. Líklegra er að blaðið
hafi sem minnst viljað af því vita,
því það hefur alla tíð gengið undir
sægreifum og samtökum þeirra,
LlU. Og það er ekki furða þótt kvóta-
kerfið hafi ekki eflt þorsksstofninn
við landið, vegna þess að það var
aldrei meginmarkmið fiskveiði-
stjórnarkerfisins. Eðli þess var frá
upphafi að færa auðlindir sjávarút-
vegarins á hendur þeirra fáu, stóru.
Og sífellt er klifað á því að um sé að
ræða „hagræðingu” f sjávarútvegi.
Þegar upp er staðið er hætt við að sú
hagræðing snúist í andhverfu sína,
enn þá verri en þegar er orðið.
Áfall fyrir landsbyggðina
Nú situr mestöll landsbyggðin
eftir með sárt ennið, eftir að sjáv-
arútvegsráðherra tilkynnti um nið-
urskurð þorskafla sem felur í sér
aflasamdrátt um þriðjung frá fyrra
ári. Menn vonuðu að ný stjórnvöld
tækju upp ný og gerbreytt vinnu-
brögð í sjávarútvegsmálum eftir
reynsluna af kvótakerfinu í aldar-
fjórðung. Svo virðist ekki vera og
ætla má að menn muni halda áfram
að „hagræða til helvítis” eins og sagt
hefur verið.
Höfundur er varaforrriaður
(slandshreyfingarinnar.
KLIPPT 0G SK0RID
Niðurskurður á þorskveiði-
heimildum er mikið áfall
fyrir Vesturland og Vest-
firði. I staðarblaðinu BB á ísafirði
er sagt frá því að óvenjumörg
skip séu þar bundin við bryggju.
Guðmundur
M. Kristjáns-
son, hafnarstjóri
ísafjarðarbæjar,
segir að þetta séu
mestallt bátar sem
búið er að leggja
og nú sé farið að þrengjast á lang-
legudeildinni, eins og hann orðar
það. „Flest þeirra fara lítið á sjó ef
þá eitthvað og sum hafa legið lengi
bundin, kvóta- eða verkefnalaus,"
segir hafnarstjórinn.
Bæði Eyjan.is og Orðið á
götunni greina frá því með
mikilli hneykslun að í
fréttum á báðum
sjónvarpsstöðvum
hafi forsetinn ekið
nýja forsetabílnum
án þess að spenna
örygeisbelti. Þar
fari Olafur Ragnar
Grímsson ekki fram með góðu
fordæmi, eins og hann taldi sig þó
gera með því að kaupa svokallaðan
tvinnbíl, eða umhverfisvænan bíl,
af flottustu gerð. Fréttamaður á
rúv bendir þó á að ökutúrinn hafi
verið stuttur. En það verður alltaf
að spenna beltin, líka í tólf millj-
óna króna Lexus, herra forseti.
Margir urðu undrandi þegar sett
voru bráðabirgðalög vegna amer-
íska rafmagnskerfisins á Keflavík-
urvelli en Björgvin G. Sigurðsson
viðskiptaráðherra,
segir á heim-
síðu sinni: „Að
sjálfsögðu verður
skipt um kerfi og
evrópskt rafmagns-
kerfi tekið upp á
næstu mánuðum og misserum en
hér eru mikil verðmæti undir og
brýnt að öflug starfsemi hefjist á
vallarsvæðinu á Miðnesheiði." Raf-
iðnaðarsambandið er ósammála
ráðherra og telur öryggi ábótavant
á svæðinu.
elin@bladid.net