Bændablaðið - 22.11.2005, Side 12
12 Þriðjudagur 22. nóvember 2005
Mjólkurfélag Reykjavík-
ur fær nafnið Lífland
Nafni Mjólkurfélags Reykja-
víkur hefur verið breytt í Líf-
land. Starfsvettvangur félags-
ins hefur breyst mjög frá
stofnun þess árið 1917 og gefur
nafnið Mjólkurfélag Reykja-
víkur því hvergi nærri rétta
mynd af starfseminni eins og
henni er nú háttað.
Nafnið Lífland vísar til þess
að starfsemi fyrirtækisins tengist
nú mannlífi og dýralífi í landinu
á mun breiðara sviði en í árdaga.
Þannig verður nýja heitið sam-
nefnari fyrir fjölþætta þjónustu
og ráðgjöf er lýtur að landbún-
aði, hestaíþróttum, dýrahaldi og
útivist.
Samhliða nafnabreytingunni
hefur fyrirtækinu verið mörkuð
ný stefna, þar sem megináhersla
er lögð á framúrskarandi þjón-
ustu sem kemur til móts við sí-
breytilegar óskir viðskiptavina
með auknu vöruvali, sérhæfingu
og snerpu.
Höfuðstöðvar Líflands eru
við Korngarða í Reykjavík og
þar er einnig verksmiðja félags-
ins og fóðurafgreiðsla, en á
Lynghálsi 3 er ný og endurbætt
verslun fyrir hestamenn, hunda-
eigendur, sumarbústaðaeigendur,
útivistarfólk, bændur o.fl.
Kindur bænda á bænum Höfða í Grýtubakkahreppi nutu góða veðursins þegar ljósmyndari Bbl. rakst á hópinn fyrir skömmu. Við himin bera rústir
bæjarins Móbergs.
Nemendagarðar á Hvanneyri
eru komnir með 86 íbúðir og
herbergi sem leigð eru út til
nemenda við Landbúnaðarhá-
skóla Íslands. Ari Ingimundar-
son hefur umsjón með nemenda-
görðunum og sagði hann í sam-
tali við Bændablaðið að ekki
stæði til að bæta við fleiri íbúð-
um alveg á næstunni alla vega
ekki í ár. Nemendur greiða í
húsaleigu í nemendagörðunum
frá því rétt innan við 30 þúsund
krónur á mánuði og upp í tæpar
80 þúsund krónur.
Á síðustu fjórum árum hafa
nemendagarðar á Hvanneyri byggt
eitt hús á ári sem hvert er með 14
til 18 íbúðum.
Ein af þessum íbúðum er ekki
leigð út til nemenda. Hún er full-
búin húsgögnum og er hugsuð sem
gististaður fyrir erlenda og inn-
lenda fræðimenn sem koma á veg-
um Landbúnaðarháskólans á vetr-
um. Ari sagði að hún hefði verið
leigð út síðastliðið sumar sem or-
lofsíbúð fyrir bændur en almennt
væri hún ekki leigð út til annarra.
Ástæðan fyrir því að nemenda-
garðar byggja ekkert hús í ár er sú
að á Hvanneyri er mikið byggt um
þessar mundir af byggingaverk-
tökum sem hafa fengið sér lóðir,
byggja á þeim og ætla að leigja
íbúðirnar út. Fyrir haustið 2006
telur Ari að 25 íbúðir verði þarna
tilbúnar til leigu fyrir veturinn
2006/2007.
,,Við ætlum því aðeins að sjá til
hvernig markaðurinn verður og
hversu mikil þörfin verður áður en
lengra er haldið,“ sagði Ari Ingi-
mundarson.
Nemendagarðar á Hvanneyri
Eitt hús byggt á ári með 14 til 18
íbúðum síðastliðin 4 ár
„Hollusta matvæla er mikilvægt
heilsufarsmál,“ sagði Jón Krist-
jánsson heilbrigðisráðherra í
umræðum á Alþingi í dögunum.
Tilefnið var fyrirspurn Katrínar
Júlíusdóttur, þingmanns Sam-
fylkingar, sem vildi fá svör við
því hvort ráðherrann væri tilbú-
inn að beita sér fyrir því innan
ríkisstjórnarinnar að auka nið-
urgreiðslur á landbúnaðarað-
furðum og breyta ýmsum skött-
um á þann veg að aðgengi að
hollum matvælum verði meira
og betra en nú er.
Katrín Júlíusdóttir sagði í fram-
sögu fyrirspurnar sinnar að hér á
landi væri nokkuð gott framboð
hollrar fæðu en því miður væri sú
vara allt of dýr, hvort sem hún væri
innflutt eða framleidd hér á landi.
Matarpokinn væri því miður mun
dýrari ef í honum væri fersk og
holl vara en tilbúinn pakkamatur.
Holl vara er mjög dýr
„Góð, holl vara er mjög dýr og það
er miklu auðveldara að nálgast
óholla vöru og úr því þarf að bæta.
Við eigum nokkur tæki sem hægt
er að nota og sem ég tel að við eig-
um að halda hátt á lofti í þessari
umræðu. Í fyrsta lagi erum við
með mjög háar niðurgreiðslur á
innlenda framleiðslu svo sem bú-
vöru-, sauðfjár- og grænmetis-
framleiðslu. Ég er ekki hlynnt for-
sjárhyggju en engu að síður tel ég
að við eigum að geta notað þessar
háu niðurgreiðslur, upp á 8-9 millj-
arða króna á ári, til að ýta undir
frekari framleiðslu hér á landi á
hollari vöru umfram þá fituríkari,
saltmeiri og sykurmeiri,“ sagði
Katrín á Alþingi.
Í umræðum um málið vakti Jón
Kristjánsson heilbrigðisráðherra
athygli á því að ekki alls fyrir
löngu hefði verið skipuð nefnd á
vegum forsætisráðherra sem
greina ætti vanda, sem kæmi til af
óhollu mataræði, offitu, átröskun
og hreyfingarleysi og koma með
tillögur að aðgerðum til að taka á
þeim vanda. Starf nefndarinnar
sagði Jón afar mikilvægt og kvaðst
hann reikna með því að viðfangs-
efni hennar verði meðal annars sú
spurning sem Katrín Júlíusdóttir
velti upp; það hvort breyta megi
mataræði þjóðarinnar með breyt-
ingu á niðurgreiðslum og skatt-
lagningu hollari matvæla.
Nefndin fái ráðrúm
„Ég tel hins vegar að nefndin verði
að fá tóm til að vinna að þessu
mikilvæga málefni og leggja fram
niðurstöður sínar og ég geri ráð
fyrir að þegar þær niðurstöður
liggja fyrir taki ríkisstjórnin af-
stöðu til þeirra,“ sagði Jón, sem
vildi ekki lýsa afstöðu sinni í mál-
inu frekar, því mikilvægt væri að
nefnd forsætisráðherra fengi ráð-
rúm til starfa. -sbs
Landssamband kúabænda hefur tekið saman gögn
um þróun í fjósbyggingum síðustu tvö ár, en sam-
bærileg könnun var gerð haustið 2003. Fram kemur
í niðurstöðum að fjósum hefur fækkað um 111 á
þessum tveimur árum, úr 873 í 762 og lækkar hlut-
fall básafjósa úr 86% í 77%. Hlutfall legubásafjósa
með mjaltaþjónum hefur hækkað gríðarlega mikið,
eða úr 1,3% af heild haustið 2003 í 5,4% nú í
október 2005 og er með því hæsta sem gerist í heim-
inum. Þá vekur verðskuldaða athygli að enn er einn
kúabóndi hér á landi sem handmjólkar og 16 til við-
bótar eru með fötukerfi við mjaltir.
Fjósgerðir Haustið Hlutfall Haustið Hlutfall
2003 gerða 2005 gerða
Básafjós með fötumjaltakerfi 24 2,7% 16 2,1%
Básafjós með rörmjaltakerfi 614 70,3% 487 63,9%
Básafjós með mjaltabás 114 13,1% 85 11,2%
Legubásafjós með mjaltabás 107 12,3% 133 17,5%
Legubásafjós með mjaltaþjónum 11 1,3% 39 5,1%
Annað 3 0,3% 2 0,3%
Samtals 873 762
Spurt á Alþingi um hugsanlegar
niðurgreiðslur hollra matvæla:
Auðvelt að nálgast óholla vöru
Í Landsveit í Rangárþingi er fé-
lag sem heitir Fjárlitafélagið Lit-
ur og er megin tilgangur þess að
bjarga íslensku fjárlitunum og
rækta um leið gott fjárkyn.
Laugardaginn 22. október var
haldin mikil sýning að Flag-
bjarnarholti í Landsveit og
verðulaun veitt fyrir glæsileg-
asta mislita féð og allt það sem
skoðað er þegar fé er metið.
Verðlaun voru veitt fyrir falleg-
asta lambhrútinn og bestu
gimbrina og fallegasta fullorðna
féð og það voru tveir móflekkótt-
ir ferhyrndir hrútar frá sama
bæ sem fengu þau verðlaun.
Verðlaunagimbrin var þrílit,
svört, hvít og grá og er frá Kristni
Guðnasyni í Árbæjarhjáleigu.
Lambhrúturinn er móflekkóttur frá
Guðlaugi Kristmundssyni í Lækj-
armótum.
Sigurjón Helgason frá Þúfu í
Landsveit sagði í samtali við
Bændablaðið að þetta væri í fyrsta
sinn sem Litur heldur svona sýn-
ingu. Sýningin tókst mjög vel og
væri ákveðið að halda slíka sýn-
ingu árlega héðan í frá. Sauðfjár-
litafélagið Litur hefur það að
markmiði að ná fram öllum litum
sem til eru í íslensku sauðfé og
einnig hreinni litum. Auk þess er
um venjulega sauðfjárrækt að ræða
þar sem áhersla er lögð á kjötgæð-
in. Fóðurblandan hf. gaf verðlaun-
in sem voru 10 pokar af milljóna-
blöndunni sem er fóður sérútbúið
fyrir sauðfé.
Á þessari mynd eru allir verðlaunahafarnir. Talið frá vinstri, Þórhallur
Guðlaugsson frá Lækjarbotnum með athyglisverðasta lambhrútinn sem
er móflekkóttur. Katharína Ólöf Helgadóttir, Helgi Benediktson og Símon
Helgi Helgason frá Austvaðsholti með athyglisverðustu kindurnar, tveir
móflekkóttir, ferhyrndir hrútar. Hekla Katharína Kristjánsdóttir frá
Árbæjarhjáleigu með athylgisverðustu gimbrina, hún var þrílit,
svarbaugótt, grá og hvít.
Vel heppnuð fjárlitasýning hjá Fjárlitafélaginu Litur