Bændablaðið - 16.05.2006, Síða 29
29Þriðjudagur 16. maí 2006
Í svari heilbrigðis- og trygginga-
málaráðherra við fyrirspurn
Jóns Kr. Óskarssonar um pláss á
hjúkrunarheimilum fyrir aldr-
aða kemur fram að þörfin fyrir
hjúkrunarrými fyrir aldraða er
mest á Suðvesturhorninu og
Suðurlandi.
Sé miðað við kjördæmaskipan
eru fæst hjúkrunarrými á hverja
1.000 íbúa í Suðvesturkjördæmi,
eða 5,7, í Suðurkjördæmi eru þau
7,4 á hverja 1.000 íbúa, og í
Reykjavíkurkjördæmum norður og
suður eru þau 9,4.
Þá segir í svari ráðherra að í
ráðuneytinu sé hafin vinna við að
meta hvar brýnast er að byggja
upp hjúkrunarrými miðað við þau
sem fyrir eru, aldurssamsetningu
íbúa á viðkomandi svæðum og
aðra þjónustu, svo sem fjölda
dvalarrýma, dagvistarrýma og
rýma til hvíldarinnlagnar. Ráðu-
neytið gerði áætlun af þessum toga
fyrir árin 2002-2007 sem tímabært
sé að endurskoða.
Í heilbrigðisáætlun til ársins
2010 er miðað við að yfir 75%
fólks 80 ára og eldra geti búið
heima með viðeigandi stuðningi.
Þetta markmið hefur ekki náðst að
fullu. Þá segir ráðherra að lengi
hafi verið litið á stofnanir sem
helstu og nánast einu lausnina fyrir
aldraða sem þurfi umönnun. Þetta
sé úrelt sjónarmið og verði horfið
frá þessari þunglamalegu stofn-
anamenningu en heimahjúkrun
efld þess í stað.
Í svari heilbrigðis- og trygginga-
málaráðherra við fyrirspurn
Guðlaugs Þór Þórðarsonar um
sjúkraflutninga innanlands með
flugvélum kemur fram að
sjúkraflug hefur vaxið hin síðari
ár.
Árið 2001 var fjöldi sjúkrafluga
148, árið 2002 voru þau 278, og
þar af lent 169 sinnum í Reykja-
vík. Árið 2003 voru þau 365 og
þar af lent í 251 skipti í Reykjavík.
Árið 2004 voru sjúkraflug 381 og
þar af lent 267 sinnum í Reykja-
vík. Ekki liggja fyrir upplýsingar
um fjölda sjúklinga.
Flogið var frá Egilsstöðum,
Hornafirði, Djúpavogi, Norðfirði,
Breiðdalsvík, Vopnafirði, Akur-
eyri, Húsavík, Þórshöfn, Grímsey,
Siglufirði, Sauðárkróki, Bíldudal,
Gjögri, Ísafirði, Hólmavík, Pat-
reksfirði, Búðardal, Rifi og Vest-
mannaeyjum.
Einnig var spurt um hve oft á
ári hafi verið flogið með sjúklinga
til og frá Íslandi árin 2000 til 2004.
Á þessum árum var flogið sex
sinnum með jafn marga farþega
með sjúkraflugi frá Keflavíkur-
flugvelli. Í öllum tilfellum var
flogið með áætlunarflugi. Eitt flug
var frá Reykjavíkurflugvelli árið
2001.
Spurt var hve oft á ári þyrlur
hafi verið notaðar til sjúkraflugs
innanlands og með hvað marga
sjúklinga. Árið 2000 voru útköll
vegna sjúkraflugs 103 og sjúkling-
ar 110. Árið 2001 voru útköllin 85
og sjúklingarnir 92. Árið 2002
voru útköllin 78 og sjúklingar 80.
Árið 2003 voru útköllin 88 og
sjúklingar 98 og árið 2004 voru
sjúkraflugsútköllin 80 og sjúkling-
ar 90.
Sjúkraflug fer vaxandi
Hjúkrunarrými fyrir aldraða
Þörfin er mest í
Suðvesturkjördæmi
Þingað um vita
og strand-
menningu
Íslenska vitafélagið undirbýr nú
norræna ráðstefnu undir yfirskrift-
inni „Vitar og strandmenning á
Norðurlöndum 2006“. Ráðstefnu-
staður og stund er Stykkishólmur,
25. og 26. maí 2006.
Markmið ráðstefnunnar er að
fylgja eftir þeim árangri sem náðst
hefur frá því norræna ráðstefnan
„Fyr for folk i Norden 2003“ var
haldin í Noregi, en hún varð til
þess að bæði íslenska vitafélagið
og finnska vitafélagið voru stofn-
uð. Í kjölfar hennar og stofnun ís-
lenska vitafélagsins voru fyrstu
vitar landsins friðaðir og nú er
fólk smám saman að vakna til vit-
undar um þann auð sem er falinn
við strendur landsins og hvernig
hægt er að nýta vita og aðrar
strandminjar til atvinnuuppbygg-
ingar og nýsköpunar.
Ráðstefnan í Stykkishólmi er öll-
um opin.
Vattarnesviti.
Skaftárhreppur hlaut
styrk til úrbóta í um-
hverfismálum
Nýverið hlaut Skaftárhreppur
750 þúsund króna styrk frá
Ferðamálastofu til úrbóta í um-
hverfismálum. Gunnsteinn R.
Ómarsson, sveitarstjóri Skaftár-
hrepps, sagði í samtali við
Bændablaðið að stór hluti þess-
arar upphæðar færi í uppbygg-
ingu og merkingu gönguleiða og
slóða í kringum hellasvæði upp
við Laufbalavatn norðan Mikla-
fells.
Þetta er ekki það eina því hluti
af þessum styrk fer í uppbyggingu
gönguleiða á ferðamannasvæðun-
um við Kirkjubæjarklaustur og í
nágrenni þess.
Drög að frumvarpi til laga hafa
verið til umsagnar hjá sveitarfé-
lögum og hafa þau mætt harðri
andstöðu en þó alveg sérstaklega
30. grein frumvarpsins en hún
fjallar um kostnaðarskiptingu
ríkis og sveitarfélaga.
Þorvarður Hjaltason, fram-
kvæmdastjóri Sambands sunn-
lenskra sveitarfélaga (SASS), seg-
ir menn mjög óánægða með að
boðið skuli vera upp á jafn óljósa
verkaskiptingu. Hún sé ekki í sam-
ræmi við markaða stefnu sem allir
aðhyllast, í orði að minnsta kosti,
að verkefnin skuli vera öðru hvoru
megin. Í frumvarpsdrögunum er
talað um 15% hlutdeild sveitarfé-
laga í hjúkrunarheimilum ,,að
minnsta kosti." Það er sem sagt
kostnaðarskiptingin og það hve
óljós hlutur sveitarfélaganna á að
vera sem menn eru óánægðastir
með.
"Í reynd er það svo að ef sveit-
arfélögin hafa viljað þvinga ríkið
til aðgerða í þessum málum þá
hafa þau orðið að bjóða meira en
þessi 15% í kostnaði. Til að mynda
hefur bæjarstjórn Árborgar nýver-
ið boðið ríkinu að hlutur sveitarfé-
lagsins verði 30% í viðbótarhús-
næði sem væntanlega verður byggt
við heilbrigðisstofnunina. Þetta
hefur gerst mjög víða og er ólíð-
andi í samskiptum ríkis og sveitar-
félaga," sagði Þorvarður.
Sveitarstjórnarmenn eru
óánægðir með að sveitarfélögin
eiga ekki aðild að stjórn þess sem
verið er að framkvæma. Aðalatrið-
ið í þessu öllu er að það fari saman
framkvæmd og fjárhagsleg ábyrgð
þannig að sveitarfélögin greiði
ekki bara reikninga sem ríkið
sendir þeim heldur fylgi því ein-
hver áhrif á ákvarðanatöku og
stjórn viðkomandi stofnunar.
Þorvarður bendir á að í aðdrag-
anda kosninganna nú sé mikill
áhugi fyrir því að sveitarfélögin
taki alveg yfir málefni aldraða. Þar
með væri eytt þessu slæma fyrir-
komulagi sem nú er. Þá væru þessi
mál í höndum sveitarfélaga að því
tilskyldu að þau hefðu tekjustofna
til að standa undir þessari auknu
þjónustu.
Frumvarpsdrög til laga um
heilbrigðisþjónustu mæta
harðri andstöðu