Bændablaðið - 27.02.2007, Blaðsíða 32
Bændablaðið | Þriðjudagur 27. febrúar 200732
Líf og lyst
Meðfylgjandi eru uppskriftir
að réttum sem henta öllum fjöl-
skyldumeðlimum en rétt er að
minna á að Pottagaldra-taco er
sérstaklega vinsæll réttur hjá
unglingum og ekki væri úr vegi
að leyfa þeim að spreyta sig á
eldamennskunni.
Lambakjöt með spínatkartöflu-
mús:
4 lambahryggjarsneiðar með beini
eða lambakótlettur (um 500 g)
2 tsk. smjör og repjuolía
1 tsk. salt
½ tsk. svartur pipar
Spínatkartöflumús:
800 g kartöflur
150 g ferskt spínat
1½ dl matreiðslurjómi
1½ dl mjólk
1-2 tsk. salt
Aðferð:
Saltið og piprið kjötið og steikið
upp úr smjöri og olíu á pönnu við
meðalhita í 5-6 mínútur. Setjið lok
á pönnuna á meðan kartöflumúsin
er útbúin.
Skolið kartöflurnar, setjið þær í
pott með vatni og látið koma upp
suðu. Slökkvið á hitanum og látið
standa með lokið á í um 15 mínút-
ur. Skolið spínatið og grófsaxið
með hníf. Hellið vatninu af kartöfl-
unum og maukið þær gróflega með
kartöflustappara. Setjið matreiðslu-
rjóma og mestalla mjólkina í pott
og látið koma upp suðu. Blandið
síðan saman við kartöflurnar og
spínatið. Setjið meiri mjólk ef þarf
og saltið.
Pottagaldra-taco
400 g nautahakk
2-3 msk. Fiesta de Mexico-krydd
1 dós marðir tómatar
1-2 msk. tómatpaste
spagettí, soðið
vatn
salt
taco-skeljar
jöklasalat, rifið
sýrður rjómi
guacamole-sósa
Aðferð:
Steikið nautahakkið eða notið lítið
kryddað, forsteikt hakk. Kryddið
með Fiesta de Mexico og saltið eft-
ir smekk. Bætið tómötum og tóm-
atpaste út í hakkið ásamt vatni eftir
þörfum, látið krauma í um 20 mín-
útur. Berið fram í taco-skeljum með
jöklasalati, sýrðum rjóma og guaca-
mole-sósu. Gott er að hafa hrísgrjón
og hvítlauksbrauð með. Ef notað er
spagettí má ýmist hafa það sem með-
læti eða setja það út í réttinn.
Karamellubomba
Kakan:
5 egg
4 dl sykur
4 dl kornflakes
3 dl möndlur, saxaðar
250 g suðusúkkulaði, saxað
1 ½ tsk. lyftiduft
2½ dl rjómi, þeyttur
Karamellukrem:
4 dl rjómi
1½ dl sykur
3 msk. síróp
2 msk. smjör
1 tsk. vanilludropar
Aðferð:
Kakan:
Þeytið egg og sykur vel saman.
Blandið kornflakes, möndlum,
suðusúkkulaði og lyftidufti varlega
saman við. Bakið í þremur með-
alstórum formum við 200°C í 20-
30 mínútur. Látið kólna og þeytið
rjómann á meðan.
Karamellukremið:
Setjið rjóma, sykur og síróp í pott
og sjóðið þar til það verður þykkt,
í um 20 mínútur. Hrærið í öðru
hvoru. Hrærið smjör og vanillu-
dropa saman við. Kælið. Setjið
botnana saman með þeyttum rjóma
og karamellukremi og hellið afgang-
inum af kreminu yfir að lokum.
ehg
MATUR
Íslenskt lamb og karamellubomba
Þeir eru ófáir fyrrum nemendur
og starfsmenn á Hvanneyri sem
hún fóðraði. Hlátur hennar
og góðlátleg stríðni er flestum
sem hafa kynnst henni í fersku
minni. Lífsgleðin holdi klædd
er hún í minningu margra
samferðamanna sinna.
Hrafnhildur Stella Eyjólfsdóttir
er nú fyrir allnokkrum árum orðin
löggiltur heldriborgari. Nýtur
þess í botn, syndir flesta daga,
gengur mikið um æskuslóðirnar
í Þingholtunum og heldur
yfirsýn yfir afkomendur og vini.
Langömmubörnin komin hátt á
annan tuginn. Einnig ferðast hún
talsvert, aðallega til útlanda, minna
innanlands.
Stella hlær þegar hún er spurð
hvort hún sakni Hvanneyrar. „Nei,
elskan mín, það þýðir ekkert. Lífið
er kaflaskipt; þegar einum kafla
lýkur, tekur annar við. Þá nýtur
maður bara nýja kaflans, syrgir
ekki það sem var.“
„Vissulega kynntist ég mörgu
góðu fólki á Hvanneyri. En þessi
tími er liðinn. Ég á yndislega
fjölskyldu og heilsan er góð. Hvað
er hægt að biðja um meira?“
Lífskaflar Stellu hafa sannanlega
tekið á ýmsu en með þessu viðhorfi
er ekki amalegt að njóta efri
áranna. EÞ
Maður á að njóta líðandi stundar,
ekki syrgja það sem var
Nýlega var opnað nýtt og glæsi-
legt álfa-, trölla- og norður-
ljósasafn á Stokkseyri í sama
húsnæði og Draugasetrið. Safn
þetta er í um 1.200 fermetra
húsnæði og er því með alstærstu
söfnun landsins.
Safnið er þannig upp sett að
gestir koma fyrst inn í móttöku-
rými sem er meira og minna gert
úr íslensku grjóti; stuðlaberg, grá-
grýti og hraun setja mikinn svip
á það rými. Því næst halda gestir
inn í gegnum helli og koma þá í
paradís álfa og huldufólks. Í lokin
er gengið inn í 200 fermetra frysti
þar sem eru klakabrynjaðir veggir,
ísbar og norðurljósin í allri sinni
dýrð. Þá er glæsileg minjagripa-
verslun í safninu þar sem hægt er
að fá ýmsan varning sem tengist
álfum, tröllum, draugum og norð-
urljósum, auk annarra hluta, líkt
og ullarvörur sem unnar eru af álf-
um og huldufólki. Safnið er opið
laugardaga og sunnudaga frá kl.
13 til 20.30 og hægt er að panta
skoðunarferð á öðrum tímum eftir
samkomulagi. Hægt er að nálgast
allar nánari upplýsingar um safnið
á heimasíðu þess, www.iceland-
icwonders.com/ MHH
Álfar, tröll
og norð-
urljós á
Stokkseyri
Hugmyndasmiður safnsins er Benedikt Guðmundsson, framkvæmda-
stjóri Guðmundar Tyrfingssonar ehf. á Selfossi. Hann átti einnig hug-
myndina að Draugasetrinu. Hér er hann ásamt Þorgerði Katrínu Gunn-
arsdóttur menntamálaráðherra sem opnaði nýja álfa-, trölla- og norður-
ljósasafnið á Stokkseyri. Mynd:MHH
Ýmsar kynjaverur eru í nýja safninu, m.a. þetta tröllabarn sem heilsar
upp á gesti og gangandi þegar þeir fara um safnið. Mynd: MHH
Nýr afþreyingarstaður í Ölfushöllinni – Tony’s County
Nýlega var opnaður nýr afþreyingarstaður í Ölfushöllinni, mitt á
milli Hveragerðis og Selfoss. Staðurinn heitir Tony´s County og sam-
anstendur af veitinga-, dans- og afþreyingarstað. Þema staðarins er
tengt kúrekum villta vestursins.
„Tony´s er staður þar sem fagmennskan er í fyrirrúmi, góður matur og
þjónusta auk þess sem umhverfið er kjörið til að geta lifað sig inn í anda
villta vestursins. Við bjóðum gestum okkar upp á góðan mat sem hver
kúreki væri sæmdur að og jafnframt að upplifa stemningu villta vesturs-
ins,“ sagði Eymundur A. Gunnarsson, annar eigandi staðarins, í samtali
við blaðið. Allar nánari upplýsingar um staðinn er að finna á heimasíðu
hans, www.tonys.is MHH
Eigendur Tony´s County í Ölfushöllinni, þeir Eymundur A. Gunnarsson
framkvæmdastjóri (t.v.) og Sverrir I. Garðarsson veitingastjóri.