Bændablaðið - 27.02.2007, Blaðsíða 35
Bændablaðið | Þriðjudagur 27. febrúar 200735
Vélaver semur
við Hörgárbyggð
Fimmtudaginn 15. febrúar skrif-
uðu Vélaver hf. og Hörgárbyggð
undir samning um kaup Véla-
vers á lóð undir þjónustumiðstöð
fyrir Norðurland. Um er að ræða
nýtt 12 hektara byggingarsvæði
utan Lónsbakka á Akureyri sem
Hörgárbyggð gerir ráð fyrir að
verði tilbúið í ágúst nk.
Þetta nýja byggingarsvæði er
í þjóðbraut og aðkoma stórra bíla
og tækja verður einstaklega góð á
þessum stað. Staðurinn er áberandi
og á eftir að verða eftirsótt athafna-
svæði. Hörgárbyggð hefur þegar
fengið margar fyrirspurnir um
byggingarlóðir á þessum stað þann-
ig að líkur eru á að svæðið byggist
upp á skömmum tíma.
Staðsetning athafnasvæðisins
er mjög ákjósanleg fyrir starfsemi
af þessu tagi og fyrirkomulaginu
svipar til þess sem þekkist erlendis
þar sem slík starfsemi er höfð rétt
utan þéttbýlis. Svæðið hentar vel
undir slíka starfsemi sem þarf mik-
ið athafnasvæði utandyra og góða
tengingu við samgöngur.
Vélaver áformar að byggja yfir
starfsemina á Akureyri og flytja
þjónustumiðstöð sína á árinu 2008
í hið nýja húsnæði, en þá verða
liðin tíu ár frá því að Vélaver hóf
eigin sölu- og þjónustustarfsemi á
Akureyri.
Í hinu nýju húsnæði er gert ráð
fyrir að verði stórt þjónustuverk-
stæði fyrir atvinnubifreiðar, landbún-
aðarvélar, vinnuvélar og önnur þau
tæki sem Vélaver selur og þjónustar
á Norðurlandi. Einnig verður þar
varahlutalager og sýningaraðstaða.
Markmið Vélavers með þessum
framkvæmdum er að geta veitt við-
skiptavinum sínum á Norðurlandi
enn víðtækari og betri þjónustu.
Fréttatilkynning
Frá undirritun samningsins. Á myndinni eru frá vinstri Helgi B. Steinsson
oddviti, Guðmundur Sigvaldason sveitarstjóri, Magnús Ingþórsson fram-
kvæmdastjóri og Jónas Þór Jónasson forstöðumaður. Myndina tók Ásgeir
Már Hauksson.Mynd sem sýnir athafnasvæðið og byggingarlóð Vélavers.