Bændablaðið - 04.11.2008, Side 8

8 Bændablaðið | þriðjudagur 4. nóvember 2008
Bræðurnir Jón og Jóhann Gunn-
arssynir gerðu samning við Tjör-
neshrepp árið 2006 um veiðar á
mink í hreppnum. Skemmst er frá
því að segja að nú, haustið 2008,
sést ekki minkur á Tjörnesi.
„Að baki þessum árangri liggur
mikil vinna og árvekni veiðimanna
okkar,“ segir í frétt á vef hrepps-
ins og þess getið að komi ekk-
ert dýr í gildrurnar í október megi
„sýnt þykja að hægt [sé] að halda
útbreiðslu minks í skefjum“. Þess er
ennfremur getið að Tjörneshreppur
sé utan þess svæðis sem ríkið hefur
nýlega veitt 160 milljónum króna
til, vegna sérstaks átaks í baráttu
við minkinn.
Jón Gunnarsson segir þá bræður
skipta á milli sín svæði á norðaust-
anverðu landinu hvað vetrarveiðina
varðar, en fari svo saman í vor-
veiðina. Jóhann býr á Hraunbrún í
Kelduhverfi og sér um það svæði,
Öxarfjörðinn og Núpasveitina,
en Jón er með Tjörnes, Húsavík
og hluta af Aðaldal. Upphafið má
rekja ellefu ár aftur í tímann, en þá
tóku þeir að sér veiði í Kelduhverfi
og veiddu að sögn Jóns um 80 til
90 minka árlega. „Við sáum að eitt-
hvað yrði að breytast, hertum okkur
við veiðarnar og það skilaði þeim
árangri að við náðum að jafnaði um
130 til 140 dýrum árlega á svæð-
inu. Svo smám saman fór veiðin
að detta niður og eitt árið var svo
komið að við náðum þremur mink-
um, þrátt fyrir að vera töluvert að,“
segir Jón.
Sem fyrr segir tóku þeir við
Tjörneshreppi vorið 2006 og
náðu þá 35 dýrum í grenjum, frá
ágúst og fram til áramóta veiddust
svo 20 dýr í gildrur. Í vorleit árið
eftir, 2007, fannst ekkert greni en
í október sama ár veiddist eitt dýr
í gildru. Síðan hafa þeir ekki séð
mink á Tjörnesi.
„Það virðist sem við höfum náð
árangri,“ segir Jón og kveðst vissu-
lega ánægður með það. Árangurinn
þakkar hann m.a. því að þeir hafi
gengið skipulega til verks og ásamt
oddvita, Jóni Heiðari Steinþórssyni,
„en það er maður sem mér finnst að
ætti að skipuleggja minkaveiðar á
Íslandi, hann ætti að taka að sér allt
landið og þá sæjum við árangur,“
segir Jón.
Þess duglegri sem veiðimenn eru,
því minna fá þeir í kaup!
Vitanlega ríkir ánægja með árang-
urinn, að ekki skuli sjást minkur á
svæðinu, en Jón bendir á einn galla
– og hann vegur þungt fyrir veiði-
mennina. Sem sé, eftir því sem þeir
eru duglegri og framganga þeirra
í baráttu við meindýrið kröftugri,
„þá lækkar bara kaupið okkar,“
segir Jón. Hann segir að við vor-
veiði hafi þeir bræður fengið greitt
tímakaup og þá fá þeir einnig greitt
gjald fyrir bifreið sem þeir nota við
veiðina. „En svo erum við svo gott
sem kauplausir eftir vorveiðina;
ef við fáum engan mink fáum við
heldur engin laun, þar sem greitt er
fyrir hvert veitt dýr,” segir hann og
bætir við að vinnan sé sú sama og
kostnaður við eftirlitið. Fara þurfi
á staðina og leita uppi greni og
þar fram eftir götunum. Þá nefnir
Jón einnig að veiðimenn eigi sjálf-
ir allan útbúnað, gildrur og annað,
sem og líka hundana og beri kostn-
að af þjálfun þeirra og uppihaldi, en
að sögn Jóns eru þeir ómissandi við
veiðarnar. „Þetta kostar allt pen-
inga, ég er sjálfur með þrjá hunda
sem ég á sjálfur og sé um,“ segir
hann.
Þarf unga menn í þetta
„Þetta er geysilega mikil vinna og
fyrirhöfn og auðvitað stór spurn-
ing hvort þetta borgi sig,“ segir
Jón. Hann segir veiðina nú mikið
byggjast upp á „gömlum köllum“,
en bráðnauðsynlegt sé að yngja
upp, fá unga spræka og áhugasama
menn til liðs, en ólíklegt sé að með
núverandi launakerfi fáist þeir til
starfans. „Menn þurfa nánast að
borga með sér á þeim svæðum þar
sem vel hefur tekist til í baráttunni
við minkinn,“ segir hann. „Ungir
menn hafa hreinlega ekki efni á því
að taka þetta starf að sér.“
Jón er fæddur og uppalinn í
Kelduhverfi og segir að á sínum
yngri árum hafi allar ár verið fullar
af hornsílum. Þau séu nú svo gott
sem horfin. „Minkurinn hefur étið
þetta allt upp, hann er mikil skað-
ræðisskepna og drepur ef því er að
skipta sér til gamans. Við verðum
að gera eitthvað róttækt og árang-
urinn sem við höfum náð sýnir,
að það er hægt með mikilli vinnu
og fyrirhöfn að halda stofninum
í skefjum. Ef við ætlum að halda
laxveiðiám okkar í svipuðu horfi
og verið hefur, þá er bráðnauð-
synlegt að grípa strax til aðgerða,“
segir Jón.
MÞÞ
Góður árangur í minka-
veiðum á Tjörnesi
Að baki liggur mikil vinna og árvekni veiðimanna
Jón Gunnarsson minkabani með
hundana og byssuna. Á minni
myndinni er dóttursonur hans,
Zakaría, með tvo minka sem Jón
felldi á Tjörnesi.
Hefðir úr héraði
Vaxtarsamningur Suðurlands og
Vestmannaeyja styrkir starf við
að mynda matarklasa Suðurlands
þar sem veitingamenn, bakarar
og aðrir þeir sem starfa við full-
framleiðslu á matvöru sameina
krafta sína við að byggja upp og
styrkja þess konar starfsemi á
Suðurlandi.
Haft hefur verið samband við
alla þá sem starfa í þessum grein-
um vegna safnahelgarinnar 7.-9.
nóvember nk. og samstarfs veitingahúsa og bakaría að þeirri stóru
menningarhátíð, en eflaust hafa einhverjir orðið útundan og þessvegna
væri vel þegið ef þið hvert á sínu svæði létuð vita af þeim.
Nú erum við að hefja fundarröð þar sem haldnir verða fundir á sjö
stöðum á Suðurlandi með aðilum í veitinga og ferðaþjónustu til að
finna út hverjir vilja vera með í þessu starfi og til að safna saman hug-
myndum að verkefnum og þá með það í huga að vera tilbúin í slaginn
næsta vor.
Nú sem aldrei fyrr er nauðsynlegt að styrkja undirstöður atvinnu-
lífs Íslendinga, en ferðaþjónustan er vissulega ein af styrkustu stoðum
okkur.
Gengi íslensku krónunnar gerir Ísland gjaldgengara en áður sem
valkost fyrir erlenda ferðamenn og nú þurfum við að vekja athygli á
matarmenningu okkar, einstöku hráefni og frábærum matreiðslumönn-
um sem hafa verið að koma heim með hver verðlaunin á fætur öðrum.
Fundirnir verða sem hér segir:
Selfoss 10. nóvember kl. 16 Hótel Selfossi
Uppsveitir 13. nóvember kl. 16 Hótel Geysi
Klaustur 17. nóvember kl. 16 Hótel Klaustri
Skógar 18. nóvember kl. 16 Hótel Skógum
Rangárþing 24. nóvember kl. 16 Hótel Rangá
Vestmannaeyjar 25. nóvember kl. 16 Conero
Sameiginlegur fundur 1. desember kl. 16 Hótel Hvolsvelli
Væntum við þess að fulltrúar frá atvinnu- og menningarmálanefnd-
um og aðrir þeir sem tengjast matartengdri ferðaþjónustu sjái sér fært
að sækja þessa fundi.
Við höfum heyrt frá fólki á Suðurlandi sem hefur áhuga á verkefn-
inu „Beint frá býli“ sem vill tengjast þessum hópi en þeirra starfsemi á
þarna ágætlega heima.
Vitað er að margir aðilar eru að vinna beint og óbeint að því að
efla matartengda ferðaþjónustu á Suðurlandi, það þarf bara að sameina
krafta þessa fólks til að ná meiri árangri.
Hér á Suðurlandi eru ótalmörg tækifæri, þar sem við búum í nálægð
við höfuðborgarsvæðið og eigum stærsta matvælaframleiðslusvæði
landsins. En ekki síst mikinn mannauð þar sem saman fara afar færir
matreiðslumenn, glæsileg hótel og margskonar aðrir gistimöguleikar.
Við þurfum að koma saman og mynda aflmikinn hóp fólks sem kemur
hugmyndum sínum í framkvæmd með sameinuðum kröftum sínum.
Nú sem aldrei fyrr þarf sameinað átak til að lyfta íslendingum upp
úr þeim efnahagslega öldudal sem við höfum lent í og erlendir sem
íslenskir ferðamenn þurfa að fá skýr skilaboð um að þeir eru velkomn-
ir á Suðurland, þar er margt að skoða, góður og fjölbreyttur matur og
viðbrugðið er gestrisni Sunnlendinga.
Inga Þyrí Kjartansdóttir
verkefnisstjóri Matarklasa Suðurlands
Atvinnumál