Bændablaðið - 23.09.2010, Blaðsíða 31

ÖRÆFANETIÐ | 15
„Í sumar hefur aðsóknin í Skaftafell slagað
hátt í það sem var í fyrra, sem var metsumar
í ferðaþjónustunni. Það dró mjög úr aðsókn-
inni eftir að gosið byrjaði í Eyjafjallajökli en sú
niðursveifla var tiltölulega fljót að ganga til
baka eftir að gosinu lauk,“ segir Regína
Hreinsdóttir, þjóðgarðsvörður í Skaftafelli. Í
fyrra komu um 260 þúsund manns í gesta-
stofuna í Skaftafelli frá byrjun apríl til ársloka
en í lok ágúst í ár hafa 215 þúsund manns
lagt leið sína þangað.
Í Skaftafellsstofu er upplýsinga- og
fræðslumiðstöð þar sem ferðafólki eru
veittar upplýsingar um náttúrufar Skaftafells,
gönguleiðir, gistingu og afþreyingu í næsta
nágrenni. Árið 2009 var í fyrsta skipti opið
allt árið í Skaftafelli og var þá opið alla virka
daga yfir vetrartímann. Í ár er stefnt að því
að auka þjónustuna enn frekar og hafa
einnig opið um helgar.
Allir koma við í Skaftafelli
Tveir starfsmenn eru í Skaftafelli allt árið og
einn til viðbótar á Höfn, en á sumrin aukast
umsvifin til mikilla muna og er þá bætt við 12
starfsmönnum sem sinna upplýsingagjöf,
landvörslu og ræstingum auk 8 til 10 starfs-
manna í veitingasölu. Þá er einn landvörður á
vegum Vatnajökulsþjóðgarðs á Höfn yfir
sumartímann og annar í Lónsöræfum. Reg-
ína segir að mjög gott samstarf sé auk þess
við háskólasetrið á Höfn. Á sumrin sinna þrír
til fjórir starfsmenn daglegri upplýsinga-
miðlun og segir Regína að álagið á þeim sé
mjög mikið. Í júlí og fram í ágúst koma
þannig að jafnaði þrjú til fjögur þúsund gestir
á dag með margvíslegar fyrirspurnir og er-
indi sem þarf að sinna.
Allir sem eiga leið um svæðið staldra við í
Skaftafelli en ferðamenn frá Þýskalandi,
Frakklandi og Hollandi auk Íslendinga eru
fjölmennastir í tjaldgistingu. Regína segir
meira um að fólk ferðist á bílaleigubílum en
áður þó enn sé mikið um stóra rútuhópa.
Mikilvæg tenging við ljósleiðara
Undanfarin misseri hefur gestastofan í
Skaftafelli verið með aðgang að örbylgju-
sambandi og því haft mun betri nettengingu
en þeir sem búa austar í sveitinni. Þetta sam-
band hefur samt sem áður verið ótryggt og
því segir Regína að það hafi verið kærkomið
að komast í ljósleiðaratenginguna sem Fjar-
skiptafélag Öræfinga beitti sér fyrir að fengin
yrði í sveitina. Nú séu gagnaflutningar mun
öruggari en áður, sem skipti miklu máli.
Í Skaftafellsstofu er sýning þar sem sögð
er saga elds og íss og hvernig náttúruöflin
hafa tekist á og mótað umgjörð svæðisins.
Sagt er frá menningu sem hefur dafnað í
skjóli jökulsins og lífi fólks þar sem eldgos og
jökulhlaup hafa sett mark sitt á daglegt líf. Í
Skaftafellsstofu má einnig sjá muni úr örlaga-
ríkum leiðangri breskra háskólastúdenta árið
1953 og fræðslumynd um Skeiðarárhlaupið
árið 1996. Í Skaftafellstofu er þjóðgarðs-
verslun með bækur, póstkort og handverk
og er lögð áhersla á íslenskar vörur og muni
sem tengjast byggðarlaginu.
Ólík sjónarmið komast að
Regína segir að frá því að hún tók við starfi
þjóðgarðsvarðar í Skaftafelli hafi verið farið í
gagngerar endurbætur og endurskipulagn-
ingu á húsakosti þjóðgarðsins í Skaftafelli. Þá
hafi farið mikill tími í vinnu við stjórnunar- og
verndaráætlun fyrir þjóðgarðinn en þessar
áætlanir eru hafðar að leiðarljósi við skipu-
lagningu og uppbyggingu einstakra svæða
innan þjóðgarðsins. „Við erum að vonast til
að það gefist meiri tími í vetur til að sinna
undirbúningsstarfinu hér á þessu svæði til
dæmis við að taka út gönguleiðir og að vinna
að fræðslu og upplýsingamálum og merk-
ingum,“ segir Regína. Hún telur að það fyrir-
komulag sem tekið hefur verið upp við stjór-
nun Vatnajökulsþjóðgarðs sé mjög gott enda
gefi það ólíkum aðilum tækifæri til að koma
sínum sjónarmiðum að við stefnumótun og
stjórnun þjóðgarðsins.
www.vatnajokulsthjodgardur.is
Það hafi verið kærkomið að
komast í ljósleiðaratenginguna
sem Fjarskiptafélag Öræfinga
beitti sér fyrir að fengin yrði í
sveitina.
Regina Hreinsdóttir þjóðgarðsvörður segir að yfir hásumarið sé mjög mikið álag á þá sem sinna
upplýsingamiðlun í Skaftafellsstofu en þá sé að jafnaði svarað spurningum 3-4 þúsund gesta á
hverjum degi.
Skaftafelli er vinsæll áningarstaður á sumrin:
Yfir þrjú þúsund gestir á dag!
Stærsti þjóð-
garður Evrópu
Vatnajökulsþjóðgarður er stærsti þjóð-
garður í Evrópu. Hann var stofnaður
með lögum árið 2008 og nær yfir
13.000 km² landssvæði eða sem sam-
svarar 12% af yfirborði Íslands. Auk
þjóðgarðanna í Skaftafelli og í Jökulsár-
gljúfrum er allur Vatnajökull innan þjóð-
garðsins og öll helstu áhrifasvæði jökuls-
ins, að vestan, norðan, austan og
sunnan. Þjóðgarðinum er skipt upp í
fjögur svæði og telst Skaftafell til suður-
svæðis. Á hverju svæði starfar sérstakt
svæðisráð sem er þjóðgarðsverði á við-
komandi svæði til ráðgjafar og vinnur
með honum að verndaráætlun fyrir
svæðið og að tillögu að rekstraráætlun.
Í svæðisráðunum sitja sex fulltrúar sem
tilnefndir eru af sveitarstjórnum á við-
komandi rekstrarsvæði, af ferðamála-
samtökum og af útivistar- og um-
hverfisverndarsamtökum. Formenn
svæðisráða þjóðgarðsins eiga síðan sæti
í stjórn Vatnajökulsþjóðgarðs ásamt
fulltrúum skipuðum af umhverfisráð-
herra og fulltrúum umhverfis- og úti-
vistarsamtaka.
Í Skaftafelli er hægt að velja um fjölda göngu-
leiða.
Óskum Öræfingum til hamingju með nýja ljósleiðarakerfið
Hótel Skaftafell - Söluskáli
Ferðaþjónustan Svínafelli