Bændablaðið - 13.10.2011, Blaðsíða 8

Bændablaðið | fimmtudagur 13. október 20118
Fréttir
„Þetta gekk allt saman ótrú-
lega vel,“ segir Sverrir Reynir
Reynisson í Bringu, réttar-
stjóri á stóðrétt Eyfirðinga að
Melgerðismelum, um réttirnar sem
voru um liðna helgi. Um 400 til 450
hross voru í réttinni og fjöldi fólks,
bæði úr Eyjafjarðarsveit, Akureyri
og víðar kom til að fylgjast með.
Úrhellisrigning var í Eyjafirði
að morgni laugardagsins og leist
mörgum ekki á blikuna, reka átti
stóðið inn í rétt kl. 13, en það dróst
um góðan hálftíma og á þeim tíma
stytti upp, sólin fór að skína og allir
tóku gleði sína. „Það var dálítill
grautur í réttinni, menn urðu vel
drullugir, en það gerði nú minnst
til,“ segir Sverrir.
Hann segir réttarstörf jafnan
ganga vel, eftir að teknar voru
upp örmerkingar séu vandamál úr
sögunni og þetta gangi allt fljótar
fyrir sig en áður. Ríflega 400 hross
voru rekin í réttina að þessu sinni og
segir hann það svipaðan fjölda og
verið hafi undanfarin ár, hrossaeign
Eyfirðinga hafi þó ef til vill rýrnað
eitthvað ef miðað er við fyrri tíma.
„Þetta var mjög góður og
skemmtilegur dagur. Um kvöldið var
slegið upp réttarballi í félagsheim-
ilinu Funaborg, þar var góð mæting
og menn gerðu sér glaðan dag. Það er
jafnan mikill hátíðisdagur í sveitinni
þegar réttað er,“ segir Sverrir. /MÞÞ
Stóðréttir að Melgerðismelum í Eyjafirði:
Gengu ótrúlega vel, þó dálítill
„grautur“ hafi verið í réttinni
Sæmundur Guðmundsson, ,,epla-
bóndi“ á Hellu, færði nýlega
Grunnskólanum á Hellu að gjöf
ávaxtatré sem eru hluti af tilrauna-
verkefni Garðyrkjufélags Íslands
og Landbúnaðarháskóla Íslands.
Grunnskólinn á Hellu verður þar
með aðili að tilraunaverkefninu
í stað Sæmundar. Hann vonar
að með þessari ráðstöfun kvikni
áhugi ungra framtíðarræktenda í
Rangárþingi ytra, sem verði síðan
öðrum fyrirmynd.
Um er að ræða 14 tré og voru
9 þeirra gróðursett nú í haust en 5
næsta vor. Trjánum verður plantað
á tveimur mismunandi svæðum á
vegum skólans, annars vegar nálægt
útikennslusvæði skólans og hins
vegar í Melaskógi, sem er skóg-
ræktarsvæði skólans frá árinu 1996.
Nemendur og kennarar sjá síðan um
að skrásetja og fylgjast reglulega
með þrifum trjánna, blómgun, vexti,
aldinmyndun o.fl. samkvæmt þeim
leiðbeiningum sem verkefnisstjóri
Landbúnaðarháskólans lætur í té.
Allar upplýsingar um þessi tré verða
skráðar inn í sérstakan gagnagrunn,
sem ætlunin er að nota til að fylgj-
ast með þrifum um 1400 trjáa sem
flutt voru inn samtímis trjánum á
Hellu. Vonast er til að niðurstöðurnar
gefi vísbendingar um hvaða yrki af
ávaxtatrjám þrífist hvað best við mis-
munandi aðstæður um land allt.

/MHH
„Eplabóndi“ á Hellu
gefur 14 ávaxtatré
Sæmundur Guðmundsson „eplabóndi“ við hluta af eplunum sínum, sem
hann ræktar úti í garði hjá s r á Hellu. Nú hefur hann ge ð Grunnskólanum
á Hellu 14 ávaxtatré. Ljósmynd/MHH
Kristinn Hugason og Páll Alfreðsson ná hér í sameiningu einu af hrossum Kristins. Fjær má sjá Magna í Árgerði
og Stefán Brynjarsson, en eins og sjá má á myndinni hafði rignt mikið og réttin eitt drullusvað. Myndir / MÞÞ.
Það fór vel á með Elvu og hrossi einu í stóðréttinni á Melgerðismelum, en
sú stutta var hvergi bangin og brá sér inn fyrir.
Rí ega 400 hross voru saman komin á Melgerðismelum.


 

 
 


  







 !!