Bændablaðið - 13.10.2011, Qupperneq 14

14 Bændablaðið | fimmtudagur 13. október 2011
Sigurlína Kristinsdóttir, mynd-
listarkona og kennari í Reykholti í
Biskupstungum, hefur farið heldur
óhefðbundnar leiðir við að koma
list sinni á framfæri. Hennar hugð-
arefni í listinni eru hestar sem hún
málar á ýmsa hluti og við ýmsar
aðstæður en í sumar ákvað hún að
flytja vinnustofu sína út af heimili
sínu og opna gallerí í hesthúsi fjöl-
skyldunnar spölkorn frá.
Þegar keyrt er um Reykholt blasir
við stærðar skilti við veginn, þar
sem Myndlist í hesthúsi er auglýst
og hefur vakið verðskuldaða athygli
ferðalanga í sumar. Sigurlína er
ánægð með þessa nýju tilraun sína
og hyggst halda ótrauð áfram list-
sköpuninni í hesthúsinu.
„Þetta er hugmynd sem ég var
búin að ganga með í um tvö ár áður
en ég lét verða af henni en ég opn-
aði hér 10. júní í sumar. Ég hugsaði
með mér að það væri gaman að vera
með sýningu í hesthúsinu en síðan
ákvað ég að fara alla leið og flytja
vinnustofuna úr bílskúrnum heima
í hesthúsið.
Með þessari tilraun hef ég komist
að því að það er mun markvissara að
fara með vinnustofuna út af heim-
ilinu, sem er líka mjög jákvætt og hef
ég ákveðið að hafa galleríið einnig
opið næsta sumar,“ útskýrir Sigurlína
brosandi.
Krafturinn fangaður
Sigurlína er fædd og uppalin á
bænum Fellskoti í Tungunum, þar
sem er hrossaræktarbú og því engin
furða að hún hafi lagt viðfangsefnið
hestinn fyrir sig.
„Hestar hafa alltaf verið fyrir aug-
unum á mér og því hafa þeir sterk tök
í mér. Mér finnst hesturinn yndisleg
skepna, krafturinn og hreyfingin eru
viðfangsefni mitt um þessar mundir
en ég hef mest stúderað þá síðustu
árin, annars mála ég allt,“ segir
Sigurlína og bætir við:
„Þegar ég var barn teiknaði móðir
mín, María Þórarinsdóttir, hesta en
síðan var það eiginlega afi minn,
Þórarinn Guðlaugsson, sem hvatti
mig áfram í listinni þegar ég var 12
ára gömul og gaf mér fyrstu olíulitina
mína.“
Lukkuskeifur og krítarteikningar
Sigurlína fór í Myndlista- og hand-
íðaskóla Íslands og lauk þaðan
gráðu árið 1996 en tíu árum. Síðar
bætti hún við sig kennsluréttindum
og starfar nú sem myndlistar- og
heimilisfræðikennari í Grunnskóla
Bláskógabyggðar. „Þetta passar
ágætlega saman, því þá get ég sinnt
listinni meira á sumrin þegar skólinn
er í fríi. Þetta var mjög góður tími
í sumar, ég var með nokkra hesta
hérna fyrir utan hesthúsið og fékk
margar hugmyndir að nýjum lista-
verkum.
Ég hef mikið verið í olíumál-
verkum og stórum krítarteikningum,
einnig hef ég prófað mig áfram í
listmunum eins og að handmála á
hænuegg og á lukkuskeifur, en það er
alltaf hesturinn sem er í forgrunni,“
segir Sigurlína sem mun flytja vinnu-
stofuna aftur heim um jólin og hafa
galleríið opið þangað til, en í lok
október stefnir hún á að halda nám-
skeið í listmálun í hesthúsinu.
/ehg
Reykholt í Biskupstungum:
Myndlistin lifnar við í hesthúsinu
Sigurlína Kristinsdóttir opnaði í sumar gallerí í hesthúsinu sínu í Reykholti í Bláskógabyggð og hafa viðbrögð ferðalanga við þessari nýjung verið mjög góð.
Myndir / ehg
Í hesthúsinu getur að líta ýmsa listmuni eftir Sigurlínu, eins og þessi fallegu handmáluðu hænuegg.
Í einni stíunni innréttaði Sigurlína
sérstakt krakkahorn, sem féll vel í
kramið hjá börnum sem litu inn.
Næsta
Bændablað
kemur út
27. október