Bændablaðið - 12.07.2012, Síða 32

32 Bændablaðið | Fimmtudagur 12. júlí 2012
Hér sést Sigríður á tuftvélinni, sem búið er að þræða fimm ullarþræði í en
hægt er að setja mismunandi nálar í vélina og geta þær stöllur leikið sér
með þræðina að vild.
Íslensk hönnun
Koma íslenskri
mottugerð í
réttan farveg
Í gamalli saltpétursverksmðju í Gufunesi í Reykjavík hafa textíl-listakonurnar Sigríður Ólafsdóttir og Sigrún Lára Shanko opnað
mottuverksmiðjuna Élivoga. Þær eru
þær einu á landinu sem handtufta
mottur og má að vissu leyti segja að
þær séu að endurvekja gólfteppa-
gerð á Íslandi, sem hefur legið niðri
í fjöldamörg ár.
Upphaf:
„Við kynntumst á textílverkstæðinu á
Korpúlfsstöðum því báðar höfum við
grunn í textílnum. Ég er útskrifuð í
textíl frá Myndlista- og handíðaskóla
Íslands og er einnig með masters-
gráðu í vöruhönnun frá Svíþjóð. Ég
lærði að gera álíka gólfteppi og við
gerum hér úti í Svíþjóð,“ útskýrir
Sigríður og Sigrún Lára bætir við:
„Ég er sjálfmenntuð í textíl og hef
mikið unnið með silki þar sem ég tek
menningararfinn okkar og færi hann
í myndbúning. Ég rak vinnustofu í
nokkur ár á Skólavörðustígnum en
hætti því þegar kreppan skall á. Sem
unglingur lærði ég að gera flos og
það nýtist vel í teppagerðinni hér.“
Efniviður:
„Við kaupum sérstakan jafa frá
Þýskalandi sem er úr pólíester og
ber motturnar uppi. Fyrir fráganginn
erum við með náttúrulegt latex til að
binda mottuna saman. Síðan er það
íslenska ullin sem við notum í sjálfa
mottuna. Ég held að fólk átti sig ekki
á hvað íslenska ullin er einstök og við
tökum henni sem sjálfsögðum hlut.
Síðan fer maður erlendis og kynnir
þetta hráefni og fólk er mjög hissa á
að heyra eiginleikana,“ segir Sigrún
Lára og Sigríður heldur áfram:
„Íslenska ullin er alveg kjörin í gólf-
mottur því hún er svo sterk. Önnur
ull sem notuð er til gólfteppagerðar
hefur ekki þessa sömu eiginleika
og íslenska ullin og það er sérstaða
okkar á erlendum markaði. Við erum
í miklu og góðu samstarfi við Ístex
en þeir tvinna fyrir okkur einband
sem við notum í motturnar, þannig að
segja má að við séum að nota tífaldan
þráð í þær.“
Innblástur:
„Við ákváðum í byrjun að vinna með
íslenskt hráefni eins og þess gæfist
kostur og að tengja hönnunina við
íslenska náttúru og menningu. Fyrsta
línan okkar er helguð íslenskum
árfarvegum en þá teiknum við upp
mynstur eftir landakortum og búum
til mottu eftir því. Hugmyndin að
þessu sem fyrstu línunni okkar var
í raun út af nafni fyrirtækisins,
Élivogar, sem þýðir ár í sköpun-
arsögu norrænar goðafræði. Við
erum einnig byrjaðar að fikra
okkur áfram með að gera eftir
jöklum og síðan er spurning
hvort við hellum okkur ekki í
sjónabókina þar sem má finna
gamla íslenska saumaskap-
inn,“ segir Sigríður brosandi.
Framundan:
„Við erum alltaf að prófa
okkur áfram og erum enda-
laust að læra. Við sýndum
í fyrsta sinn á síðast-
liðnum Hönnunarmars og
fengum góðar viðtökur.
Einnig hafa mottur frá
okkur farið til sýningar
í Finnlandi og nýverið
skrifuðum við undir
samning við umboðs-
konu í London sem við
vonumst til að beri gott
af sér. Motturnar okkar
eru seldar í verslununum
Kraum og Epal hér heima
en við vildum gjarnan
hafa fleiri sölu-
aðila úti á landi. Annars erum við hér
á vinnustofunni alla daga ef fólk vill
leita til okkar með sínar sérlausnir og
hugmyndir og það ber að nefna að
möguleikarnir í mottugerðinni eru
óþrjótandi hvað varðar stærð, liti og
lögun,“ útskýrir Sigrún Lára.
/ehg
Textílkonurnar Sigrún Lára Shanko og Sigríður Ólafsdóttir hafa
komið sér upp aðstöðu í Gufunesi í Reykjavík þar sem þær tufta
gólfmottur í öllum stærðum og gerðum.
„Hof“ kemur frá Hofsá í Vopnafirði.
„Sökk“ verður til úr Tungnaá norðan
Svartárkróks, en í einfaldaðri mynd.
Katla“ sýnir svæðið neðan Mýrdals-
jökuls þar sem Múlakvísl rennur ásamt
fleiri ám, en í einfaldari mynd en er í
raunveruleikanum.