Fréttablaðið - 15.03.2012, Blaðsíða 62

15. mars 2012 FIMMTUDAGUR50
BESTI BITINN Í BÆNUM
„Þessi mynd fjallar um það sem
skiptir máli í dag. Gildi okkar og
samskipti fullorðinna og barna,“
segir Þór Ómar Jónsson.
Tökur á kvikmyndinni Falskur
fugl í leikstjórn Þórs Ómars eru
nýhafnar í Reykjavík. Hún er
byggð á samnefndri bók Mikaels
Torfa sonar sem kom út árið 1997
við góðar undirtektir. Bókin fjallar
um Arnald Gunnlaugsson, 16 ára
ólíkinda tól, sem býr hjá vel stæðum
foreldrum sínum. Hann er bæði
myndarlegur og gáfaður en leiðist
inn á rangar brautir í lífinu.
Hinn nítján ára Styr Júlíusson fer
með aðalhlutverkið sem vandræða-
gemlingurinn Arnaldur. Davíð
Guðbrandsson og Alexía Björg
Jóhannes dóttir leika foreldra hans.
Meðal annarra leikara eru Rakel
Björk Björnsdóttir, Aron Brink,
Ísak Hinriksson og Krissi Haff.
Kvikmyndatökumaður er
Christoph Nicolaisen sem tók
upp stuttmyndina Toyland sem
vann Óskarsverðlaunin 2009. Þór
Ómar kynntist honum þegar þeir
störfuðu saman við gerð lottó-
auglýsingar í Þýskalandi.
Gerð myndarinnar Falskur fugl
hefur verið í bígerð í tólf ár og
núna er hún loksins orðin að veru-
leika. Jón Atli Jónasson skrifar
handritið en hann skrifaði einmitt
fyrsta kvikmyndahandritið upp
úr bókinni skömmu eftir útgáfu
hennar. Þá vildi Kvikmynda sjóður
Íslands ekki veita myndinni styrk.
„Þá þótti þetta ekki sýningarhæft
með einu eða neinu móti því þetta
þótti alltof mikið ofbeldi,“ segir
Þór Ómar. Frá því að Jón Atli
skrifaði fyrsta handritið fylgdu
fleiri útgáfur af því á næstu árum,
sumar í samstarfi við Mikael
Torfason, sem aldrei voru notaðar
fyrr en nú.
Fyrir þremur og hálfu ári fékk
myndin loksins vilyrði um styrk
frá Kvikmyndasjóði en þá breyttust
aðstæður hjá aðstandendunum
og hún dagaði uppi. „Upp úr ára-
mótum ákvað ég að hjóla af stað
aftur,“ segir Þór Ómar. „Við ætlum
að kanna hver okkar staða verður
þegar við verðum búin að taka upp
og ætlum að athuga hvort sjóðurinn
veiti eftirvinnslustyrk til að klára
myndina.“ Hann segir að myndin
verði fram að því fjármögnuð af
„velviljuðum vinum og vanda-
mönnum“.
Falskur fugl er fyrsta kvik-
myndin sem Þór Ómar leikstýrir
upp á eigin spýtur. Hann var áður
aðstoðarleikstjóri 101 Reykjavík og
hefur leikstýrt auglýsingum á meg-
inlandi Evrópu. freyr@frettabladid.is
ÞÓR ÓMAR JÓNSSON: FJALLAR UM ÞAÐ SEM SKIPTIR MÁLI
TÖKUR Á KVIKMYNDINNI
FALSKUR FUGL ERU HAFNAR
Á TÖKUSTAÐ HJÁ BSÍ Falskur fugl er fyrsta kvikmynd Þórs Ómars Jónssonar. Hún er byggð á bók Mikaels Torfasonar. Handritið
skrifaði Jón Atli Jónasson. FRÉTTABLAÐIÐ/VALLI
Póstdreifing - Suðurhraun 1
210 Garðabær - Sími 585 8300
www.postdreifing.is
Heyrðu í okkur næst þegar þú þarft á öruggri
og hagstæðri dreifingarþjónustu að halda.
fjölpósti, blöðum, tímaritum,
bréfum og vörum.
Okkar hlutverk
er að dreifa
Sjúkraþjálfari framkvæmir göngugreiningu hjá Heilsulandi
Sérfræðingar Heilsulands eru Ásmundur Arnarsson
og Jónas Grani Garðarsson sjúkraþjálfarar
GÖNGUGREINING
„Við erum rétt byrjaðir í fram-
leiðsluferlinu,“ segir fram-
leiðandinn Erlingur Jack Guð-
mundsson hjá Ogfilms um
væntanlega heimildarmynd um
körfuboltakappann Örlyg Aron
Sturluson. Stöð 2 hefur þegar
tryggt sér sýningarréttinn á
myndinni.
Örlygur þótti mjög efnilegur
körfuboltakappi en hann lést af
slysförum fyrir 12 árum, þá 18
ára gamall. Örlygur spilaði með
körfuboltaliði Njarðvíkur þar sem
hann þótti í sérflokki sem leik-
stjórnandi. Samstarfsfélagi Erlings
hjá Ogfilms, Garðar Örn Arnars-
son, leikstýrir myndinni. „ Garðar
er frá Reykjanesbæ og langaði ein-
faldlega að gera mynd til að heiðra
minningu Örlygs, en hann var
einn af bestu körfuboltamönnum
á Íslandi þegar hann lést,“ segir
Erlingur en áætlað er að myndin
verði sýnd fyrir lok þessa árs.
Framleiðslufyrirtækið Ogfilms
er nýtt fyrirtæki stofnað af þeim
Erlingi og Garðari ásamt Antoni
Sigurðssyni og Guðjóni Hrafni
Guðmundssyni en þeir voru
skólafélagar í Kvikmyndaskóla
Íslands. Þessa dagana eru þeir að
leggja lokahönd á stutt myndina
Grafir og bein sem skartar
leikurunum Hilmi Snæ Guðna-
syni og Margréti Vilhjálmsdóttur
í aðal hlutverkum. Einnig eru þeir
bæði með sjónvarpsþætti, kvik-
myndir og aug lýsingar á teikni-
borðinu. „ Auðvitað er þetta mikil
bjartsýni en það þýðir ekkert
annað en að kýla á þetta. Þetta er
erfiður markaður og þétt setið um
öll verkefni en það þýðir ekkert
að láta það stoppa sig heldur bara
ryðjast áfram,“ segir Erlingur en
næsta skref fyrir tækisins er að
koma stuttmyndinni á hinar ýmsu
hátíðir út í heimi.“ - áp
Gera heimildarmynd um Örlyg Sturluson
BJARTSÝNIR Þeir Erlingur Jack Guð-
mundsson, Anton Sigurðsson, Guðjón
Hrafn Guðmundsson og Garðar Örn
Arnarsson ætla sér stóra hluti með fram-
leiðslufyrirtækið Ogfilms. FRÉTTABLAÐIÐ/GVA
Söfnun Baldurs Ragnarssonar, gítar-
leikara Skálmaldar, í Mottumars hefur
gengið vonum framar. Fréttablaðið
greindi frá því á mánudag að hann
væri kominn í 60 þúsund krónur
en sú upphæð er núna komin í
118 þúsund. Þar hjálpaði til 20
þúsund króna framlag félaga hans í
Skálmöld. Baldur hefur birt „mann-
legar erótískar“ myndir af sér á tíu
þúsund króna fresti og hefur hann því
haft í nógu að snúast í fyrirsætustörfum
að undanförnu. - fb
„Þessa dagana er nýi staðurinn
Snaps í uppáhaldi og ég mæli
hiklaust með öndinni.“
Ellen Loftsdóttir, stílisti og listrænn
stjórnandi Reykjavík Fashion Festival.
„Tökum lauk á mánudaginn og ég er rosalega spennt
að sjá afraksturinn,“ segir söngkonan Greta Salóme
Stefánsdóttir um myndbandið við lagið Mundu eftir
mér sem keppir fyrir Íslands hönd í Eurovision-
söngvakeppninni í lok maí.
Myndbandið var meðal annars tekið upp á Reykja-
nesinu, hjá Krísuvík og við Kleifarvatn og segir Greta
það vera mjög metnaðarfullt, íslenskt og sterkt. „Ég er
búin að fá að sjá smá brot úr því og það lítur út fyrir
að verða alveg jafn geggjað og ég hafði vonast eftir,
og það á örugglega eftir að vekja mikla athygli,“ segir
Greta, en lokaútgáfa myndbandsins verður tilbúin um
helgina.
Hannes Þór Halldórsson leikstýrði myndbandinu
sem var framleitt af Saga Film. „Þeir eru búnir að
leggja allt sitt í þetta og ég er rosalega ánægð með
samstarfið. Ég hefði ekki getað hugsað mér betri aðila
í verkið,“ segir Greta.
En er þá von á pásu hjá Gretu núna þegar mynd-
bandið er frá? „Nei, ekki alveg,“ segir hún og hlær, en
hún byrjar á fullu að spila aftur með Sinfóníuhljóm-
sveit Íslands eftir helgi, auk þess sem henni gefst nú
loks svigrúm til að fara að undirbúa atriðið sjálft.
Þátttakendur keppninnar frá öðrum löndum hafa
sumir verið að ferðast á milli landa að undanförnu
til að kynna sig og lagið sitt, en Greta segir ekki víst
hvort íslenski hópurinn komi til með að gera slíkt hið
sama. „Við stefnum á að fara í eina ferð, en það fer
allt eftir prógramminu hjá okkur og fjárhagnum.“ - trs
Metnaðarfullt myndband
ÍSLENSKT OG STERKT Greta segir myndbandið við lagið Mundu
eftir mér koma til með að verða flottara en hún þorði að vona.
FRÉTTIR AF FÓLKI
FÁÐU ÞÉR ÁSKRIFT | 512 5100 | STOD2.IS
Í kvöld á Stöð 2