Fréttablaðið - 03.04.2012, Blaðsíða 18

18 3. apríl 2012 ÞRIÐJUDAGUR
FRÁ DEGI TIL DAGS
greinar@frettabladid.is
ÚTGÁFUFÉLAG: 365 miðlar ehf. STJÓRNARFORMAÐUR: Ingibjörg S. Pálmadóttir FORSTJÓRI OG ÚTGÁFUSTJÓRI: Ari Edwald
RITSTJÓRI: Ólafur Þ. Stephensen olafur@frettabladid.is AÐSTOÐARRITSTJÓRI: Steinunn Stefánsdóttir steinunn@frettabladid.is
Fréttablaðið kemur út í 90.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að
fá blaðið í völdum verslunum á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í
gagnabönkum án endurgjalds. Issn 1670-3871
FRÉTTABLAÐIÐ Skaftahlíð 24, 105 Reykjavík SÍMI: 512 5000, ritstjorn@frettabladid.is FRÉTTASTJÓRAR: Arndís Þorgeirsdóttir arndis@frettabladid.is, Kristján Hjálmarsson, kristjan@frettabladid.is Trausti Hafliðason trausti@frettabladid.is og Atli Fannar Bjarkason (dægurmál) atlifannar@frettabladid.is
HELGAREFNI: Sigríður Björg Tómasdóttir, ritstjórnarfulltrúi, sigridur@frettabladid.is MENNING: Bergsteinn Sigurðsson bergsteinn@frettabladid.is FÓLK OG SÉRBLÖÐ: Roald Eyvindsson roald@frettabladid.is og Sólveig Gísladóttir solveig@frettabladid.is
ÍÞRÓTTIR: Sigurður Elvar Þórólfsson seth@frettabladid.is LJÓSMYNDIR: Pjetur Sigurðsson pjetur@frettabladid.is FRAMLEIÐSLUSTJÓRI: Kolbrún Ingibergsdóttir kolbrun@frettabladid.is
HALLDÓR
Daginn sem Snæfríður Emilía komst til læknis var hún aðframkomin. Bústnar
kinnarnar voru orðnar innfallnar, hend-
urnar beinaberar. Foreldrarnir þekktu
vart lengur tveggja ára gömlu stúlkuna
sína. Hvað yrði um barnið þeirra?
En kraftaverkin gerast enn. Fjórum
vikum eftir að fislétt stúlkan var lögð í
hvítmálað rúm hafði hún þyngst vel og
var farin að brosa. Tveimur mánuðum
síðar var hún orðin eins og hún átti að sér
að vera. Foreldrarnir önduðu léttar. Síðan
litu þeir eitt andartak ringlaðir hvor á
annan. Ef dóttir þeirra hefði ekki fengið
meðhöndlun hefði hún veslast upp og dáið.
Það skal nú upplýst að Snæfríður Emilía
heitir í raun og sanni Fatíma. Hún á ekki
heima í Grafarvogi eða Grundarfirði held-
ur í Tsjad. Slæmu fréttirnar eru að þessar
vikur eru mörg börn í Tsjad í sömu stöðu
og hún var – bráðavannærð. Góðu fréttirn-
ar eru að það er mögulegt að hjálpa þeim.
Vannærð börn þurfa alls ekki að láta
lífið. Leiðir til að koma í veg fyrir það
eru vel þekktar og UNICEF, Barnahjálp
Sameinuðu þjóðanna, notar þær á hverj-
um einasta degi. Vítamínbætt og orkuríkt
jarðhnetumauk, svokallað „plumpy-nut“,
er meðal þess sem gerir kraftaverk fyrir
börn eins og Fatímu. Þrír pakkar á dag,
ásamt hreinu vatni, þurrmjólkurblöndum,
saltupplausnum og lyfjum ef þess þarf –
og meiri hluti barna nær sér á einungis
fáeinum vikum.
Í dag hringir UNICEF viðvörunarbjöll-
um um allan heim og biður fólk að beina
sjónum að einu fátækasta svæði veraldar:
Sahel-svæðinu í Vestur- og Mið-Afríku.
Þar hefur hættuástand skapast. Miklir
þurrkar valda búsifjum í átta ríkjum, upp-
skera hefur brugðist, skepnur drepist og
vatnsból þornað. Ung börn eru iðulega
fyrri til að veikjast en fullorðnir – og
fljótari að falla. UNICEF er á staðnum og
metur það svo að ein milljón ungra barna
eigi á hættu að látast af völdum alvarlegr-
ar bráðavannæringar. En það þarf ekki að
gerast.
Í dag hefst neyðarsöfnun UNICEF fyrir
Sahel. Allt starf samtakanna – stærstu
barnahjálparsamtaka heims – er rekið
með frjálsum framlögum. Á síðunni www.
unicef.is má leggja söfnun UNICEF á
Íslandi lið. Framlag þitt skiptir máli.
Saman getum við komið þúsundum barna
til hjálpar á næstu vikum.
Hvað er Sahel?
Hjálpar-
starf
Stefán Ingi
Stefánsson
framkvæmda-
stjóri UNICEF
á Íslandi
Innsýn í viðræðuferlið
Þrír meðlimir í samninganefnd Íslands
vegna aðildarviðræðnanna við ESB
skrifuðu grein um gang þeirra sem
birtist hér í blaðinu á laugardag. Þar
kom fram að samningskafla um utan-
ríkis-, öryggis- og varnarmál hefði
verið lokað og að í viðræðum vegna
hans hefði samninganefndin lagt
þunga áherslu á herleysi landsins.
Virðist hafa verið auðsótt að fá þá
sérstöðu viðurkennda í yfirlýsingu
sem verður hluti aðildarsamnings-
ins sem fyrirhugað er að leggja í
þjóðaratkvæði. Þar sem
aðildarsamningar eru jafn
réttháir sáttmálum ESB er um
markverða yfirlýsingu að ræða.
EVRÓPUSAMBANDSHER!
Það þarf ekki að koma á óvart að
slík yfirlýsing hafi verið auðsótt enda
hernaðarbrölt ekki hluti af ESB-sam-
starfinu. Í ljósi þessara tíðinda má
þó kannski rifja upp auglýsingar
sem Samtök ungra bænda birtu fyrir
nokkrum misserum þar sem bar að
líta brynvarðan fallbyssubíl og textann:
„Við viljum ekki senda afkomendur
okkar í Evrópusambandsherinn!“ með
stríðsletri. Raunar hafa talsvert fleiri en
ungir bændur talað í þessa veru,
þar á meðal
Heimssýn, og
það þrátt
fyrir að
slíkur
her sé ekki til né áætlanir um að
koma slíkum her á fót. Forvitnilegt
verður að sjá hvort þessum fráleita
málflutningi linni nú.
Tröllasögur hraktar
Dæmi þetta varpar ágætis ljósi á þann
ábata fyrir umræðuna sem felst í að
ljúka aðildarviðræðunum. Þá þarf
ekki lengur að deila um hvað hægt er
að semja um því það mun nefnilega
liggja fyrir. Með öðrum orðum ættu
ýmiss konar mýtur og tröllasögur um
ESB að hverfa úr umræðunni. En það
er kannski einmitt þess vegna
sem sumir vilja hætta við-
ræðunum.
magnusl@frettabladid.is
COSTA TUNGUSÓFI !
Faxafeni 5, Reykjavík og Skeiði 1, Ísafirði
Opi› virka daga frá kl. 10-18
Laugardaga frá kl. 11-16
Kominn aftur
á 20% afslætti
Til í svörtu og hvítu
með hægri eða vinstri tungu
einnig til í taui.
Sjá tilboð
á betrabak.is
N
áttúra Íslands er „Íslendingurinn sem raunverulega
meikaði það í útlöndum,“ svo vitnað sé í ágæta bak-
þanka Sifjar Sigmarsdóttur sem birtust hér í blaðinu
á föstudaginn.
Í sama blaði er viðtal við Árna Gunnarsson for-
mann Samtaka ferðaþjónustu. Að hans mati eru brýnustu verkefni
íslenskrar ferðaþjónustu að fjölga ferðamönnum á veturna, byggja
upp aðstöðu á ferðamannastöðum og hlúa að náttúrunni.
Vinsældir Íslands sem áfanga-
staðar ferðamanna hafa aukist
gríðarlega á umliðnum árum.
Sem betur fer hefur aukningin
ekki aðeins orðið á sumarmán-
uðum heldur hefur hægt og bít-
andi tekist að fjölga einnig ferða-
mönnum utan hásumartímans.
Þetta þýðir að fjárfesting í ferða-
mannaþjónustu nýtist mun betur en þegar ferðamenn þjappast
fleiri á styttri tíma og dreifir einnig álagi á fjölsótta staði.
Engu að síður verður að gæta vel að því að álag á vinsæla
áfangastaði ferðamanna verði ekki meira en staðirnir geta borið
á þeim tíma sem þeir eru fjölsóttastir. Auk þess að leitast við að
dreifa ferðamannastraumnum meira yfir árið mætti dreifa álaginu
á fleiri staði á landinu.
Þótt goshverir séu ekki á hverju strái þá má upplifa töfra jarðhit-
ans talsvert víðar en á þeim stöðum sem ferðamönnum er nú beint
á. Tilkomumikil vatnsföll og fossa má finna hringinn í kringum
landið og áfram mætti lengi telja.
Alltaf verður þó að gera ráð fyrir að nokkrir staðir á landinu
standi upp úr í vinsældum og þurfi því að bera þungan straum
ferðamanna. Þessa staði, til dæmis svæðin í kringum Gullfoss og
Geysi, verður að gera þannig úr garði að mannvirki verji náttúr-
una eins og kostur er, auk þess sem huga þarf að öryggismálum
ferðamanna. Þetta kostar peninga.
Í viðtalinu við Árna Gunnarsson kemur meðal annars fram að í
könnun sem gerð var meðal erlendra ferðamanna á nokkrum vin-
sælum áfangastöðum kom í ljós að 95 prósent þeirra voru fúsir til
að greiða hóflegt aðgöngugjald að viðkomandi stað yrði fénu varið
til uppbyggingar á viðkomandi stað. Kannanir hafa einnig sýnt að
meðal Íslendinga nýtur hugmyndin um aðgangseyri að vinsælum
ferðamannastöðum talsverðs fylgis. Með slíkri gjaldtöku getur
uppbygging þjónustu og vernd vinsælla ferðamannastaða orðið
mun markvissari en nú er.
Ástæður þess að þeim fjölgar sífellt sem vilja sækja Ísland heim
eru ýmsar. Veik staða gjaldmiðilsins gerir að verkum að sá hópur
er stærri en áður sem á þess kost að taka sér ferð til Íslands á
hendur. Grunnástæða þess að útlendingar vilja koma hingað er
þó alltaf Íslendingurinn sem meikaði það í útlöndum; íslensk nátt-
úra. Það er fyrst og fremst til að upplifa íslenska náttúru og njóta
hennar sem fólk um heim allan sækist eftir að koma til landsins.
Það er því nauðsynlegt að hlúa að náttúrunni og verja hana fyrir
ágangi um leið og við bjóðum ferðamönnum að njóta hennar.
Íslensk náttúra þarf bæði virðingu og vernd:
Sterkasta
aðdráttaraflið
SKOÐUN
Steinunn
Stefánsdóttir
steinunn@frettabladid.is