Fréttablaðið - 25.04.2012, Síða 32

Netfang auglýsingadeildar
auglys ing ar@markadurinn.is
Veffang visir.is
Netfang
rit stjorn@markadurinn.is
Sími 512 5000 Fax 512 5301
BANKAHÓLFIÐ
Magnús Þorlákur
Lúðvíksson
Skúli Mogensen
fjárfestir
ERLENT MYNDBAND
Brasilíska hagkerfi ð
á fl eygiferð
Erindi Harðar Arnarsonar, for-
stjóra Landsvirkjunar, á ársfundi
fyrirtækisins nýverið vakti verð-
skuldaða athygli. Hörður fjallaði
um að Íslendingar hefðu aðgang
að miklu magni endurnýjanlegrar
orku á sama tíma og eftirspurn eftir
grænni raforku væri að stóraukast í
Evrópu, ekki síst vegna lögbundinna
markmiða margra ríkja um að auka
hlutfall slíkrar orku í orkubúskap
sínum. Fyrir vikið bæri að skoða þá
hugmynd alvarlega að selja íslenska
raforku til Evrópu um sæstreng og
tók Hörður svo til orða að lagning
sæstrengs, samhliða iðnaðarupp-
byggingu, væri líklega eitt stærsta
viðskiptatækifæri sem Íslendingar
hefðu staðið frammi fyrir. Hörður
rak að vísu þann varnagla að frekari
rannsókna væri þörf áður en hægt
væri að kveða endanlega upp úr um
hagkvæmni verkefnisins en kallaði
á sama tíma eftir því að lagst yrði í
þær rannsóknir sem fyrst.
Aðra áminningu var að finna í
máli Harðar sem er allrar athygli
verð. Þegar hann hafði lokið við
að fjalla um það tækifæri sem
Landsvirkjun telur felast í lagningu
sæstrengs bætti hann við að
mikilvægt væri að hafa í huga að sú
sérstaða Íslands að geta selt græna
raforku til Evrópu væri hugsanlega
tímabundin. Það væri með öðrum
orðum ekki víst að tíminn ynni með
þessu verkefni meðal annars vegna
þess að notkun annarra orkugjafa,
svo sem sólarorku, vindorku og jafn-
vel kjarnorku, gæti orðið nægilega
ódýr til að geta uppfyllt eftirspurn
Evrópu eftir endurnýjanlegri orku.
Áminningin er markverð í þessu
tilviki. Tækniframfarir í tengslum
við endurnýjanlega orkugjafa hafa
verið hraðar síðustu ár en til að
mynda hefur kostnaður við nýtingu
sólarorku lækkað um að meðaltali 7
prósent á ári síðustu ár. Það er ekki
þar með sagt að þróunin haldi áfram
á sama hraða en það bendir þó
mögulega til þess að samkeppnis-
forskot Íslands kunni að minnka eða
jafnvel hverfa á næstu árum eða
áratugum. Þann möguleika þarf að
hafa í huga við stefnumótun um
raforkumál og sæstreng.
Áminningin er hins vegar einnig
markverð í víðara samhengi, en
hún byggir í raun á þeirri einföldu
athugun að það er rosalega erfitt að
sjá framtíðina fyrir. Það mun alltaf
ríkja nokkur óvissa í tengslum við
hvert það stóra verkefni sem teygir
sig út fyrir fyrirsjáanlega framtíð.
Vitanlega gæti verkefni í líkingu við
sæstreng til Evrópu skilað þjóðar-
búinu miklum arði og þess vegna
er mikilvægt að grípa til þeirra
ráðstafana sem þarf til að svo megi
verða. Umræða um atvinnu- og
efnahagsmál hér á Íslandi hefur hins
vegar í of miklum mæli snúist um
að keyra í gang risaverkefni fremur
en hitt sem er einfaldlega að tryggja
hér gott og stöðugt rekstrarumhverfi
fyrirtækja og skapa jarðveg fyrir
nýsköpun. Risaverkefni geta reynst
mikil blessun en við þurfum einnig
að hlúa að grunninum.
Gleymum ekki
grunnatriðunum