Fréttablaðið - 18.08.2012, Side 30

18. ágúst 2012 LAUGARDAGUR30
V
ið Ingólfsfjörð á Strönd-
um standa minjar um
mikinn stórhug. Geir
Thorsteinsson, Bein-
teinn Bjarnason og Ing-
ólfur Flygenring stofn-
uðu fyrirtækið Ingólf hf. árið 1942 og
hófu byggingu síldarbræðslu á Eyri.
Til þess fengu þeir Helga Eyjólfsson
byggingameistara, sem áður hafði
reist stórar verksmiðjur í Djúpuvík á
Ströndum og Hjalteyri við Eyjafjörð.
Um þetta leyti veiddist mikil síld,
meðal annars í Húnaflóa, þaðan var
stutt af miðunum inn á Ingólfsfjörð.
Verksmiðjan á Eyri tók til starfa
sumarið 1944 og bræddi það sumar
eitt hundrað þúsund mál síldar. En
sælan var skammvinn því strax næsta
ár dró úr veiðum og eftir sumarið
1952 fékkst ekkert hráefni til bræðslu
á Ingólfsfirði.
Nú eru kríur einu íbúarnir á þessu
forna athafnasvæði og þær láta ferða-
menn af sér vita.
Leifar af síldarsögu
Stefán Karlsson ljósmyndari var á ferð í Ingólfsfirði á Ströndum og heillaðist af form-
um mannvirkjanna á Eyri sem vitna um mikinn stórhug en eru nú í niðurníðslu.