Fréttablaðið - 18.08.2012, Qupperneq 55

LAUGARDAGUR 18. ágúst 2012 11
Sérfræðingur óskast til starfa í
hlutabréfateymi Stefnis
Stefnir hf., dótturfélag Arion banka, er stærsta
sjóðastýringarfyrirtæki landsins með um 340 milljarða
króna í virkri stýringu. Félagið var stofnað árið 1996.
Stefnir hefur á að skipa þaulreyndu starfsfólki með yfir
10 ára starfsreynslu á fjármálamarkaði að meðaltali. Hjá
Stefni starfa 17 sérfræðingar í fjórum teymum. Hlutverk
félagsins er að stýra fjármunum í eigu viðskiptavina með
hagsmuni þeirra að leiðarljósi. Stefnir þjónar jafnt
einstaklingum sem fagfjárfestum. Félagið hefur allt frá
upphafi verið í fararbroddi í þróun á nýjum tegundum
sjóða.
Stefnir rekur stærstu erlendu og innlendu
hlutabréfasjóði landsins. Í hlutabréfateyminu starfar
metnaðarfullur hópur sjóðstjóra með mikla þekkingu á
innlendum og erlendum fjármálamörkuðum. Innlendir
hlutabréfasjóðir félagsins eru leiðandi meðal sjóða á
innlendum fjármálamarkaði og meðal stærstu hluthafa í
skráðum félögum landsins. Erlendir hlutabréfasjóðir
Stefnis hafa fengið hæstu einkunn fyrir góðan árangur
frá erlendum matsfyrirtækjum á borð við Morningstar
og Lipper.
Ábyrgðarsvið og helstu verkefni:
Greiningarvinna tengd erlendum og innlendum
hlutabréfamörkuðum
Greining og almenn verkefni tengd mati á
fjárfestingartækifærum
Upplýsingagjöf og skýrslugerð til viðskiptavina
Önnur skyld verkefni
Menntunar- og hæfniskröfur:
Háskólamenntun sem nýtist í starfi s.s. í verkfræði,
hagfræði eða viðskiptafræði
Framhaldsnám sem nýtist í starfinu er æskilegt
Þekking og reynsla af greiningu fjárfestingarkosta er
æskileg
Þekking og reynsla af störfum á innlendum eða
erlendum fjármálamarkaði er kostur
Framúrskarandi hæfni í mannlegum samskiptum og
geta til að vinna í hópi
Frumkvæði í starfi og hæfni til að vinna sjálfstætt
Öllum umsóknum verður svarað þegar ákvörðun um
ráðningu hefur verið tekin. Fullum trúnaði heitið.
Nánari upplýsingar veitir Arnór Gunnarsson, forstöðumaður hlutabréfateymis
Stefnis hf., netfang: arnor.gunnarsson@stefnir.is
Umsækjendur sendi starfsumsókn og ferilskrá á netfangið
arnor.gunnarsson@stefnir.is
Umsóknarfrestur er til og með 31. ágúst 2012.
www.stefnir.is
sími: 511 1144