Fréttablaðið - 17.11.2012, Blaðsíða 98
17. nóvember 2012 LAUGARDAGUR| MENNING | 66
„Það er eitthvað við þessa hreyf-
ingu sem gleður mann og ég þarf
allavega ekki að hafa áhyggjur af
því að nenna ekki í ræktina því
maður nennir alltaf að húlla,“ segir
Alda Brynja Birgisdóttir, einn
helsti húllasérfræðingur landsins.
Húllahoppnámskeið Öldu hófust
í Kramhúsinu í haust. Alda kynnt-
ist húllahringjum í gegnum eigin-
mann sinn en bæði eru þau með-
limir í Sirkus Íslands. „Það eru
fimm ár síðan ég prufaði þetta en
þá hafði ég ekki húllað síðan ég
var barn. Maðurinn minn hafði
látið útbúa svona aðeins stærri
og þyngri hringi fyrir Sirkusinn
og hvatti mig til að prufa,“ segir
Alda sem varð undir eins forfall-
inn aðdáandi.
Námskeiðin snúast um að dansa
með hringina og gera til allskyns
brögð. Unnið er með húllahringjum
sem eru stærri og þyngri en venju-
legu plasthringirnir. Alda segir
húllahoppið vera skemmtilega lík-
amsrækt sem reynir á allan lík-
amann. „Markmiðið er að ná betri
tökum á hringnum. læra alls konar
brögð og þjálfa upp flæði í dans-
inum með hringinn.“
Fullt var á fyrsta námskeiðinu í
haust en næsta byrjendanámskeið
hefst eftir áramót. Fyrir þá sem
vilja byrja strax að æfa sig að húlla
geta fjárfest í hringjum hjá Öldu.
Alþjóðlega húllasamfélagið er
nokkuð stórt en Alda hefur meðal
Nennir alltaf að húlla
Alda Brynja Birgisdóttir varð háð hreyfi ngunni og gleðinni sem fylgir húlla-
hringjum og hefur undanfarið staðið fyrir húllahoppnámskeiðum í Kramhúsinu.
SKEMMTILEG LÍKAMSRÆKT Húllahoppnámskeið Öldu Brynju Birgisdóttur í Kramhúsinu hafa vakið mikla lukku.
FRÉTTABLAÐIÐ/STEFAN
annars farið á svokallaða húllaráð-
stefnu í Englandi og á Spáni. „Þetta
er stórt samfélag en á ráðstefnunni
skiptast gestir á fróðleik varðandi
húllahopp. Minn draumur er að búa
til svona samfélag hér á landi og
í kjölfarið halda húllaráðstefnu á
Íslandi. Þetta er eitthvað sem allir
verða að prufa.“
alfrun@frettabladid.is
Hægt er að húlla á marga vegu, með einum eða fleiri hringjum. Maður
getur einbeitt sér að því að gera brögð með hringjunum eins og sirkus-
listamenn, eða einfaldlega liðið um með hringinn við tónlist og einbeitt
sér meira að dansinum.
HANDAHÚLL: Haltu hringnum fyrir framan þig með annarri hendi
og leyfðu honum að sveiflast fram og til baka eins og pendúll. Leyfðu
hringnum síðan að sveiflast heilan hring og haltu honum svo gangandi
þannig. Hafið hringinn alltaf inni í lófanum á meðan er húllað. Hægt að
skipta um hendi og gera stóra og litla hringi.
HANDAHÚLL MEÐ TRIXI: Húllaðu með hendi eins og útskýrt að ofan.
Leyfðu hringnum að skríða upp rétt fyrir ofan olnbogann. Hægt er að lyfta
einfaldlega upp hendinni til að hringurinn skríði upp. Þegar þú hefur náð
stjórn á að hafa hringinn fyrir ofan olnbogann er hægt að beygja höndina
inn í hringinn og rétta aftur. Þetta trix kemur mjög flott út með tvo hringi
á hvorri hendi.
HNÉHÚLL: Húllaðu á mjöðmunum og leyfðu síðan hringnum að skríða í
rólegheitunum niður á lærin. Passa þarf að hafa hringinn alltaf fyrir ofan
hnéskeljarnar. Ef hringurinn er að snúast til vinstri er hægra hné notað
að framanverðu til þess að halda hringnum gangandi. Hægt er að gefa
hringnum aukaspark með hné til þess að koma honum upp á mjaðmirnar
aftur.
Nokkur húllabrögð
Auðveld
æfing
fyrir alla
Nokkuð
erfið
æfing
Erfið
æfing
HÚLLAMERKINGAR:
Styrktarsjóður Guðmundu Andrésdóttur
auglýsir eftir umsóknum um styrki úr
sjóðnum á árinu 2012
Samkvæmt skipulagsskrá sjóðsins nr. 9321 er markmið hans ,,að styrkja og
hvetja unga og efnilega myndlistarmenn til náms” en stofnfé sjóðsins er arfur
samkvæmt erfðaskrá Guðmundu Andrésdóttur listmálara sem lést árið 2002.
Ráðstöfunarfé sjóðsins eru raunvextir af höfuðstól og verður í ár ráðstafað 3.8
milljónum króna. Stjórn sjóðsins ákveður hversu margir styrkir verða veittir.
Sjóðurinn styrkir myndlistarmenn til framhaldsmenntunar og er æskilegt að
umsækjendur hafi lokið BA prófi í myndlist eða sambærilegu námi. Hægt er
að sækja um styrk til lengri eða skemmri námsdvalar erlendis, þó aldrei
skemur en til sex mánaða. Umsókn skal fylgja ítarleg greinargerð um fyrir-
hugað nám ásamt meðmælabréfi og upplýsingum um fyrra nám og starfsferil.
Stefnt er að úthlutun eigi síðar en 27. desember næstkomandi.
Umsóknarfrestur er til og með 17. desember 2012. Umsóknir merktar
styrktarsjóðnum skulu sendar Listasafni Íslands, Laufásvegi 12, 101 Reykjavík.
Nánari upplýsingar eru veittar í síma Listasafnsins 515 9600.
Stjórn Styrktarsjóðs Guðmundu Andrésdóttur
FIMM ÚTVARPS-
STÖÐVAR Í BEINNI
FRÉTTIR VIÐSKIPTI SPORT UMRÆÐAN ÚTVARP LÍFIÐ SJÓNVARP
- oft á dag
Stúdentaleikhúsið sýnir í ár
leikverkið Nashyrningana eftir
Eugène Ionesco, eitt helsta leik-
skáld Absúrdleikhússins. Leik-
stjóri uppfærslunnar er Árni
Kristjánsson og nýtir hann dans
og líkamsbeitingu svo mikill
hasar myndast á sviðinu.
Verkið Nashyrningarnir, sem
er frá árinu 1961, fjallar um lít-
inn bæ þar sem bæjarbúar tapa
mennsku sinni og breytast í nas-
hyrninga, einhyrnda eða tví-
hyrnda. Rökhugsun, tungumál
og náungakærleikur hverfur úr
bænum en við tekur traðkandi
taktur nashyrninganna. Aðal-
hlutverk eru í höndum Hildar
Hrannar Guðmundsdóttur og
Alexanders Erlendssonar sem
leika Berglindi og Jón. Berglind
er betur þekkt sem Berenger en
í uppfærslu Stúdentaleikhússins,
hefur kyni þessarar aðalpersónu
verið breytt úr karlkyni í kven-
kyn.
Meðal annarra leikara í sýn-
ingunni eru Daníel Geir Moritz,
fyndnasti maður Íslands 2011,
sem fer með hlutverk rökfræð-
ings og tónlist er í höndum Daða
Freys Péturssonar, meðlims
hljómsveitarinnar RetRoBot, sig-
urvegara Músíktilrauna í ár.
Nashyrningarnir voru fyrst
settir upp hér á landi í Þjóðleik-
húsinu 1961. Síðast var það sýnt
fyrir 23 árum, af leikfélagi MH,
þá með Benedikt Erlingssyni í
einu aðalhlutverkanna.
Leikritið var frumsýnt í gær en
önnur sýning er annað kvöld. Sýnt
er í Norðurpólnum. - sbt
Berenger varð að Berglindi
Stúdentaleikhúsið frumsýnir Nashyrningana eft ir Ionesco.
HASAR Nashyrningarnir í Norðurpólnum.