Fjarðarpósturinn - 27.02.1986, Blaðsíða 2

2
FJAROARPÓSTURINN
Utgefandi:
Fjaröarfréttir sf.
Ritstjóri og ábyrgðarmaöur:
Guðmundur Sveinsson
Útgáfuráð:
Dóra Pétursdóttir
Erna Björnsdóttir
Ellert Borgar Þorvaldsson
Guðmundur Sveinsson
Rúnar Brynjólfsson
Ljósmyndun:
Ellert Borgar Þorvaldsson
Dóra Pétursdóttir
Heimilisfang:
Pósthólf 57, Hafnarfirði
Sími 65 17 45
Útlit:
Fjarðarpósturinn
Setning filmuvinna
og prentun:
Prisma
verum vakandi!
Einsog sjá má annarsstaðar á síðum
blaðsins þá hefur alda rúðubrota og
ýmissa skemmdarverka farið yfir
bæinn. Þó ekki hafi nema í fáum til-
fellum tekist að ná til sökudólga, þá
má gera ráð fyrir að hér eigi í hlut
börn og/eða ungmenni sem ekki
fara eftir lögum um útivistartíma.
Flest rúðubrot eru að kvöldlagi og
um helgar eftir að skyggja tekur. Það
er því nauðsynlegt að foreldrar virði
lögreglusamþykktina og veiti meira
aðhald í útivistarmálum barna sinna.
Eins þurfa þeir aðilar sem standa fyrir
skemmtunum eftir löglegan útivist-
artíma að gera ráðstafanir til að ungl-
ingar fari beint heim eftir slíka
skemmtun. Best væri að hægt væri
að aka unglingunum heim og í mörg-
um tilfellum draga þannig úr ýmsum
óspektum og ónæði sem fylgir
stundum hóþi unglinga sem kemur
af skemmtunum. í skólum þarf að
brýna enn betur fyrir unglingum að
einstaklingar innan hóþsins skemmi
ekki fyrir heildinni og verði tii þess að
ef til vill þurfi að draga úr skemmt-
anahaldi. Lögreglan þarf aö fylgjast
vel með þegar unglingaskemmtanir
eru í skólum og annars staðar og
fjölga þá á vöktum ef þurfa þykir. Það
að vera á ferðinni og láta sjá sig sem
oftast hefur örugglega áhrif. Meira
samráö þyrfti að vera milli þeirra
aðila sem koma nálægt skipulagn-
ingu skemmtana. Þáttur foreldra
hlýtur samt ávallt að vera mjög stór í
því hvernig til tekst og foreldrafélög
í skólum ættu mjög að láta til sín taka
útivistarmál barna og unglinga. Það
er oft erfitt fyrir einn að banna það
sem annar hefur leyft. Hér þarf að
koma á umræðu og síðan þurfa að-
gerðir að fylgja þó að slíkar aðgerðir
kosti eitthvað í uþþhafi þá er ekki
nokkur efi á að takist okkur að koma
á skaplegum útivistartíma fyrir börn
og unglinga þessa bæjar munu sjást
þess merki í betri árangri í námi,
bættu umhverfi og væntanlega
meiri samheldni í fjölskyldunni.
Nýr fiskvinnsluskóli að rísa
Vart hefur farið framhjá neinum
sem ekur Hvaleyrarbrautina að þar
standa miklar byggingarfram-
kvæmdir fyrir dyrum. Þarna á að
rísa nýr Fiskvinnsluskóli og finnst
víst ýmsum, sem kynnst hafa
aðstæðum þeim sem Fiskvinnslu-
skólinn býr við í dag, kominn tími
til.
Við slógum á þráðinn til
Hákonar Torfasonar, deildarstjóra
í byggingardeild menntamálaráðu-
neytisins og fengum hjá honum
eftirfarandi upplýsingar um gang
mála.
Hagvirki hf. sér um bygginguna
og útboðsskilmálar voru þeir að allt
húsið yrði gert fokhelt á árinu 1986.
Húsið er byggt úr einingum sem eru
einangraðar svo það verður meira
en fokhelt þegar búið er að reisa
það. Þjónustubygging sem koma á
við hliðina er þó byggð á venjulegan
máta.
í verkáætlun frá Hagvirki hf. er
áætlað að lokið verði við að mála
húsið að utan í júlí-ágúst. Um
áframhaldandi framkvæmdir er
ekki vitað því áætlað er að það fjár-
magn sem ætlað var í bygginguna á
fjárlögum 1986 nægi aðeins í
þennan áfanga. Bíða verður því
eftir fjárlögum 1987 með frekari
framkvæmdir.
Fiskvinnsluskólinn er mjög illa
húsaður og á hrakhólum í dag og
verður metið hvort hægt verður að
taka verknámshluta hússins í
notkun fljótlega. Þar er um að
ræða dýrar framkvæmdir þar sem
þar á að rísa lítið frystihús með full-
komnustu tækjum þar sem sífellt
eru gerðar auknar kröfur hvað
varðar fiskverkun.
Áætlað er að einnig rísi á lóðinni
bóknámshús en nemendur skólans
geta sótt bóklegt nám, allavega að
hluta til í aðra skóla s.s. Flensborg.
Vonandi sjá stjórnvöld sér fært
að flýta sem mest byggingu þessa
skóla sem mun stuðla að betri
menntun þeirra manna og kvenna
sem koma til með að vinna við
þennan undirstöðuatvinnuveg
okkar íslendinga í framtíðinni.
ÞJONUSTA
ÞJONUSTA
Réttingar Þ.S.
Trönuhrauni 1
S. 52007
Tökum að okkur réttingar og sprautun.
Bilaverkstæðið
^s5T KARLSVAGNINN 'p1
Sími 54332 .JSU j
Kaplaltrauni 9. noróan Rcykjancsbraular
Allar almennar viðgeröir LjÓSastÍllíngar
Gjörið svo vel og reynið viðskiptin
Símsvari á kvöldin
og um helgar
Sendibílastöð
Hafnarfjaröar
OPIÐ kl. 8 - 18
1111
Bæjaryfirvöld
lýsa sig fús að
lækka gjöldin
Launanefnd sveitarfélaga hefur
óskað eftir því, að sveitastjórnir
taki afstöðu til hugmynda sem fram
hafa komið í samkomulagstillögum
ríkisins og B.S.R.B. um að lækka
beina skatta um ca. 5.5% og
þjónustugjöld um 5 til 10%, vegna
lækkunar rekstrarkostnaðar er
leiða mun af lækkun verðbólgu í
9%, sbr. tillögur ríkisstjórnarinnar
frá 11. febrúar sl.
Bæjarráð Hafnarfjarðar hefur
lýst yfir jákvæðu viðhorfi til þeirra
hugmynda, sem til umfjöllunar eru
í samningsviðræðum ríkisins og
B.S.R.B. í trausti þess að hugmyndir
þessar séu til þess fallnar að auka
kaupmátt launa. Lýsti bæjarráð sig
reiðubúið að leggja til við bæjar-
stjórn lækkun útsvarsálagningar og
þjónustugjalda, að því marki sem
endanlegir kjarasamningar gefa til-
efni til.
FJARÐARPÓSTURINN =
fréttablað Hafnfirðinga