Fjarðarpósturinn - 14.01.1988, Blaðsíða 10

10
FJARÐARPÓSTURINN
Þórður Þórðarson geróur
aö heiðursfélaga í
Dýraverndunarfélagi
Hafnarfjaróar.
Á aðalfundi Dýravemdunar-félags Hafnarfjarðar sem haldin var
18. nóvember var samþykkt að gera Þórð Þórðarson að heiðursfélaga.
í kaffisamsæti, sem haldið var í Alþýðuhúsinu 15. desember var
Þórði afhent formlegt heiðursskjal. Stefán Gunnlaugsson rakti í
erindi störf Þórðar að dýravemdunarmálum í Hafnarfirði og afhenti
honum heiðursskjalið. Þórður Þórðarson þakkaði fyrir sig með ræðu
og kom víða við í sambandi við starfsemi Dýravemdunarfélagsins.
Hlutverk félagsins hefur alla tíð verið, að vekja nærgætni og samúð
með öllum dýmm og vinna að því að menn beiti allri skynsemi í
samskiptum sínum við þau. Félagið hefur alla tíð haft þetta markmið
að leiðarljósi og beitt sér þar sem forráðamenn hafa talið þess þörf.
í stjóm Dýraverndunarfélags Hafnarfjarðar sitja nú Þórður
Þórðarson, forseti, Stefán Gunnlaugsson, varaforseti, Sigurður
Þórðarson, ritari, Fríða G. Eyjólfsdóttir, gjaldkeri, Ema Fríða Berg,
meðstjómandi og Elín Harðardóttir, varameðstjómandi.
Glæsilegt afmæli
Sparisjóös
Hafnarfjaröar
Sparisjóður Hafnarfjarðar varð 85 ára 22. desember s.l. Af því tilefni
var viðskiptavinum og velunnurum sjóðsins boðið í afmæliskaffi á
afgreiðslustöðum hans á afmælisdaginn.
Boðið var upp á kaffi og rjómatertur og bömum var boðið að koma og
þiggja gosdrykki og sælgæti. Mjög fjölmennt var á
afgreiðslustöðunum og má segja að stanslaus straumur hafi verið allan
daginn. Að sögn Sparisjóðsmanna er engin leið að meta hversu margir
afmælisgestir vom en þeir skiptu þúsundum.
Meðal afmælisgesta var Malldór M. Sigurgeirsson en hann var fyrsti
viðskiptavinur Sparisjóðs Hafnarfjarðar. Sextánda febrúar 1903 vora
fyrstu viðskipti hans skráð í bækur sjóðsins. Hann var þá ungabam en
faðir hans var gjaldkeri Sparisjóðs Hafnarfjarðar.
Iðnaðarbankinn færir Iðnskóla
Hafnarfjarðar 150 þúsund krónur
að gjöf til kaupa á hugbúnaði.
Þann 22. desember færði Iðnaðarbankinn Iðnskóla Hafnarfjarðar
kr. 150 þúsund að gjöf til kaupa á hugbúnaði. Bragi Hannesson,
bankastjóri afhenti Steinari Steinssyni, skólastjóra gjöfina að
viðstöddum Jóhanni T. Egilssyni, bankastjóra útibús Iðnaðar-
bankanns í Hafnarfirði, Albert Sveinssyni, skrifstofustjóra, Guðjóni
Tómassyni, formanni skólanefndar Iðnskólanns og Jóhannesi
Einarssyni, yfirkennara.
Hugbúnaður sá sem hér um ræðir tengir saman tölvuvædd
teiknikerfi sem notuð eru til hönnunar framleiðslu og tölvukerfi véla
sem notuð eru til framleiðslunnar. Iðnskóli Hafnarfjarðar hefur
brugðist vel við þessari tækni og hefur tekið forystu í því að þjálfa
nemendur í notkun hennar. Nú hefur Iðnskóli Hafnarfjarðar tekið að
sér að miðla þessari þekkingu til annarra skóla og hefur fengið leyfi
menntamálaráðuneytisins til að halda námskeið fyrir kennara
annarra iðnskóla, sem ekki hafa aðstöðu til að nýta sér tölvutæknina
í jafn ríku mæli.
Þetta framlag Iðnaðarbankanns kemur sér mjög vel fyrir Iðnskóla
Hafnarfjarðar og flýtir fyrir þeirri þróun í tölvumálum skólanns sem
nú á sér stað.
Meistarafélag iðnaðarmanna
20 ÁRA AFMÆLI
13. JANÚAR
Meistarafélag iðnaðarmanna Hafnarfirði á 20 ára afmæli um
þessar mundir. Afmælisdagur félagsins er þ. 13. janúar, en
félagið áformar að halda veglegan afmælisfagnað síðar í
mánuðinum.
Stórt og vandað afmælisrit verður kynnt á afmælis-
fagnaðinum og síðan dreift til bæjarbúa. í ritinu er leitast við að
kynna tveggja áratuga starf félagsins með viðtölum við
framámenn félagsins og margir þekktir aðiljar úr röðum
byggingariðnaðarins rita þar merkar greinar.
Fjarðarpósturinn ámar Meistarafélaginu allra heilla á
þessum tímamótum.