Fjarðarpósturinn - 18.02.1988, Blaðsíða 12
12
FJAROARPÓSTURINN
Undirbúningur að
byggingu íþrótta-
húss í Kaplakrika
í fullum gangi
Rætt við Bergþór Jónsson,
formann FH.
Eins og menn rekur minni til, var
samþykkt á síðasta ársþingi ÍBH að
leggja til við bæjaryfirvöld, að reist
skuli nýtt íþróttahús á Kapiakrika-
svæðinu. Bæjarstjórn hafði áður
lýst vilja sínum til að hraða þessum
brýnu framkvæmdum að því til-
skyldu að íþróttahreyfingin kæmi
sér saman um staðsetningu. Þar
sem lítið hefur heyrst af máli þessu
um skeið, fékk Fjarðarpósturinn
Bergþór Jónsson, formann FH, til
þess að skýra frá gangi mála, en
hann hefur frá upphafi verið einn
aðalhvatamaðurinn að byggingu
íþróttahúss á svæði FH í Kapla-
krika. Við spyrjum Bergþór fyrst
að því hvers vegna Kaplakrika-
svæðið hefði orðið fyrir vaiinu.
Það lá ljóst fyrir að þörfin fyrir
nýtt íþróttahús var orðin geysilega
brýn, og þess vegna þurfti að finna
því stað þar sem mætti þegar í stað
hefjast handa. Á Kaplakrikasvæð-
inu er gert ráð fyrir íþróttahúsi á
samþykktu skipulagi, og þar er svo
að segja tilbúin búningsaðstaða í
stúkubyggingunni, sem tengja má
íþróttahúsinu með litlum tilkostn-
aði og spara þar með stórar fjár-
hæðir sem ella þyrfti til slíkra hluta.
Aðrar hugmyndir um staðsetn-
ingu urðu því að víkja, þótt þær séu
um margt athyglisverðar, þar sem
þær þóttu of dýrar og tímafrekar, í
ljósi þess hve mikilvægt er að fá nýtt
íþróttahús á sem allra skemmstum
tíma.
En hver hefur gangur máia verið
síðan ÍBH-þingið samþykkti þessa
tilhögun?
Bæjarstjórn fékk tillögu ÍBH í
hendur og samþykkti hana sam-
hljóða. Síðan hafa staðið yfir við-
ræður milli bæjarstjórnar og full-
trúa aðalstjórnar FH. Þar hefur
m.a. verið lögð fram bráðabirgða-
teikning sem gerir ráð fyrir örlítið
stærri byggingu en gert var ráð fyrir
þegar FH-ingar kynntu hugmyndir
sinar að íþróttahúsi i Krikanum fyr-
ir fáum árum.
Það er ljóst að Strandgötuhúsið
er löngu sprungið sem æfingahús
vegna keppnisálags. Af því hefur
leitt að æfingaaðstaða á 20x40 m
velli er í svo algjöru lágmarki hér,
að hafnfirskir flokkar sem keppa á
slíkum völlum eru þegar farnir að
Á þessari teikningu má sjá hvar íþróttahúsinu er ætlaður staður á
Kaplakrikasvæðinu.
dragast aftur úr. Þess vegna þarf
nýja húsið að uppfylla allar kröfur
þessara hópa og auk þess þarf að
gera ráð fyrir meira áhorfendarými,
þvi það hefur sýnt sig í vetur að
Strandgötuhúsið rúmar í mörgum
tilvikum ekki alla þá sem vilja fylgj-
ast með keppni. Þá þarf einnig að
ákveða hvernig byggingarefni er
hagkvæmast, en þar hefur einna
helst verið rætt um stálgrindarhús
eða hús úr limtré.
Nú er einmitt verið að vinna úr
þessum hugmyndum og ganga end-
anlega frá útfærslunni á húsinu,
samhliða gerð kostnaðaráætlunar.
Ég á von á því að við komumst að
niðurstöðu um þessa hluti fyrir
sumarið og að útboð geti þá fljót-
lega farið fram. Frá því að fram-
kvæmdir hefjast og þar til húsið
verður tilbúið þarf svo ekki að líða
nema eitt ár, og það væri ekki ónýtt
að geta vígt það undir árslok 1989,
á 60 ára afmæli FH.
Meðal þess sem heyrst hefur frá
gagnrýnendum þessara fram-
kvæmda er að það skuli reist á FH-
svæðinu og komi til með að verða í
eigu þess félags. Hverju svarar þú
þvi?
Ég vísa í því sambandi til ÍBH-
þingsins, þar sem þessi hugmynd
fékk mjög víðtækan stuðning langt
út fyrir raðir FH. Fyrir þingið og á
því komu fram aðrar hugmyndir,
m.a. frá þáverandi formanni
Hauka, en þær höfðu á sér ann-
marka varðandi kostnað og bygg-
ingarhraða. Þess vegna valdi yfir-
gnæfandi meirihluti hafnfirskrar
íþróttaforystu þessa lausn.
Hins vegar vil ég taka það skýrt
fram að þetta hús er hugsað fyrir
alla íþróttahreyfinguna í bænum og
þar á ekkert eitt félag að njóta að-
stöðumunar. Stjórn ÍBH kemur til
með að hafa umsjón með skiptingu
tíma milli félaganna og þar sitja all-
ir við sama borð.
Eftir að samþykkt hefur verið að
standa svona að málum, er ég sann-
færður um að allt hafnfirskt
íþróttafólk verður samtaka um að
stuðla að sem skjótustum fram-
kvæmdum, enda gera allir sér grein
fyrir því að hér er um að ræða fljót-
legustu og heppilegustu lausnina á
aðkallandi máli. Þar undanskil ég
t.d. ekki forystumenn Hauka. Ég
hef í gegnum árin átt gott samstarf
við marga þeirra, ja, flesta ef ekki
alla, og treysti því að svo verði
áfram. Það er ekkert óeðlilegt við
það að nokkur metingur sé milli fé-
laga eins og Hauka og FH, sem eru
stærstuíþróttafélögin í bænum og
standa víða i samkeppni, en öll okk-
ar ágreiningsmál eigum við að leysa
i bróðerni eins og íþróttamönnum
sæmir.
HAFNARFJARÐARAPÓTEK
Úrval af vörum fyrir íþróttafólk:
Kælipokar — Hltakrem
Kryddvörur í fallegum apóteksumbúðum
Opið alla virka daga kl. 9.00 til 19.00
Opið laugardaga kl. 10-14.
Vaktþjónusta annan hvern sunnudag
kl. 10.00 til 14.00
Upplýsingar í síma 51600.
I HAFNARFJARÐAR APOTFK
STRANDGÖTU 34, SÍMAR 51600 - 50090