Fjarðarpósturinn - 29.03.1988, Blaðsíða 4
FJflRDflR
piatwtvt
Ritstjóri og ábm.: Fríöa Proppé
Auglýsingastjóri: Gunnar Sveinbjörnsson
Framkvæmdastjóri: Siguröur Sverrisson
Ljósmyndir: Fjarðarpósturinn og Róbert Ágústsson
Setning, umbrot, filmuvinna og prentun: Borgarprent
Útlit: Fjarðarpósturinn
Útgefandi: Árangur hf. - almannatengsl og útgáfustarfsemi. Skrif-
stofa Fjarðarpóstsins er að Reykjavíkurvegi 72 og er opin alla virka
daga frá kl. 10-17. Símar 651745 og 651945 (símsvari eftir lokun skrif-
stofu).
Innan
fjögurra veggja
Heimilislæknar á Heilsugæslustöðinni líkja ástandi því
sem skapast innandyra við lagfæringar á húsi Sparisjóðs-
ins við Hafnarfjarðarbrandara af verstu tegund. - Loft-, Ijós-
og plássleysi, segja þeir og lái þeim hver sem vill, að þeir
telja ógjörlegt að reka læknastofur við þau skilyröi.
Þrír heimilislæknar og ungbarnaeftirlit eru í þeim hluta
hússins þar sem rífa á niður gaflinn og er hugmyndin sú, að
setja upp bráðabirgðavegg innan hans á meðan á fram-
kvæmdum stendur. Niðurrifið og bygging nýs veggjar mun
taka nokkra mánuði. Greinir sparisjóðsstjóra og læknana á
um í viðtali í blaðinu, hvort lausn hefur fundist á hvernig
starfrækslunni verður háttað á meðan.
Þeir sem þekkja til húsakynna heimilislæknanna og njóta
þjónustu þeirra eru áreiðanlega velflestir á einu máli um, að
plássið er ekki of stórt fyrir. Þá er erfitt að hugsa sér lækna
leiðbeina fólki um hollustu og betri lifnaðarhætti í loft- og
Ijósleysi innan fjögurra gluggalausra veggja, hvað þá undir
dyn hamars- og borhljóða.
Samkvæmt því sem fram hefur komið, er erfitt að skella
skuldinni á Sparisjóðinn. Hann er einfaldlega aö vinna að
nauðsynlegum viðgeröum á húsi sínu. Þá er leigusamning-
ar við heilsugæslustöðina löngu útrunnir og flutningur
stöðvarinnar í nýtt húsnæði að Sólvangi ennfremur löngu
tímabær.
Það eru bæjaryfirvöld sem sofnað hafa á verðinum í
þessu máli að mati Fjarðarpóstsins. Mánudaginn 1. febrúar
sl. kom stjórn heilsugæslustöðvarinnar saman og sendi frá
sér yfirlýsingu til bæjaryfirvalda þar sem tilkynnt var að
starfsemi heilsugæslustöðvarinnargæti ekki haldið áfram í
húsnæðinu á meðan á endurbyggingunni stæði. Var þeim
tilmælum beint til bæjarstjóra, að hann tæki upp viðræður
við Sparisjóðinn um að framkvæmdunum yrði frestað þar til
starfsemi Heilsugæslustöðvarinnar hefði flutt í nýbygging-
una við Sólvang. Ekki er því hægt að kenna því um að
fyrirvari sé skammur og ennfremur eru leigusamningar
löngu útrunnir, eins og að framan greinir.
Lausnir á þessu máli liggja ekki fyrir, þegar þetta er ritað,
en Ijóst að bæjaryfirvöld verða að leysa málið hið snarasta.
Örþrifaráð hlýtur að vera að færa starfsemina að hluta í
annað húsnæði til bráðabirgða, enda telja læknar stöðvar-
innar slíkt óframkvæmanlegt með öllu, bæði vegnatruflana
á starfseminni og kostnaðarlega.
Útboð hefur farið fram vegna síðasta hluta framkvæmda
við Sólvang. lönaðarmenn virðast oft vinna best undir tíma-
pressu. - Kannski væri hægt að drífa lokaframkvæmdir við
Sólvang af á skömmum tíma, ef vilji og peningar væru fyrir
hendi.
Dæmi þessu máli til stuðnings er nýja félagsmiðstöðin.
Fjarðarpósturinn leit þar inn á hádegi deginum áður en hún
var vígð. Þótti með ólíkindum, að hún yrði tilbúin daginn
eftir, sem þó varð raunin á. Þar var heldur ekki að sjá að
peninga skorti til framkvæmda. Félagsmiðstöðin er alls
góðs makleg en heilsugæslustöðin hlýtur að teljast for-
gangsverkefni miðað við núverandi stöðu mála.
ORÐABELGUR:
Gerið eitthvaö í biðskýla-
málunum og þaó strax
Kona á Krókahrauni hringdi:
Mikið hefur verið ritað og rætt
um þjónustu Landleiða að undan-
förnu og finnst sumum að nú sé
nóg komið. Ekki get ég tekið und-
ir það, því á meðan „göt“ eru í
þjónustu Landleiða, mun málið
verða ■ brennidepli. Ekki ætla ég
að minnast á leiðakerfi vagnanna
sem vissulega skiptir máli, heldur
annað atriði sem ennfremur verð-
ur að vera í góðu lagi.
Hér á ég við aðbúnað farþeg-
anna á viðkomustöðum vagn-
anna, svonefndar stoppistöðvar.
Víðast hvar eru biðskýli út um
borg og bý og þjóna sínu hlutverki
með sóma. En á nokkrum stöðum
vantar biðskýli og ætti ekki að
vera mikið mál að kippa því í lag
en það virðist vera öðru nær. I
landi þar sem veðurfar er æði mis-
jafnt og jafnan slæmt meirihluta
ársins, ætti að vera biðskýli á
hverri einustu viðkomustöð
strætisvagna svo farþegar séu ekki
frosnir í hel eða hundblautir, loks-
insjjegar vagnarnir birtast.
A endastöð Landleiða í Reykja-
vík er aðstaðan fyrir neðan allar
hellur. Umrædd endastoo er í
Lækjargötu gegnt Iðnaðarbank-
anum og þar mega farþegar húka
undir berum himni og eiga von á
alls kyns veðrum og vindum.
Vissulega getur fólk beðið í and-
dyri Iðnaðarbankans, kynni ein-
hver að segja, en fyrir eldra fólk er
það enginn hægðarleikur að
klöngrast framhjá bílum og fjór-
um mikið eknum akgreinum, þeg-
ar vagninn birtist. Taki fólk annan
kost og bíði í sjoppunni á Skál-
holtsstíg, á það á hættu að missa af
vagninum því ekki sést til vagns-
ins úr sjoppunni.
í Reykjavík vinna fjölmargir
Hafnfirðingar, auk allra hinna
sem eiga þangað erindi af ein-
hverju tagi og umrædd endastöð
farþega Landleiða, þjónar stórum
hópi fólks. Á mcstu annatímum
má sjá þar 25-30 manns en ekkert
biðskýli og heldur skýtur það
skökku við á meðan biðskýli eru
reist annars staðar þar sem gegn-
umstreymi farþega er mun minna.
Ekki veit ég hvort Landleiðir eða
aðrir aðilar eru ábyrgir fyrir þessu
óviðunandi ástandi en hverjir svo
sem það eru. í guðs bænum, gerið
eitthvað í málinu og það strax.
Bókanir í bæjanáði vegna Vitans:
Lýsa ánægiu meö hina
nýju adstöðu æskunnar
- Jóhann G. Bergþórsson óskar endanlegs kostnaóaruppgjörs
Bókanagleði var mikil á síðasta bæjarráðsfundi vegna vígslu nýju
félagsmiðstöðvarinnar. Þá óskaði einn bæjarráðsfulltrúinn, Jóhann
G. Bergþórsson Sjálfstæðisflokki, eftir endanlegu kostnaðaruppgjöri
vegna framkvæmda við miðstöðina, sem hlotið hefur nafnið Vitinn,
eins og við greindum frá í sl. tölublaði.
Meirihluti bæjarráðs lagði fram eftirfarandi bókun, sem Ólafur
Proppé, sem er áheyrnarfulltrúi frá Frjálsu framboði, tók undir:
„Bæjarráð Hafnarfjarðar fagnar
opnun nýrrar glæsilegrar félags-
miðstöðvar sl. sunnudag fyrir
æsku bæjarins að Strandgötu 1 og
vonar, að þar megi í framtíðinni
dafna lífleg og gagnleg starfsemi. “
Minnihlutinn, bæjarráðsmenn’
Sjálfstæðisflokksins bókuðu:
„Við lýsum ánægju okkar yfir að
æsku Hafnarfjarðar skuli sköpuð
aðstaða til skemmtunar og tóm-
stundaiðkunar og látum í ljósi þær
óskir, að vel megi til takast um
alla starfsemi í félagsheimilinu
Vitanum.
Um leið sjáum við ástæðu til að
árétta enn einu sinni gagnrýni
okkar á það, hvernig að kaupum á
húsnæðinu að Strandgötu 1 var
staðið, bæði hvað snertir verð og
fleira.
ítrekum við þá skoðun okkar,
að stefna beri að því að byggja
nýja félagsmiðstöð fyrir æskulýðs-
starfsemi, sem fram fer á vegum
bæjarins á svæðinu á milli Þjóð-
kirkjunnar og íþróttahússins við
Strandgötu, samanber fyrirliggj-
andi skipulag.“
í ræðu bæjarstjóra, Guðmund-
ur Árna Stefánssonar, við vígslu
Vitans kom fram, að kaupverð
húsnæðisins við Strandgötu 1, var
10 millj. kr. ogtaldi hann kostnað
við endurbætur nema svipaðn
upphæð, en það þýðir að hver fer-
meter leggur sig á um 40 þúsund
krónur. Að sögn bæjarritara,
Gunnars RafnsSigurbjörnssonar,
er fljótlega að vænta heildarniður-
stöðu kostnaðar við endurbæturn-
ar.
GLEÐILEGA
PÁSKA!
HAGVIRKI
Skútahrauni 2 - Hafnarfirði - Sími 53999
4