Fjarðarpósturinn - 03.11.1994, Page 2

2 FJARÐARPÓSTURINN
STJÖRNUSPÁ
Gildir frá fimmtudegi 3. nóv. til miðviku-
dags 9. nóv.
Vatnsberinn (20. jan. - 18. feb.)
Þó að eitthvað fari úrskeiðis er ekki ástæða
til að missa stjórn á skapi sínu. Oft mynd-
ast nýr farvegur og oftar en ekki er hann
miklu öruggari en sá gamli. Settu málefni í
biðstöðu þessa viku og leyfðu tímanum að
vinna með þér. Aldrei skildi seinn maður
flýta sér.
Fiskarnir (19. feb. - 20. mars)
Nýir tímar eru í uppsiglingu. Fortíð og nú-
tíð blandast saman og það sem einu sinni
virtist óhugsandi er í dag hið einfaldasta
mál. Gefðu þér vænan tíma í breytingarnar.
Vikan framundan verður erilsöm en í senn
skemmtileg og mjög gefandi.
Hrúturinn (21. mars - 19. apr.)
Þessi vika einkennist af efasemdum og það
er bara af hinu góða. Það er um að gera að
hafa opið hugarfar og meðtaka sem mest en
varast skal að vera auðtrúa og
auðkeypt(ur). Þér tekst flest sem þú ætlar
þér og færð flest sem þú óskar þér. Þú leyn-
ir á þér.
Nautiö (20. apr. - 20. maí)
Það er ekki hraðinn og ákefðin í kring um
þig þessa dagana frekar en endranær. Þú átt
gott með að læra af reynslu annarra. þér
hættir þó til að sjá hlutina eins og þú vilt sjá
þá, en ekki eins og þeir eru í raun. Þögn er
gulls ígildi, segir hver?
Tvíburinn (21. mai - 20. júní)
Skrifleg orð standa gjarnan fyrir sínu við
samningagerð og til að koma stefnum sín-
um á framfæri. Notaðu tækifærið. í gangi er
magnað samband, en það fær sína reynslu-
aðlögun. Þér finnst þú hafa misst af ein-
hverju en sannleikurinn er sá, að þú lærðir
af reynslunni.
Krabbinn (21. júní - 22. júlí)
Mikið veltur á því þessa viku að greina
sannleikann frá hugarburði.Eftir helgina
verða töluverðar sviftingar í einkalífinu og
á tilfinningasviðinu vegna óuppgerða mála.
Stattu fast við þitt, þótt aðrir vilji ráða.
Hugaðu að líkamlegum og andlegum þörf-
um.
Ljóniö (23. júlí - 22. ágúst)
Best er að halda sér við sama efnið á næst-
unni. Nýttu samt tímann til að undirbúa og
skipuleggja framtíðaráform og láttu þetta
svo malla í rólegheitum. Þú dettur niður á
stórkostlega hugmynd sem gefur vel af sér.
Það felst margt í hversdagsleikanum.
Meyjan (23. ágúst - 22. sept.)
Eitthvert ójafnvægi virðist vera á milli lík-
amlegs, tilfínningalegs- og andlega sviðs-
ins. Til að ná sem bestum árangri þarf að
vera jafnvægi þarna á milli. Svo hættu bara
að þrjóskast þetta og hlustaðu á þrá hjarta
þíns. Þér er svo eðlilegt að gefa af því sem
þú býrð svo vel af. Hefur þú einhverju að
tapa?
Vogin (23. sept. - 22. okt.)
Þér finnst viðskiptin ganga treglega, en
þetta kemur allt með kalda vatninu. Vikan
er erilsöm og þrýstingur er frá ættingjum
og vinnufélugum. Leggðu ekki fram breyt-
ingastefnu, núna, hvorki fyrir sjálfan þig né
aðra. Leitaðu að hugarró í kyrrðinni.
Sporðdrekinn (23. okt. - 21. nóv.)
Þetta er heldur grá vika, og best að nota
tímann til að hvílast og byggja sig upp.
Láttu aðra um að stjóma og leysa sín eigin
vandamál. Ekki rignir úr öllum skýum, þótt
svo virðist í fyrstu.
Bogamaðurinn (22. nóv. - 21. des.)
Það sem fram fer bak við tjöldin getur ver-
ið mikilvægara en það sem sagt er fyrir
framan. Vertu vakandi, segðu meiningu
þína af einlægni. Stjómunarhæfileikar þínir
em meðfæddir og þegar þú beitir þeim á-
samt glaðværð þinni, leikur lífið í höndum
þér.
Steingeitin (22. des. - 19. jan.)
Það er að byrja tímabil mikilla vinnu. Nýj-
ar hugmyndir virðast fæðast við hvert
skref. Nú er góður tími til nýrra fjárfestinga
og jafnframt að skjalfesta og ganga frá
gömlum málum. Hreint borð er alveg nauð-
synlegt fyrir komandi átök. Hagnaður skað-
ar ekki.
Munið að brosa
Furðurheimur Sunnu Emanúelsdóttur
“Alltaf blundað í
mér frá barnæsku”
Það cru furðuheimur sem mað-
ur kemur inn í þegar komið er inn
í stofuna hennar Sunnu Emanúels-
dóttir. íslenskir jólasveinar, Grýla
og Leppalúði á aðra hönd og álfa-
borg með tjölda álfa á hina. Ekki
þarf mikið ímyndunarafl til að
gleyma sér og lifa upp í huganum
ævintýrasögur af þessum ágætu fé-
lögum Islendinga í gegn um tíðina.
Eins og kunnugt er af fréttum þá
stendur til að álfar Sunnu flytji til
Hafnarfjarðar og setjist þar að, Hafn-
firðingum og gestum Hafnarfjarðar
til augnayndis.
Okkur liggur forvitni á að vita
hvað fékk Sunnu til að gera alia
þessa álfa og hvers vegna hún valdi
Hafnarfjörð sem framtíðarheimili
þeirra. Við heimsóttum hana því á
heimili hennar að Krummahólum 9 í
Breiðholtinu til að kynnast þessari
listakonu og álfunum hennar.
Lengi í sveit
Fyrst spyrjum við Sunnu hvað
liggi að baki gerð álfanna. Hún verð-
ur nú fyrst svolítið dreymin á svipinn
og segist nú eiginlega ekki vita það,
en segir svo "Ætli það hafi ekki alltaf
blundað í mér frá barnæsku. Eg er
alin upp í sveit frá 6 till7 ára aldurs,
að Ytri Bug í Fróðárhrepp á Snæ-
fellsnesi. Þarna lék ég mér mikið í
gili rétt hjá heimilinu þar sem ég
byrjaði að móta mínar persónur úr
leir og auðvitað bjó ég til fjölmörg
ævintýri og sögur um þessa vini
mína. Ég dansað líka oft á skautum á
veturna á lítilli tjöm sem þarna var,
ein í Norðurljósunum, og lét mig
dreyma um hinar ýmsu furðuverur
sem ég sá í Norðurljósunum." Auð-
séð er að Sunna er komin á æsku-
slóðirnar í hugnum við þessa upprifj-
un. "Já ég fann hjá mér einhverja
þörf til að gera þetta, ég var bara svo-
lítið óörugg til að byrja með, enda
hef ég ekkert lært í svona vinnu, ég
var bara dálítið duglega að teikna í
gamla daga og móta í leir eins og ég
sagði áðan, en eftir að ég byrjaði fyr-
ir rúmu ári síðan hefur þetta flogið á-
fram og mínir nánustu segja að ég
hafi verið í öðmm heimi síðan" Trúir
Sunna segir að álfarnir séu
litaðir ineð náttúrulegum litum.
þú á álfa eða að þeir séu til ? "Ég veit
það ekki, þetta hefur kannske vafist
örlítið fyrir mér, en ég neita því ekki
og þykist líka hafa sönnun fyrir mig.
Ég hef nú ekki sagt neinum ókunnug-
um þetta sem ég ætla að segja þér.
Fyrir síðustu jól, þegar ég var að
vinna að gerð álfanna minna, hafði
ég næstum gleymt því sem ég hef
alltaf gert fyrir öll jól, það er að búa
til minn eigin súpukraft. Þegar ég var
svo minnt á þetta daginn fyrir Þor-
láksmessu, þá rauk ég út keypti bein
og setti þau inn í ofn til að brúna þau,
eins og ég var vön. Það sótti að mér
þreyta og ég ákvað að leggja mig á
meðan þau brúnuðust. Þegar ég hafði
sofið dálitla stund fannst mér heil
hersing af álfum koma til mín og
vilja vekja mig.
Margir hálfgerðir
Á þessum tíma hafði ég aðeins
lokið við að gera hluta af álfunum og
átti marga hálfgerða og sumir voru
aðeins til í hugskoti mínu. Mér fannst
þeir vera að reka á eftir mér að ljúka
við þá og ég var að reyna að segja
þeim að ég skyldi drífa þetta af. Og
þar sem ég lá þama, að mér fannst á
milli svefns og vöku, og þeir spíg-
sporuðu í kringum mig til að vekja
mig, fannst mér ég finna einhverja
sérkennilega lykt og datt helst í hug
að ég væri dáin og komin á "verri
staðinn", en þeir létu mig ekki í friði
fyrr en ég vaknaði í íbúðinni fullri af
reyk. Ég hafði sett ofninn á fullt,
meira að segja grillið á og gleymt að
minnka hitann áður en ég lagði mig.
Hefði ég vakna örlítið seinna, ja hvað
þá? Fólki finnst þetta kannske barna-
legt að trúa því að einhverjir álfar
hafi vakið mig en fyrir mig er þetta
nægjanleg sönnun þess að eitthvað er
til sem verndar okkur Af hverju ekki
álfar eins og hvað annað?
Tvennt kom tii
"Hvað kom til að þú ákvaðst að
finna þessum vinum þínum samastað
í Hafnarfirði. Var það kannske út af
álfasögum Erlu Stefánsdóttir um
álfabyggð í Hafnarfirði?" "Nei, svo
ótrúlega sem það kann að virðast þá
hafði ég aldrei heyrt minnst á þá á-
gætu konu og hef reyndar aldrei séð
hana. Það var einkum tvennt sem
kom til. Sameiginlegur vinur okkar
Jóhannesar í Fjörukránni kynnti okk-
ur og þegar ég fór að segja honum frá
álfunum mínum, þá varð hann fullur
áhuga á því að fá þá til Hafnarfjarð-
ar. Hann kom mér síðan í samband
við ferðamálanefndina og Rögnvald
ferðamálafulltrúa og nú sýnist mér
allt benda til að þeir flytji búferlum
til Hafnarfjarðar.
Minn draumur er að það verði
búið til ævintýraland fyrir þá í hraun-
inu þar sem börn og fullorðnir geti
komið og séð þá og heyrt eða búið til
sögur um þá. Böm hafa svo ferskt í-
myndunarafl, þar til við eyðileggjum
það með þessari sífeldu mötun. Já,
álfar eru góðar og skemmtilegar ver-
ur þó sagt sé að þeir geti verið örlítið
stríðnir og hrekkjóttir stundum".
K0MPAN
Nær helming-
ur kvenna í
saumaklúbb
Eitt verkur athygli við lestur
könnunarinnar um hafnfirksu fjöl-
skylduna sem nú hefur verið kynnt
formlega og það er mikil þátttaka
kvenna í saumklúbbum. Þannig em
49% kvenna í Hafnarfirði í sauma-
klúbb samkvæmt könnuninni, þar
af eru 26% í sauntaklúbb innanbæj-
ar og 23% í saumaklúbb utanbæjar.
í þessu sambandi rná einnig
nefna að hafnfirksir karlmenn eru
merkilegt nokk í einhveijum mæli í
saumaklúbbum því 5% þeirra
kváðust vera það samkvæmt könn-
uninni.
Saumaklúbbamenning virðst því
á háu stigi í Hafnarfirði og kemst
önnur félagastarfsemi ekki með
tærnar þar sem klúbbamir hafa hæl-
ana. Til samanburðar má nefna að
14% aðspurðra tóku þátt í félags-
starfi Hauka og 8% aðspurðra í fé-
lagsstarfi FH.
Ráðherra boðið
í fiskvinnslu
Nemendur Fiskvinnsluskólans
eru síður en svo sáttir við hvernig
Ólafur G. Einarsson hefur haldið á
málefnum skólans í haust. Sökum
þessa hafa þeir sent ráðherranum
bréf þar sem skorað er á hann að
koma í skólann og sjá með eigin
augum það sem þar fer fram. Sam-
kvæmt bréfinu á ráðherra að mæta í
skólann í dag. fimmtudag, og bíða
nemendur víst spenntir eftir að
hann láti sjá sig.
Heiðursgestur
Bæjarstjórinn í Hafnarfirði var
samkvæmt venju heiðursgestur á
árshátíð Hauka og í fyrsta skipti í
áraraðir var hann ekki FH- ingur.
Magnús Jón mun meðal annars
hafa „lofað" þvf að veita ríkulega
fjármagni til framkvæmda við í-
þróttahús á Haukasvæðinu. „Og
Eilert borgar," sagði bæjarstjórinn
við mikla kátínu viðstaddra (sbr.
Ellert Borgar Þorvaldsson).
GAFLARI VIKUNNAR
Fullt nafn? Ásta Steinunn Ást-
þórsdóttir.
Fæðingardagur? 2l.desember
1976.
Fæðingarstaður? Reykjavík.
Fjölskylduhagir? Bý með móður
minni og tveim systkinum.
Starf? Nemi í Flensborgarskóla.
Helsti veikleiki? Svefnsýki.
Helsti kostur? Ákveðni.
Uppáhaldsmatur? Djúpsteikt
svínakjöt í súr-sætri sósu og svfna-
hryggur.
Versti matur? Þorramatur.
Uppáhaldstónlist? Portúgölsk
dansmúsík.
Uppáhaldsíþróttamaður? Ágúst
Ólason.
Hvaða stjórnmálamanni hefur
þú mestar mætur á? Ingibjörgu
Sólrúnu.
Uppáhaldssjónvarpsefnið?
Hemmi Gunn.
Leiðinlegasta sjónvarpsefnið?
Nágrannar.
Uppáhalds útvarps-og sjón-
varpsmaður? Ingvi Hrafn.
Uppáhaldsleikari? Tom Hanks.
Besta kvikmynd/leikrit sem þú
hefur séð? Forrest Gump og
Steiktir grænir tómatar.
Hvað gerir þú í frístundum þín-
um? Sef.
Fallegasti staður sem þú hefur
komið á? Portúgal.
Hvað metur þú mest í fari ann-
arra? Þjónustulund.
Hvað metur þú síst í fari ann-
arra? Leti.
Hvað myndir þú vilja í afmælis-
gjöf? Bfl.
Hvað myndir þú gera ef þú ynn-
ir 2 millj. í happadrætti? Gefa
mömmu þær.
Hvað myndir þú gera ef þú vær-
ir bæjarstjóri í einn dag? Gefa
frí í skólanum.
Uppáhalds Hafnarfjarðar-
brandarinn þinn? Maður kemur
inn á bar og segir við barþjóninn.
"Heyrðu, á ég að segja þér alveg
æðislega góðan hafnarfjarðar-
brandara?" Barþjóninn svaraði
Sérðu manninn þarna? Þetta er
lögreglustjórinn, og hann er hafn-
firðingur. Og maðurinn þama er
með svarta beltið í karate og hann
er líka hafnfirðingur. Svo er ég
líka hafnfirðingur. Viltu virkilega
segja brandarann hérna inni?"
"Nei," sagði maðurinn, "Þá þyrfti
ég að segja hann þrisvar sinnum."