Fjarðarpósturinn - 28.09.1995, Qupperneq 4
4 FJARÐARPÓSTURINN
Útgefandi:FJARÐARPÓSTURINN hf. Bæjarhraun 16, 220 Hafnar-
fjörður. Símar, ritstjóm 565 1945,auglýsingar 565 1745, símbréf 565 0835.
Framkvæmdastjóri: Óli Jón Ölason, ritstjóri: Friðrik Indriðason
hs.555-2355, íþróttir og heilsa: Bjöm Pétursson, innhcimta og dreifing:
Steinunn Hansdóttir, umbrot: Fjarðarpósturinn, prentun: Borgarprent.
Bágborin
niðurstaða
Það tók forsætisnefnd alþingis fleiri klukkutíma fund-
arsetu að komast að þeim bágbomu niðurstöðu að hin
sérstaka 40.000 kr. kostnaðargreiðsla skyldi vera skatt-
skyld. Þessi niðurstaða getur þýtt eitt af tvennu, annars-
vegar að þeir sem skipa forsætisnefnd séu ekki í neinum
tengslum við hugsanagang almennings í landinu og hins-
vegar að þeim standi nákvæmlega á sama hvert almenn-
ingsálitið er á hverjum tíma. Hvort sem rétt er sýnir þessi
niðurstaða ákveðið dómgreindarleysi hjá forsætisnefnd
og er það miður.
Það er ekki bara ákvörðun forsætisnefndar sem brunn-
ið hefur á almeningi og verkalýðshreyfingunni í landinu
heldur einnig niðurstaða Kjaradóms hvað varðar kaup-
hækkanir til ráðherra, alþingismanna og æðstu embættis-
manna þjóðarinnar. Davíð Oddsson forsætisráðherra hef-
ur sagt að úrskurði Kjaradóms verði ekki breytt og raun-
ar á ekki að vera að krukka í úrskurði Kjaradóms á hverj-
um tíma. Það verður hinsvegar að koma fram hvaða for-
sendur Kjaradómur setur fyrir þeirri niðurstöðu sinni að
hækka skuli kaup þessara hópa töluvert umfram það sem
samið var um í síðustu kjarasamningum stóru launþega-
samtakanna.
Síðast þegar úrskurður Kjaradóms um launahækkanir
æðstu embættismanna var rekinn þveröfugur ofan í dóm-
inn aftur með bráðabirgðalögum var Kjaradómi gert
skylt að taka mið af almennri launaþróun í landinu við
ákvarðanir sínar. Ljóst er að dómurinn hefur ekki gert
slíkt og því spurning um hvort ekki þurfi að skerpa enn-
frekar á þessum forsendum fyrir úrskurðum dómsins.
Ljóst er að verkalýðshreyfingin ætlar ekki að taka
þessu þegjandi og héldu forystumenn hennar á fund
Davíðs Oddssonar forsætisráðherra í gærdag til að ræða
þessi mál. Verkamannasambandið telur að nú séu for-
sendur til að segja upp núgildandi kjarasamningum þar
sem hugmyndafræðin á bakvið þá sé brostin. Vissulega
má segja að úrskurður Kjaradóms gangi þvert á þá stefnu
sem verið hefur við að ná niður verðbólgu og vinna bug
á kreppunni sem ríkt hefur á undanfömum árum. Hins-
vegar halda forsendur síðustu kjarasamninga stóru laun-
þegasamtakana enn og því erfitt að sjá hvemig verka-
lýðshreyfingin ætlar að ná þessu markmiði sínu lagalega
þótt vissulega sé ekki spurning um að siðferðilega er
henni stætt á því.
Hvað sem öðru líður hefur öllu verið hleypt í bál og
brand í kjaramálum og enginn vafi leikur á því að við
næstu kjarasamninga munu stjómmálamenn tala fyrir
daufum eymm ef þeir fara fram á hógværð verkalýðs-
hreyfingarinnar í launamálum til að viðhalda stöðugleik-
anum.
Friðrik Indriðason
Endastöð strætisvagna
verði við Fjarðargötu
Á síðasta ári var tekin ákvörðun
um verulegar breytingar á leiðar-
kerfí almenningsvagna hér í Hafn-
arfirði. Breytingin kom til fram-
kvæmda þann 19. ágúst s.l.. Hún
hafði í för með sér bæði kosti og
ókosti. Meginkosturinn var sá að
einum innanbæjarstrætisvagni var
bætt inn í leiðarkerfið á virkum
dögum með það fyrir augum að
veita nýjum hverfum betri þjónustu.
Helsti ókosturinn við breytingamar
var hinsvegar sá að endastöðin var
færð upp á Hraun úr miðbænum.
Rökin fyrir því voru m.a. sögð vera
þau að þannig væru meiri líkur á að
hraðleiðin að og frá Lækjartorgi
gæti haldið tímaáætlun, en erfitt
væri fyrir vagnstjórana að halda
áætlun þegar umferð væri þung eða
færð slæm á vetrum.
Ef grannt er skoðað mæla flest
rök með því að hafa endastöð hrað-
leiðarinnar sem og annarra leiða
strætisvagnanna áfram í miðbæn-
um, fyrir framan Miðbæ, nýju versl-
unarmiðstöðina, eins og upphaflega
var gert ráð fyrir. Sú ráðstöfun var
samþykkt á sínum tíma og eftir
þeirri samþykkt hefur markvisst
verið unnið síðan- eða þangað til
nýr meirihluti tók við á síðasta ári.
A þeirri samþykkt var byggt þegar
gengið var í að endurlífga miðbæ-
inn, en ein meginforsenda þess var
að þangað og þaðan væm jafnan
sem greiðastar samgöngur.
Fólki, sem lagt hafði í mikla fjár-
festingu í miðbænum, fannst mörgu
óeðlilegt að færa endastöðina upp á
Hraun. Eðlilegra hefði verið að líta
á endurskoðun leiðarkerfisins alls
sem viðbót við það sem þegar hafði
verið gert og halda áfram að byggja
það upp í stað þess að draga úr
möguleikum þess, eins og nú virðist
vera orðin raunin.
Þau rök að hraðleiðin gæti ekki
haldið tímaáætlun voru eflaust sett
fram af gefnu tilefni. En ef vilji
hefði verið fyrir hendi hafði þó auð-
veldlega mátt gera aðrar ráðstafanir
Ómar Smári
✓
Armannsson bæjar-
fulltrúi skrifar um
flutning strætisvagna
aftur í miðbæinn
en að færa endastöðin úr miðbæn-
um, t.d. með því að fækka öðmm
biðstöðvum þeirra á leiðinni, enda
ætlunin að fjölga vögnum í innan-
bæjarakstri, gera vagnstjórum
mögulegt að aka í vinstri beygju á
Fjarðargötu gegnt biðstöðinn í stað
þess að þurfa aka um Kirkjutorg,
hafa endastöð vagnanna í Reykjavík
á Hlemmitorgi eða í Kringlunni,
eins og hugmyndir hafa verið um
eða endurskoða akstursleiðir vagn-
anna í Reykjavík að og frá Lækjar-
götu jafnframt því sem ástæða væri
til að samræma leiðaráætlanir SVR
og AV á öllu höfuðborgarsvæðinu.
Komið hefur fram að Hafnar-
fjarðarbær hefur fjárfest drjúgum í
bílastæðum, m.a. með það fyrir
augum að skapa rými og athafna-
svæði fyrir endastöð strætisvagnana
fyrir framan miðstöðina. Auk þess
hafði þegar verið gert ráð fyrir að-
stöðu fyrir vagnstjóra þar innan
dyra. Við hönnun húsnæðisins og
annarrar aðstöðu var sérstaklega
tekið tillit til þess að þar yrði önnur
endastöð strætisvagnakerfisins í
framtíðinni.
Víða erlendis eru endastöðvar
strætisvagna í miðbæjum. Það er
gert til þess að skapa þar nýja
möguleika, auka umferð gangandi
fólks, glæða svæðin lífi og auðvelda
fólki aðgang að nauðsynlegum
þjónustustofnunum, sem þar eru yf-
irleitt staðsettar. Þess má geta að
stór hluti vinnubærra bæjarbúa
stundar atvinnu utan bæjarfélagsins.
Þetta fólk þarf engu síður en aðrir
að geta nýtt sér þjónustu þá sem fyr-
ir er í miðbænum. Skiptistöð fjarri
miðbænum er ekki til þess fallin að
greiða fyrir því.
Almenningssamgöngur á að
sníða sem best að þörfum fólksins.
Eftir því sem þær eru aðgengilegri,
því meiri líkur eru á að fólk nýti sér
þá möguleika, sem þær hafa upp á
að bjóða. Með góðri nýtingu ætti að
draga úr útgjöldum bæjarins til al-
menningssamgangna. Það hlýtur að
vera eitt af markmiðum bæjaryfir-
valda, sem á þessu ári þurfa að
greiða rúmlega 64 milljónir í kostn-
að vegna þeirra, auk tæprar einnar
milljóna króna í afslátt til elli- og
örorkuþega.
Á.stæða er til að standa vörð um
eðlilega og nauðsynlega uppbygg-
ingu leiðarkerfisins og að áfram
verði stuðlað að eðlilegri og sjálf-
sagðri þróun þess miðað við upp-
haflega áætlun. Ákveðið hefur verið
að endastöðin verði upp á Hrauni,
enn um sinn a.m.k., en líklegt má
telja að stjóm Almenningsvagna og
bæjarstjóm muni þurfa að endur-
skoða staðsetningu stöðvarinnar
innan ekki langs tíma og þa væntan-
lega taka ákvörðun um framtíðar-
staðsetningu hennar að fenginni
reynslu. .
Omar Smári Ármannsson
Karólína Eiríksdóttir
Námskeið í tónlistarhlustun
Tónlistarskóli Bessastaða-
hrepps stendur fyrir námskeiði í
tónlistarhlustun ef næg þátttaka
fæst. Tekin verður fyrir tónlist
frá ýmsum tímabilum tónlistar-
sögunnar og farið verður í form,
sögu og uppbyggingu tónverka.
Kennari verður Karólína Eiríks-
dóttir tónskáld.
Námskeiðið verður haldið í hús-
næði Tónlistarskólans í íþróttahús-
inu á þriðjudagskvöldum og stend-
ur í 10 vikur. Kennsla hefst þriðju-
daginn 3. október kl. 20.00. Innrit-
un og nánari upplýsingar á skrif-
stofu skólans í s. 565-2625 og hjá
skólastjóra í s. 565-4459.
Ekki er krafist neinnar tónlistar-
menntunnar og námskeiðið er opið
íbúum allra bæjarfélaga sem áhuga
hafa.
(fréttatilkynning)
.Fjögur
Islands-
met
Á Bætingarmóti FH í frjálsum
íþróttum sem haldið var s.l.
sunnudag voru sett fjögur Islands-
met. Þar af bætti Sveinn Þórarins-
son FH 10 ára gamalt sveinamet
(15-16 ára) Viggós Þ. Þórissonar
FH í 300 m grindahlaupi um 1 sek.
en Sveinn hljóp á tímanum 39,9
sek.
Björgvin Víkingsson FH bætti
strákamet (11-12 ára) í sömu grein
og hljóp á 53,1 sek.
Telpnasveit FH bætti 13 ára gam-
alt met í 4x400 m boðhlaupi um tæp-
ar 4 sek en þær hlupu á tímanum
4:13,8 mín. Eldra metið átti sveit FH
og var Rakel Gylfadóttir þjálfari
liðsins í þeirri sveit. I telpnasveitipni
voru: Ylfa Jónsdóttir, Lilja Ósk
Marteinsdóttir, Hilda Svavarsdóttir
og Silja Ulfarsdóttir.
Strákasveit FH bætti metið í
4x200 m boðhlaupi sem Afturelding
setti fyrr í sumar. Hlupu strákamir á
tímanum 2:02,6 mín. I sveitinni
voru: Daníel Ingi Eggertsson, Ásgeir
Hallgrímsson, Björgvin Víkingsson
og Kristinn Torfason.