Fjarðarpósturinn - 23.11.1995, Blaðsíða 7

FJARÐARPÓSTURINN 7
um að sinna mannlegu hliðunum eftir
því sem kostur er," segir Guðmundur
alvarlegur á svip.
Flutningarnir
Talsverð umræða hefur verið um
flutning sýslumannsembættisins úr
miðbænum upp á Bæjarhraun. Þegar
ég spurði Guðmund um þessa um-
ræðu, þá sagði hann að til að fá heild-
arsýn yfir málið, jtyrfti að skoða málið
aftur í tímann. Arið 1968 var flutt á
Strandgötu 31. Síðast liðin 15-20 ár
hafa verið uppi töluverðar umræður
um framtíðarhúsnæði embættisins,
það kom t.d. til greina að flytja inn í
sama húsnæði og skattstofan er í,
einnig var m.a. fyrir 10 árum skoðaður
sá möguleiki að kaupa hús á Bæjar-
hrauni. Arið 1992 var síðan undirritað
samkomulag um að ráðast í nýbygg-
ingu í miðbæ Hafnarfjarðar fyrir
sýslumannsembættið, dóminn og bæj-
arskrifstofurnar og áttu verklegar
framkvæmdir að hefjast á síðasta ári.
En fljótlega varð ljóst að ekki yrði
staðið við samkomulagið. Það lá því
ljóst fyrir að ekki var hægt að bíða
endalaust. "Starfsaðstaða og aðkoma
fyrir viðskiptavini á Strandgötu var
óviðunandi," segir Guðmundur "engin
lyfta eða aðstaða fyrir fatlaða. Við
auglýstum eftir og skoðuðum húsnæði
í miðbænum og fengum nokkur tilboð,
en annað hvort voru þau alltof dýr til
að möguleiki væri á að fá samþykki
stjómvalda fyrir þeim, eða þau voru
óhentug af ýmsum ástæðum. Allir
möguleikar voru skoðaðir og við vor-
um sammála um að þetta húsnæði hér
á Bæjarhrauninu væri besti kosturinn.
Hér er gott húsnæði miðsvæðis í um-
dæminu, aðstaða fyrir almenna af-
greiðslu á götuhæð, góð aðstaða fyrir
fatlaða, hér er að koma banki í næsta
húsi, strætisvagnaferðir eru ágætar
hingað og þannig má lengi telja. Hér
voru fyrst og síðast hagsmunir emb-
ættisins hafðir í heiðri og gert það sem
væri því fyrir bestu, bæði hvað varðar
starfsaðstöðu fólksins sem vinnur hér
og aðgang þess fólks sem þarf að leita
hingað," segir Guðmundur og eftir ör-
litla umhugsun bætir hann við, "ég skil
hins vegar vel afstöðu bæjarstjómar,
sem vildi að staðið yrði við samning-
ana um byggingu stjómsýsluhúss, en
eftir að hafa skoðað alla þá möguleika
sem fyrir hendi vom, var þetta sú nið-
urstaða sem menn töldu bestu lausnina
fyrir embættið. Eg veit að sú góða
samvinna sem hefur verið við bæjaryf-
irvöld verður áfram eins og hingað
til," segir Guðmundur.
Áhugamálin
Við höfum nú rætt lengi um emb-
ættið og tími til kominn til að kanna
hvað sýslumaðurinn gerir í frístundum
sínum. "I dag er golf númer eitt og tvö
hjá mér. Eg datt inn í golfið fyrir fjór-
um árum með gömlum félögum og hef
verið forfallinn síðan. Annað sem fer
mikill tími í af frístundum mínum eru
ferðalög hér innanlands, bæði akandi
um alfaraleiðir en ekki síður um há-
lendið, gönguferðir eru lika í miklum
metum hjá mér. Hér allt í kringum
okkur eru falleg útivistarsvæði. Eg
spila fótbolta og bridge með gömlum
félögum úr lagadeildinni svo að þú
sérð mér leiðist ekkert," segir Guð-
mundur og bætir svo við brosandi, "en
ég er hættur öllum veiðiskap."
Guðmundur segist vera uppalinn í
Hlíðunum og því mikill Valsari, börn-
in séu hins vegar í Stjömunni, svo að
það sé dálítið erfítt hjá sér að fara á
kappleiki, sérstaklega ef Valur og
Stjaman eru að keppa. "Annars er ég
nú að verða ansi mikill Stjömumaður á
seinni árum," segir Guðmundur Soph-
usson, sýslumaður að lokum.
Það er búið að vera bæði fróðlegt og
skemmtilegt að spjalla við þennan
hægláta mann. Einhvem veginn hefur
sú vissa mótast af þessu samtali að
mannlegi þátturinn ráði miklu í emb-
ættisstörfum hans.
Borgarafundur JC Hafnarfjörður um stækkun álversins
Landsvirkjun bætir afkomu
sfna um 8 milljarða króna
segir Finnur Ingólfsson iðnaöarráðherra
Finnur Ingólfsson iðnaðarráð-
herra segir að samningurinn um
stækkun álversins sé tímamóta-
samningur fyrir íslensku þjóðina.
Um sé að ræða stærsta einstaka
fjárfestingarsamning sem gerður
hefur verið hérlendis síðan 1966 er
álverið var byggt og kyrrstaða und-
anfarinna 7 ára í efnahagslífinu sé
rofin. Með samningnum muni
Landsvirkjun bæta afkomu sína um
8 milljarða kr. árin 1997-2004 og er-
lendar fjárfestingar hérlendis fari
úr 0,1% af landsframleiðslu í rúm-
lega 1% næstu tvö árin en það sé
töluvert yfir meðaltali hjá OECD
ríkjunum þar sem erlendar fjárfest-
ingar séu yfirleitt á bilinu 0,6-0,8%
af landsframleiðslu að jafnaði.
Fyrrgreint kom fram í máli ráðherra
á borgarafundi sem JC Hafnarfjörður
efndi til s.l. mánudagskvöld. Auk ráð-
herra voru þau Rannveig Rist steypu-
skálastjóri ISAL og Tryggvi Harðar-
son formaður álviðræðunefndar Hafn-
arfjarðar með framsöguerindi á fund-
inum. Fundurinn var frekar fámennur
en hann sátu um 40 manns.
Finnur Ingólfsson ræddi m.a. um
aðdragandann að þeim samningi sem
nú hefur verið undirritaður um stækk-
un álversins, mengunarmál og breyttar
skattareglur eða aðlögun álversins að
íslenskum skattalögum sem náðst
hefði fram í samningagerðinni.
Hvað orkuverðið varðar segir Finn-
ur að því verði haldið leyndu þar sem
fleiri hafa nú áhuga á gera orkukaupa-
Hluti gesta á fundinum.
samninga við íslendinga en Alusuisse
og um venjulega viðskiptaleynd væri
að ræða. Hinsvegar liggur fyrir að
með samningnum við Alusuisse muni
Landsvirkjun bæta afkomu sína um 8
milljarða króna á árunum 1997 til
2004 og snúa rekstrartapi upp í rekstr-
arhagnað. Arður Landsvirkjunnar af
eigin fé sé nú 3-4% á ári en hann verði
6-7% á ári um 2014 og þetta skapi
möguleika á að lækka orkuverð á öllu
landinu.
Batnandi hagur
Tryggvi Harðarson segir að Hafn-
firðingar haft lengi verið ósáttir við
sinn hlut í samningum við ÍSAL en
þetta batni mjög núna. A næstu þrem-
ur árum muni hlutdeild Hafnarfjarðar í
framleiðslugjaldi fara úr 18% og í
28% til að standa undir stofnkostnaði
bæjarins við gerð nýrra hafnarmann-
virkja í Straumsvíkurhöfn þar sem
byggja á 100 metra langan viðlegu-
kant. Eftir það fer hlutdeildin aftur í
18% en hinsvegar verði ekki jafnmikl-
ir afslættir af því eins og verið hefur.
Stækkun álversins hafi mikil áhrif í
Hafnarftrði bæði bein og óbein og
mörg önnur fyrirtæki muni njóta góðs
y.f stækkuninni.
Ibúðabyggð fari annað
I máli Rannveigar Rist kom fram að
Hafnfirðingar ættu að íhuga nánar
íbúðabyggð við ÍSAL og ekki byggja
nær álverinu en nú er gert. Síðar á
fundinum er hún var spurð nánar út í
þetta kom fram hjá henni að við ættum
að læra af reynslu nágrannaþjóða okk-
ar um að ekki væri hyggilegt að hafa
íbúðabyggð og stóriðju nálægt hvort
öðru. Það ætti að vera óþarfi að hafa
byggðina ofan í stóriðjunni þegar svo
mikið af óbyggðu landi væri til sem
raun ber vitni. Það væri því alger
óþarfi að stefna í átt tii álversins með
nýja byggð.
I máli Rannveigar kom m.a. fram
að eftir stækkunina muni framleiðni í
álverinu aukast úr 233 tonnum á mann
og í 325 tonn. Um 200 manns munu
að meðaltali vinna við stækkunina og
eru hafnarframkvæmdir þá undan-
skildar. Öll verkin verða boðin út og
reynt verður að búta verkþætti niður
þannig að íslendingar ráði við að
bjóða í þótt mikið verði sótt erlendis
frá. Þannig er ætlunin að af þeim 160
nýju kerjum sem byggð verða muni 30
verða boðin út hér innanlands.
Hljóðmengun
eykst um 62%
Töluvert var um fyrirspurnir til
framsögumanna á fundinum, einkum
um mengunarmál. Meðal annars var
spurt um hljóðmengun sem stafar að-
allega frá uppskipun á súráli. I svari
Rannveigar við fyrirspurn um þetta
efni kom fram að súrálsflutningar til
álversins eftir stækkun myndu aukast
um 62% og þar af leiðandi myndi
hljóðmengun frá þeim aukast að sama
skapi. Búnaðurinn sem gefur frá sér
þennan hávaða er ætlaður til að verjast
mengun frá þessari uppskipun þannig
að ein mengunarvöm hér hefði í för
með sér aðra.
Búseti kynnir starfsemi sína í Hafnarfirði á sunnudaginn
Nær 250 Hafnfirðingar eru í Búseta
Kostnaöur
á inámiði
35.000 ...
Samanburður húsnæðiskostnaðar
Félagslegar bilseluréllarlbdilir/Fflagslegar eignaríbúöir
Árstekjur
:: 2.400.000
2.200.000
2.000.000
1.800.000
1.600.000
1.400.000
1.200.000
1.000.000
500.000
1 2 .3 4 5 6
3 FólagsÍegar búscturéttaríbúðir
? 1'élagSlegar eiguanbúöir
Arstekjur
Hér sést hve hagstætt búseturéttarkerfið er m.v. félagslegar eignaríbúðir
Á sunnudaginn kemur mun Bú-
seti kvnna starfsemi sína í Hafnar-
firði en alls eru nú nærri 250 Hafn-
firðingar í félaginu. Auk þess verður
kynnt samstarf Búseta og Búnaðar-
bankans sem ber heitið Búsparnað-
ur en það er sparileið sem ætluð er
til að auðvelda fólki að eignast þak
yfir höfuðið.
"Miðað við önnur sveitarfélög eru
margar búsetaíbúðir í Hafnarfirði og
við stofnuðum sérstaka deild í bænum
síðasta vetur," segir Reynir Ingibjarts-
son formaður deildarinnar. "Nú eru
þegar 65 íbúðir sem Búseti hefur
byggt og ráðstafað í bænum og við
höfum áhuga á að festa enn frekar ræt-
ur í Hafnarfirði. Því erum við nú með
opið hús sem verður að Suðurhvammi
13 en auk þess verða sýndar nýjar
íbúðir að Engihlíð 3a."
1 máli Reynis kemur einnig fram að
samskipti Búseta við bæjaryfirvöld
hafa verið með miklum ágætum og
hann á von á að svo verði einnig í
framtíðinni.
Búsparnaður
Hvað Búsparnaðinn varðar segir
Reynir að hugsunin á bakvið hann sé
að félagsmenn í Búseta geti sparað
fyrir kaupum á búseturétti í stað þess
að taka lán fyrir honum. "Það eru eng-
ar aldurstakmarkanir á því hvenær fólk
getur gerst félagi í Búseta, og
Búspamaði er einkum beint til barna
og unglinga," segir Reynir. "Það er al-
gengt á hinum Norðurlöndunum að
bömum og unglingum sé gefið stofn-
framlag á reikning eins og Búspamað.
Þannig að um tvítugsaldur getur þetta
fólk verið í þeirri stöðu að þurfa ekki
að bíða eftir að fá að kaupa búseturétt
enda kannski búið að vera félagar í 10
ár eða meir."
1 máli Reynis kemur fram að með
þessari spamaðarleið sé verið að höfða
til framtíðarinnar og stór þáttur sé að
fá fólk til að kynna sér þessi mál og fá
upplýsingar.
Hvað nánustu framtíð varðar hjá
Búseta og verkefni sem framundan eru
segir Reynir að framkvæmdir ráðist af
lánum og lóðaframboði. Hér í Hafnar-
firði er nú skortur á góðum lóðum og
því ekki hægt að segja nákvæmlega til
um umfang framkvæmda á næstunni.
"Búsetaformið er hinsvegar orðið
að mjög álitlegum kosti í húsnæðis-
málum og hagstæðara fyrir fólk en til
dæmis húsbréfakerfið eða félagslega
eignaríbúðakerfið," segir Reynir.
Reynir Ingibjartsson.