Fjarðarpósturinn - 20.01.2005, Blaðsíða 7

www.fjardarposturinn.is 7Fimmtudagur 20. janúar 2005
Úrslit:
Körfubolti
Úrvalsdeild karla:
Tindastóll - Haukar: 79-74
Handbolti
Úrvalsdeild kvenna:
Fram - Haukar: 19-26
FH - Víkingur: 27-29
Næstu leikir:
Handbolti
22.1. kl. 13.30, Kaplakriki:
FH - Valur
(úrvalsdeild kvenna)
23.1. kl. 19.30, Ásvellir:
Haukar - Grótta KR
(úrvalsdeild kvenna)
Körfubolti
20.1. kl. 19.15, Ásvellir:
Haukar - UMFG
(úrvalsdeild kvenna)
25.1. kl. 19.15, DHL-Höllin
KR - Haukar
(úrvalsdeild kvenna)
Maraþon
sjósund
Maraþonsund SH-inga í
sjónum fór fram sl. laugardag
til styrktar fórnarlömbum
hamfaranna í Asíu
Þá þreyttu sjö sundmenn úr
SH sjósund í Fossvoginum í
samvinnu við Sjósundfélag
Íslands. Sundið var þreytt til
styrktar fórnarlömbum nátt-
úruhamfaranna í Asíu. Alls
þreyttu 19 sundmenn sundið.
SH-ingarnir voru Hrafnkell
Marinósson, Hilmar Hreins-
son, Steinn Jóhannsson, Birna
Ólafsdóttir, Róbert McKee,
Gísli Johnsen og Júlíus Ívars-
son.
Sjórinn var um ein gráða og
því urðu menn að gæta hófs og
vera ekki of lengi ofan í. SH-
ingarnir fóru frá einu sinni og
upp í fjögur skipti ofan í og
voru frá 1,30 mín og upp í
rúmar fjórar mínútur í sjónum.
Uppákoman tókst vel og tókst
hópnum að safna vel á aðra
milljón í áheitum. Er það von
þeirra sem stóðu að sundinu að
peningarnir komi að góðum
notum í uppbyggingarstarfinu
sem er framundan.
Nýr þjálfari FH
stúlkna
Slavko Bambir var í dag
ráðinn þjálfari meistaraflokks
kvenna í handknattleik.
Slavko, sem er fyrrverandi
landsliðsþjálfari íslenska
kvennalandsliðsins, mun
stjórna liðinu fram á vor en
hann tekur við af Sigurði
Gunnarssyni sem þurfti að láta
af störfum vegna anna í vinnu.
Íþróttir
Bæjarstjórn Hafnarfjarðar
samþykkti á aukafundi 18. jan-
úar tillögu bæjarráðs að lækka
álagningarprósentu
fasteignaskatts á íbúð-
arhúsnæði í 0,335% úr
0.36 eða um nærri 7%
og álagningarprósenta
á atvinnuhúsnæði úr
1.65 í 1,628%.
Með þessu hækka
fasteignagjöldin á
milli ára í samræmi
við almenna verðlags-
þróun og munu því
ekki taka mið að
þeirri gríðarlegu hækkun sem
áður var boðuð af meirihluta
Samfylkingarinnar.
Atburðarrásin var að á fundi í
bæjarstjórn Hafnarfjarðar í síð-
ustu viku óskuðu bæjarfulltrúar
Sjálfstæðisflokksins eftir nánari
skýringum og útreikningum á
tillögu Samfylkingar um að
fasteignagjöld 2005 hækkuðu
ekki umfram þau 11,5% sem
gert hafi verið ráð fyrir í
fjárhagsáætlun. Eftir miklar
umræður var fallist á að vísa
tillögunni til meðferðar í bæjar-
ráði og til aukafundar á bæjar-
stjórn. Bæjarráð samþykkti svo
samhljóða ofna-
greinda tillögu um
hækkun til samræmis
við verðlagsþróun.
Þar með hefur til-
laga Sjálfstæðis-
flokksins til varnar
stórhækkunum á fats-
eignagjöldum náð
fram að ganga og það
er auðvitað mjög
ánægjulegt þegar
ráðandi meirihluti
bakkar frá fyrri áformum. Bæj-
arbúar hafa ástæðu til að fagna
þessari niðurstöðu sem færir
okkur heim sanninn um að með
markvissri og ábyrgri pólitískri
vinnu og málflutningi er jafnvel
hægt að fá meirihlutavaldið til
að beygja af. Það er einnig ljóst
að það hefði vægast sagt litið
illa út fyrir Samfylkinguna að
halda til streitu fyrri áformum
um verulega hækkun fasteigna-
gjalda.
Fasteignagjöld
Samfylkingin bakkar
Haraldur Þór
Ólason
Í lögum um tekjustofna sveitar-
félaga nr. 4/1995 er gert grein fyr-
ir að fasteignaskattar séu einn af
þremur grunntekjustofnum sveit-
arfélaga til almenns reksturs, auk
útsvars og framlaga úr jöfnunar-
sjóði sveitarfélaga. Flestir tengja
skattinnheimtuna því að það sé
verið að greiða til gatna- eða um-
hverfisþátta, en í raun skiptir engu
máli hvort fasteignaskattar séu
síðan nýttir af sveitarfélögunum
vegna t.d. kostnaðar við snjó-
mokstur, leikskólarekstur eða
íþrótta- og æskulýðsstarfs.
Á árabilinu 1999-2004 eru fast-
eignaskattar í Hafnarfirði árlega
að meðaltali 12-13% af heildar-
skatttekjum sveitarfélagsins, en
útsvarstekjur 79-80%. Víða á
landsbyggðinni eru hlutföllin allt
önnur þar sem þáttur jöfnunar-
sjóðs sveitarfélaga er mun stærri
hlutur af heildarskatttekjum.
Ákvörðun álagningarstofns og
prósentu
Fasteignaskatturinn skal vera
ákveðið hlutfall af álagningar-
stofni sem metin er samkvæmt
reglum um Fasteignamat ríkisins.
Stofninn tekur mið af breytingu
verðlags á fasteignamarkaði við
kaup og sölu sl. 12 mánuði á und-
an. Skal sveitarfélögum fyrir 1.
desember ár hvert látnar í té skrár
yfir þeir breytingar sem hafa
orðið á árinu.
Á þessu ári birti yfirfasteigna-
matsnefndin framreiknistuðla
þann 23. desember sl. Þar kemur
fram að í Hafnarfirði (sama breyt-
ing á öllu höfuðborgarsvæðinu,
nema Seltjarnarnesi) hækkar
atvinnuhúsnæði að meðaltali um
6% (5% árið 2003), fjölbýlis-
húsaeignir um 13% (10% árið
2003) og sérbýlishúsaeignir um
20% (5% árið 2003).
Í fjárhagsáætlun Hafnarfjarðar
vegna ársins 2005 sem afgreidd
var í bæjarstjórn strax í byrjun
desember sl. (áður en að fram-
reiknistuðlarnir voru birtir) var
stuðst við þá forsendu
að atvinnuhúsnæði
hefði hækkað um 8%
en íbúðahúsnæði um
13%.
Á grundvelli þessa
var stuðst við sömu
álagningarprósentu og
árið á undan. Mikil-
vægt er að skv. lögun-
um er ekki mögulegt að
breyta álagningarprós-
entu á milli sérbýlis og fjölbýlis,
en prósentan var 0,36% í
Hafnarfirði vegna íbúðahúsnæðis
og 1,65% vegna atvinnuhús-
næðis. Hámarksheimild sbr. 3. gr.
áðurnefndra laga er 0,625%
vegna íbúðarhúsnæðis og 1,65%
vegna atvinnuhúsnæðis.
Hluti af útsvarinu fer í
jöfnunarsjóðinn
Í nóvember sl. gerði Árni
Magnússon félagsmálaráðherra
grein fyrir því hversu mikið hvert
einstakt sveitarfélag á landinu
hefði ekki nýtt af mögulegum
tekjustofnum sínum í umræðu og
svari á Alþingi vegna tekju-
skiptingar ríkis og sveitarfélaga.
Þar kemur fram að miðað við
fullnýtingu álagningarinnar
(hæstu mögulegu prósentu) hefði
orðið skatttekjuaukning í Hafn-
arfirði upp á 148 millj. kr. árið
1999, 176 millj. kr. árið 2000, 211
millj. kr. árið 2001, 267 millj. kr.
árið 2002 og 254 millj. kr. árið
2003. Mikilvægt er að þrátt fyrir
að á þetta hafi verið bent í
umræðu um rekstrarvanda sveit-
arfélaga að skattinnheimta má
aldrei vera óhófleg. Mikilvægara
er að huga frekar að jöfnuði í
skiptingu skatttekna milli ríkis og
sveitarfélaga.
Í sama svari kemur fram að á
sama árabili eru út-
svarstekjur og fast-
eignaskattur í Hafnar-
firði eru um 92-93% af
heildarskatttekjum
(eins og áður kom
fram). Skatttekjur úr
jöfnunarsjóði sveitar-
félaga nema því um
8% af heildinni. Það
eru hinsvegar ekki
margir sem vita að af
útsvarinu (13,03%) er greitt beint
til jöfnunarsjóðsins 0,77%, eða
m.ö.o. renna 12,26% til Hafnar-
fjarðar hverju sinni.
Miðað við það að útsvarið
myndi renni allt óskipt til Hafnar-
fjarðar hefði mátt gera ráð fyrir að
á árinu 2005 hefði orðið 60-70
milljónum króna tekjuaukning
m.t.t. þeirra framlaga sem Hafn-
arfjarðarbær fær úr sjóðnum. Það
væri því kostur fyrir Hafnarfjörð
að það sem íbúar bæjarins greiða
með sköttum sínum, að hlutfall
jöfnunarsjóðsins myndi lækka,
mun meira yrði eftir í heima-
byggð.
Lækkun álagningarprósentu í
Hafnarfirði
Af framansögðu er það ljóst að
miðað við þá umræðu sem verið
hefur uppi um tekjustofna sveitar-
félaga, skiptingu á skatttekjum
ríkis og sveitarfélaga, að mjög
varlega þarf að fara í endurmat
hverju sinni á álagningarprósentu
þar sem skattinnheimtan ræðst af
sveiflum á markaði. Þrátt fyrir að
sveitarfélagið fullnýti ekki heim-
ildir sínar, þá má skattinnheimtan
ekki vera óhófleg, tengd sveiflum
á markaði. Vel má vera að skyn-
samlegra væri að bein tengja inn-
heimtuna því ennfrekar stærð,
rúmmáli og aldri eigna (þó má
einnig deila um slíkt).
Mikilvægt er hinsvegar alltaf að
nýta það svigrúm til lækkunar
hverju sinni, líkt og nú, þar sem
stofninn hækkar umfram það sem
fjárhagsáætlun gerði ráð fyrir. Þess
vegna var samþykkt nær sam-
hljóða tillaga í bæjarstjórn um 7%
lækkun álagningarprósentunnar í
0,335% fyrir íbúðahúsnæði, auk
lækkunar á stuðlinum fyrir
atvinnuhúsnæði í 1,628%.
Með þessari breytingu munu
nást fram heildarmarkmiðin í
fjárhagsáætlun vegna tekju-
stofnsins. Það er einnig vonandi
að álagningarreglum verði breytt
á árinu af hálfu löggjafans á þann
hátt að nýjar eignir komi strax til
álagningar (lagt á í rauntíma), en
ekki sé einungis lagt á fasteignir
miðað við skráningu eigna 1.
desember ár hvert. Slíkt myndi
stuðla að jöfnuði.
Að lokum má ekki gleyma
veigamesta þættinum sem er að
Samband íslenskra sveitarfélaga
og félags- og fjármálaráðherra
(Alþingi) beiti sér fyrir því að
fullum krafti að sú endurskoð-
unarvinna á tekjustofnum sveitar-
félaga sem hófst fyrir alllöngu
verði lokið hið fyrsta. Til fram-
tíðar gætum við því séð áhrif
jöfnunarsjóðsins og fasteigna-
skattsins breytast og jafnvel allt
aðra meðhöndlun á tekjuskatti
ríkis og útsvari sveitarfélaga.
Höfundur er forseti bæjar-
stjórnar Hafnarfjarðar.
Á að stokka upp fasteignaskattakerfið?
Gunnar
Svavarsson
St. Georgsgildið í Hafnarfirði,
sem er félag eldri skáta, stendur
fyrir kynningarfundi um
stjörnuskoðun í skátaheimilinu
Hraunbyrgi v/ Hjallabraut mið-
vikudaginn 26. janúar kl. 20.
Þar greinir Úlfar Harri Elías-
son, kennari í Iðnskólanum, frá
ýmsum leyndardómum himin-
hvolfsins og hvernig hægt er að
stunda stjörnuskoðun án mikils
kostnaðar. Ef stjörnubjart verð-
ur gefst tækifæri til að líta í
stjörnukíki.
Úlfar hefur stundað fjarnám í
stjörnufræði við háskóla í
Ástralíu og lýkur því námi í vor.
Aðgangur er ókeypis og allir
velkomnir.
Viltu þekkja
stjörnuhimininn?
Eldri skátar halda opinn fund
Bílstjóri hjá Hópbílum tók þessa mynd af ágengum gæsum við 10-
11 við Melabraut í hádeginu á þriðjudag.
Ágengar gæsir