Fjarðarpósturinn - 19.07.2007, Blaðsíða 6
6 www.fjardarposturinn.is Fimmtudagur 19. júlí 2007
Þann 18. júní s.l. lagði 15
manna hópur af stað í rúmlega
tveggja vikna ferð frá Íslandi til
Odobesti í Rúmeníu. Í hópnum
voru átta Hafnfirðingar. Farar -
stjórar voru þær Sóley Jónsdóttir
þroskaþjálfi og Þóra Lilja
Sigurðar dóttir félagsfræðingur.
Tilgangur ferðarinnar var sjálf -
boðaliðastarf í barnaþorpinu í
Odobesti í Rúmeníu sem er lítill
bær norðvestur af Búkarest.
ICC, kristileg samtök
Alþjóðlega barnahjálpin (Inter -
national Children´s Care, ICC)
eru kristinleg samtök sem stofn uð
voru fyrir 19 árum og starfa nú í
18 löndum. Samtökin voru stofn -
uð í kjölfar jarð skálftanna í
Guatemala árið 1976 þegar mörg
börn urðu heimilis laus. Frá þeim
tíma hafa samtökin hlúð að fjöl -
mörgum börnum bæði börnum
sem hafa misst foreldra sína eða
verið yfirgefin. Markmið sam -
takanna er að búa þessum börnum
heimili þannig að þau séu hluti af
fjölskylduheild. Á hverju heimili
eru hjón sem sjálf eiga börn. Þar
búa eða starfa líka „amma“ eða
„frænka“. Einkunnarorð samtak -
anna eru : að búa börnum heimili,
fjölskyldu og framtíð.
Odobesti
Barnaþorpið í Odobesti var
reist árið 1997 og búa þar nú þrjár
fjölskyldur með 8-9 börn hver.
Flest barnanna komu þangað á
fyrsta ári og eru þau á aldrinum 4
til 13 ára. Í barnaþorpinu eru
gróðurhús og ætlunin er að hefja
brauðgerð á þessu ári og byggja
upp smáiðnað.
Hópurinn frá Íslandi kom með
gjöf til starfsins sem safnaðst
hafði hér á landi til kaupa á
tækjum fyrir brauðgerðina.
Fjölmargir styrktu verkefnið, Byr
Sparisjóður, Hótel Keflavík,
Netagerð Jóns Holbergsson og
fjöldamargir einstaklingar auk
söngvaranna Davíðs Ólafssonar,
Hlífar Pétursdóttur, Sonju
Guðna dóttur og Kristínar Guðna -
dóttur sem ljáðu ICC rödd sína á
styrktartónleikum í mars.
Tveir Hafnfirðinganna höfðu
áður dvalið í Rúmeníu þekktu vel
til starfsins og töluðu rú mensku.
Hópurinn hafði góða aðstöðu í
húsi sem ætlað er sjálfboðaliðum
en það var reist af Belga sem gaf
húsið til afnota fyrir sjálfboðaliða.
Málningarvinna og fótbolti
Vinnudagurinn byrjaði snemma.
Eftir morgunverð var haldið til
starfa og unnið til hádegis. Eftir
hádegisverð var hvíldartími yfir
heitasta tíma dagsins og síðan
unnið frá klukk an fjögur til sjö.
Að kvöldverði lokn um fóru oft
nokkrir úr hópnum og léku við
börnin, t.d. í fótbolta. Þess má
geta að Lands bankinn gaf nokkra
tugi af fót boltum sem hópurinn
gaf vítt um Rúmeníu og komu
boltarnir sér afar vel.
Hitinn var gríðarlegur allan
tímann og fór suma daga upp í 40
gráður í forsælu. Mestur hluti
vinnunnar fólst í að mála gríðar
stóra girðingu í kringum barna -
þorpið. Einnig var farið í heim -
sókn á sjúkrahúsið í Titu þar sem
mæður fengu föt á nýfædd börn
sín og farið var með fatnað farið á
barnadeild spítalans. Farið var
með mat og klæðnað á svæði þar
sem götubörn í Búkarest halda til
en talið er að hundruð þúsunda
búi þar á götum úti.
Að sögn hópsins var mjög átak -
anlegt að sjá við hvaða aðstæður
fólkið býr þarna. Áfengis- og
fíkniefnavandi er mikill. Þá var
farið í sígaunaþorp með mat og
fatnað til fátækra fjölskyldna og
var hópnum afar vel tekið.
ICC samtökin í Rúmeníu
skipulögðu einnig heimsóknir til
fátækra fjölskyldna og ein stakl -
inga í nágrenni barna þorps ins og
var þurfandi gefinn fatnað ur og
aðrar nauðsynjar.
Eitt fátækasta land Evrópu
Rúmenía er eitt fátækasta land -
ið í Evrópu. Jarðvegur er frjó -
samur og skilyrði til ræktunar
góð. Á þeim tíma sem hópurinn
var þar voru kirsuberin fullþroska
og alls staðar var hægt að tína ber
á ávaxtatrjám. Einnig naut hóp ur -
inn góðs af rausnarskap nágrann -
anna sem færði hópnum ný sprott -
ið grænmeti eða komu með
drykki og rjómaís.
Hestur og kerra eru þarfasti
þjónninn og á götum ægir saman
bílum og hestvögnum auk hópa
fólks sem er að selja afurðir sínar
sér til lífsviðurværis. Fólkið er
glaðlegt og gestrisið að sögn
Hafnfirðinganna.
Forréttindi
„Það eru mikil forréttindi að fá
að fara í vinnuferð sem þessa.
Andstæðurnar eru miklar, bæði
ríkidæmi og fátækt og má segja
að það sem aldrei gleymist sé
lífsgleði og nægjusemi þessa
fólks sem býr við svo lítið. Það er
afar elskulegt og gestrisið. Það
vill sjálft gefa af því litla sem það
á, t.d. egg, ber eða heimalagað
berjamauk“, segir Guðrún Úlf -
hild ur einn Hafnfirðingurinn í
hópnum. Í lok ferðarinnar fór
hópur inn í nokkurra daga ferðalag
og naut náttúrufegurðar landsins.
Til að fá frekari upplýsingar um
Alþjóðlegu barnahjálpina, ICC á
Íslandi, er hægt að senda tölvu -
póst á netfangið icc@internet.is
Hafnfirðingarnir í ferðinni:
Guðrún Úlfhildur Grímsdóttir
Hlynur Sigurðsson
Ingibjörg Ásta Hjálmarsdóttir
Jón Holbergsson
Kristján Ari Sigurðsson
Sigurborg Pétursdóttir
Sóley Jónsdóttir
Þóra Lilja Sigurðardóttir
Dvöldu í barnaþorpi í Rúmeníu
Átta Hafnfirðingar í sjálfboðaliðastarfi
Hópurinn í heimsókn í einu af heimilunum en alls staðar var tekið vel á móti hópnum.
Nágrannarnir sem færðu þeim grænmeti, drykki og rjómaís.
Byggt var við hús gamla mannsins í miðjunni.
Gamalt og nýtt mætast í Áslandi 3, hesthús og íbúðarhús.
L
j
ó
s
m
.
:
G
u
ð
n
i
G
í
s
l
a
s
o
n