Fjarðarpósturinn - 12.02.2009, Blaðsíða 2
Fjárhagsástand Hafnarfjarðarbæjar er slæmt.
Það er það líka í öðrum sveitarfélögum. Óseldar
lóðir og skil á lóðum sem þegar höfðu verið
seldar valda bæjarfélaginu þungum búsifjum.
Það má velta því fyrir sér af hverju ástandið sé
svona slæmt? Af hverju voru svona margar lóðir
tilbúnar, þetta voru ekki aðeins íbúðarlóðir
heldur atvinnulóðir líka. Framboð lóða hefur
verið mjög brokkgengt á undanförnum áratug -
um. Stefnuleysi og skortur á skýrri framtíðarsýn hefur orðið þess
valdandi að ávallt er verið að leysa vandamál líðandi stundar.
Stundum hafa skiptar skoðanir orðið þess valdandi að hverfi sem var
nær tilbúið í skipulagi var sett í ruslafötuna af því nýr meirihluti vildi
aðra forgangsröðun og engar lóðir þá úthlutaðar í heilt ár á meðan
annað hverfi var skipulagt. Skipulag hverfa og úthlutun lóða hafa oft
ráðist á annarlegum sjónarmiðum og hafnfirskir verktakar hafa ráðið
miklu um skipulag fjölbýlishúsalóða enda sátu þeir nánast einir að
slíkum lóðum til margra ára. Þetta var þátíðin.
Nú er framtíðin fyrir fótum okkar og enginn æsingur við að
skipuleggja ný hverfi enda mikið til af lóðum. Nú er tími til þess að
setjast niður og skoða hvernig bæjarfélag við viljum. Viljum við
ljósgráar eða dökkgráar steinaðar blokkir sem hannaðar eru af
metnaðarleysi eða viljum við hverfi þar sem fólk er stolt af að búa í,
þar sem fólk en ekki bara bílar og peningagræðgi er í fyrirrúmi. Nú
er að koma kjörinn tími fyrir ráðstefnur um framtíðarsýn
Hafnfirðinga í þróun byggðar, ráðstefnur um betri íbúðir sem eru
betur í takt við þær þjóðfélagsbreytingar sem hafa orðið á undan -
förnum áratugum. Viljum við ekki vita hvernig bærinn eigi að
þróast? Viljum við ekki vita hvernig það er að ferðast um bæinn,
hvort sem það er gangandi, hjólandi eða akandi? Viljum við ekki
vita hvort við hættum að sjá stjörnurnar vegna ljós mengunar frá illa
hannaðri götulýsingu og óþarfa lýsingu hér og þar? Hafnfirðingar!
Nú höfum við tíma til að hugsa og undirbúa okkur.
Guðni Gíslason
2 www.fjardarposturinn.is Fimmtudagur 12. febrúar 2009
Útgefandi: Keilir ehf. útgáfufélag, kt. 480307-0380
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf., umbrot@fjardarposturinn.is
Ritstjóri og ábm.: Guðni Gíslason
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. Dreifing: Íslandspóstur
ISSN 1670-4169 – Vefútgáfa: ISSN 1670-4193
www.fjardarposturinn.is
Víðistaðakirkja
Sunnudagurinn 15. febrúar
Fjölskylduhátíð kl. 11.00
Sunnudagaskólinn og fjölskylduguðsþjónustan
saman í einni stórri fjölskylduhátíð.
Stúlknakór Víðistaðakirkju syngur
undir stjórn Áslaugar Bergsteinsdóttir
Kyrrðarstundir
á miðvikudögum kl. 12.00
Súpa og brauð í safnaðarheimilinu á eftir.
Opið hús fyrir eldri borgara
á miðvikudögum kl. 13.00
Spil, spjall og kaffiveitingar
Foreldrastundir
á fimmtudögum kl. 13.00
Gefandi samvera fyrir heimavinnandi foreldra.
www.vidistadakirkja.is
Allir velkomnir!
Bragi J. Ingibergsson,
sóknarprestur
TÖLVUHJÁLPIN
Tek að mér vírushreinsanir,
viðgerðir, uppfærslur og
uppsetningar á PC tölvum
Mæti í heimahús
Sanngjarnt verð
Sími 860-7537
Ástjarnarkirkja
Kirkjuvöllum 1
Aðalfundur Fram
Landsmálafélagið Fram heldur aðal -
fund sinn í kvöld, fimmtudaginn 12.
febrú ar kl. 20 í Sjálfstæðihúsinu,
Norður bakka 1.
Sýningar í Bæjarbíói
Á laugardaginn kl. 16 sýnir Kvik -
mynda safn Íslands samsetta dagskrá
af myndum frá Konungskomum til
Íslands frá árunum 1907-1930. Fyrsta
myndin í syrpunni er stutt mynd frá
konungs kom unni 1907 og með alelsta
kvikmyndaefni sem til er í Kvik mynda -
safninu. Síðan eru myndir frá 1921,
1926 og síðast frá 1930.
Sýningarlok í Hafnarborg
Sunnudaginn 15. febrúar lýkur sýning -
unum Íslenskir listamenn ljósmyndir
eftir Jónatan Grétarsson og Þættir,
verk eftir Björgu Þorsteinsdóttur.
Jónatan hefur ljósmyndað íslenska
listamenn og eru rúmlega 40 portrett
af þekktum listamönnum á sýning -
unni. Björg sýnir málverk, teikningar,
þrívíð verk og verk unnin með austur -
lenskri Shibori tækni.
Evrópufundur Samfylkingar
Gunnar Svavarsson, alþingismaður,
Dagur B. Eggertsson, borgarfulltrúi og
Kristrún Heimisdóttir, lögfræðingur
verða frummælendur á fundi Sam -
fylkingarinnar um Lýðræði og sveitar -
stjórnarmál í Evrópu. Fundurinn verður
í Samfylkingarhúsinu, Strandgötu 43
mánudagskvöldið 16. ferbrúar kl. 20.
Aðalfundur Hauka
Aðalfundur Knattspyrnufélagsins
Hauka verður haldinn þriðjudaginn
17. ferbrúar kl. 17 að Ásvöllum.
Aðalfundur Kvenfélags
Fríkirkjunnar
verður haldinn þriðjudaginn 17.
febrúar kl. 20.30 í safnaðarheimili
Fríkirkjunnar.
Aðalfundur Vorboða
Þriðjudaginn 17. febrúar kl. 20 í
Sjálfstæðishúsinu Norðurbakka 1.
Á þriðjudaginn kl. 20 sýnir Kvik mynda -
safnið japönsku kvikmyndina Ras -
homon sem fór sem stormsveipur um
Feneyjar árið 1951 og hirti að lokum
gullna ljónið
Powertalk fundur
Powertalk Int. deildin Íris heldur opinn
fund þriðjudaginn 17. febrúar kl 20-
22 í Hásölum (litla sal) safnaðarheimili
Hafnarfjarðarkirkju.
Láttu nudda
þig til góðs!
Heilsunudd og verkjameðferð
Erlendur M. Magnússon, heilsunuddari
Bæjarhrauni 2, 2.h sími 699 0858
Sunnudaginn 15. febrúar
Fjölskylduguðsþjónusta
kl. 11
Við verðum öll saman í einni stund.
Helga Þórdís Guðmundsdóttir stýrir kór
og safnaðarsöng.
Prestur sr. Þórhallur Heimisson.
Kaffi, djús, ávextir og notalegt skraf
á eftir í safnaðarheimilinu.
Vertu hjartanlega velkomin(n) í kirkjuna þína.
www.astjarnarkirkja.is
Vetrarstarfið
hafið hjá
Stanga -
veiðifélagi
Hafnarfjarðar
Vetrarstarf SVH. hófst um
miðjan janúar s.l. með opnu
húsi og sýnikennslu á hekl -
uðum veiðiflugum. Opin hús
eru öll fimmtudagskvöld fram á
vor og í kvöld verður Pétur
Péturs son með kynningu á
veiði svæðum Eldvatns,
Reykja dalsár og fleiri svæða.
Á laugardaginn kl. 14. verður
aðalfundur félagsins og að
honum loknum flytur Árni
Ísaksson forstöðumaður lax- og
silungsveiðisviðs Fiskistofu
erindi sem nefnist „Veiðigæði“.
SVH er með unglingastarf fyrir
10-16 ára krakka þar sem
þátttaka er þeim að kostnaðar -
lausu. Þar fá þeir fróðleik og
kennslu um veiði, flugu hnýt -
ingar og fl. Forstöðumaður
unglinga starfs er Þröstur Sverr -
isson. SVH hefur líka verið
með námskeið í samvinnu við
námsflokka Hafnarfjarðar í
fluguhnýtingum og flugu -
köstum og er hægt að nálgast
uppl. um þau hjá Námsflokkum
Hafnarfjarðar. Opna húsið í
kvöld hefst kl. 20 og eru allir
velkomnir.
Vildarkort
fyrir 67 ára+
Um 150 Hafnfirðingar fædd -
ir árið 1942 fá nú sent heim
vildar kortið 67+. Kortið veitir
þeim aðgang að söfnum bæjar -
ins og sundlaugum ásamt niður -
greiðslu á þátttökugjöldum í
líkams rækt. Einnig veitir kortið,
handhafa, möguleika á að ferð -
ast með strætó án endurgjalds.
Um 2200 bæjarbúar, 67 ára
og eldri , hafa nú möguleika á
að nýta sér þessi fríðindi.
Nánari upplýsingar í þjón -
ustu veri bæjarins, .