Fjarðarpósturinn - 12.02.2009, Blaðsíða 4
4 www.fjardarposturinn.is Fimmtudagur 12. febrúar 2009
STEBBI
& EYFI
Tónleikar
í Hafnarborg föst. 6. mars
Fyrir skömmu sendi Guð -
laugur Þór Þórðarson frá sér
tilkynningu um skipulags breyt -
ingarnar á St. Jósefsspítala. Þar
kemur ýmislegt fram sem ekki
kom fram á þeim opinberu
fundum sem ráðherrann hefur
haldið né á fundi með starfs -
mönnum St. Jósefsspítala. Í
samtali við Fjarðarpóstinn ítrek -
ar Guðlaugur að unnið hafi verið
með Hafnfirðingum við útfærslu
tillagnanna um heilbrigðis þjón -
ustu í Hafnarfirði og að mark -
miðið væri að halda uppi sam -
bærilegu þjónustustigi en með
minni fjármunum. Eins og kom -
ið hefur fram í fjölmiðlum eru
dæmi um verktakagreiðslur til
lækna upp á 25 millj. kr. á ári mv.
60% starfshlutfall og segir Guð -
laugur að þetta fyrirkomulag sé
ekki ásættanlegt.
Þú segir að markmiðið hafi
verið að losna við ríkisábyrgð á
verktakarekstri í Hafnarfirði og
nefnir að óeðlilega lítið samræmi
sé millli launa þeirra lækna sem
þar starfa og annars staðar í
heilbrigðiskerfinu. Viltu skýra
þetta nánar og af hverju var þetta
ekki komið fram fyrr?
Þetta fyrirkomulag er arfur
eldri aðferða sem hafa verið
kölluð ferliverk. Þ.e. ríkisstofnun
greiðir eingögnu lækninum
verktakalaun en aðrir starfs -
menn eru á launaskrá hjá ríkinu.
Afleiðing af þessu fyrirkomulagi
er að greitt er samkvæmt af -
köstum til læknisins en aðrir
starfs menn njóta ekki sömu
skilmála. Í þeirri aðferð sem nú
er farið að nota eru verkin boðin
út eða samið um í gegnum
Sjúkratryggingar Íslands við
heilbrigðisstofnanir og þróunin
hefur verið að greiða fyrir unnin
verk.
Í niðurstöðum „skurðstofu -
hóps“ kemur fram að lítill sem
enginn munur sé á kostnaði við
sam svarandi aðgerðir LSH og
St. Jóh. þrátt fyrir að gera mætti
ráð fyrir hærri kostnaði á LSH
vegna m.a. vakta, gjörgæslu o.fl.
Hvernig fæst þá hagræðing
upp á 160 millj. kr.?
Miðað við bestu upplýsingar
er lítill munur á kostnaði á St.
Jóh og LSH. Hagræðingin ræðst
af tveimur ólíkum þáttum. Ann -
ars vegar er verið að flytja al -
mennar skurðlækningar og háls-,
nef- og eyrnaaðgerðir inn á LSH
á svokölluðum „jaðar kostnaði“.
Það þýðir að verið er að nýta
umframafkastagetu LSH á þessu
sviði og var LSH boðið að taka
verkefnið að sér fyrir 50% af
núverandi kostnaði.
Hins vegar var lagt upp með
að nýta tvær skurðstofur í Kefla -
vík í stað þeirra fjögurra sem eru
nú til staðar og bjóða starfsfólki
St. Jóh að taka fjárhagslega
ábyrgð á þeim rekstri á grund -
velli þeirrar reynslu sem er af
útboðum á aðgerðum utan LSH.
Reynslan sýnir að aðgerðir sem
unnar eru utan LSH eigi að
vinnast á 30-35% lægri kostnaði
en innan LSH. Til að gæta hófs í
kröfum gerðum við ráð fyrir
25% afslætti frá LSH verði í okk -
ar útreikningum. Ein af for -
sendum þess að ná svona
árangri er að sameina kven -
sjúkdómaaðgerðir, lýtaaðgerðir,
bæklunar aðgerðir við þann
aðgerða fjölda sem er til staðar í
Keflavík og ná þannig upp góðri
nýtingu á þeirri skurðstofu í
dagvinnu og með lágmarks
vakta kostnaði.
Augnaðgerðir sem eru þegar í
göngudeildar þjónustu á St.
Jósefsspítala voru utan við þessa
útreikninga enda er ekki reiknað
með sparnaði við framkvæmd
þeirra.
Áætlaður er 200 millj. kr.
sparnaður við flutning göngu -
deildar meltingasjúkdóma og
lyflækninga spari árlega 200
millj. kr. Í hverju felst sá
sparnaður?
Hér komum við aftur að
samlegðar áhrifum sem
stjórnendur LSH teljast liggja í
að ná þessu öllu á einn stað.
Hagræðing þessi getur bæði
falist í kostnaði sem nú er á St.
Jósefsspítala og einnig í þeirri
starfsemi sem er á LSH í dag.
Margt af því sem gert er á St.
Jósefsspítala í þessu efni er vel
gert en því er ekki að leyna að
kjör sérfræðinga í sömu grein
eru töluvert betri á St.
Jósefsspítala en LSH.
Er gert ráð fyrir fjárhagslegri
að komu Hafnarfjarðarbæjar
vegna stofnkostnaðar við breyt -
ingar á St. Jósefsspítala?
Ekki var gert ráð fyrir því en
vissulega væri það fagnaðarefni
fyrir ríkissjóð ef Hafnfirðingar
gætu lagt eitthvað af mörkum í
því.
Hvaða lágmarks rannsóknar -
aðstöðu yrði viðhaldið í Jósefs -
spítala (rannsóknarstofa á
heilsugæslunni legðist af)?
Raunar gerðum við ráð fyrir
að sú starfsemi yrði með svip -
uðum hætti og er nú á heilsu -
gæslunni en með betri aðstöðu.
Nýlega er búið að taka rann -
sókn araðstöðuna í gegn í St.
Jósefs spítala þó vissulega sé
ekki vítt til veggja þar. Þessi
tilflutningur á rannsókn úr hús -
næði heilsugæslunnar losar rými
þar sem Heilsugæsla höfuð -
borgarsvæðisins þarf að nota í
annað. Margt af þessum breyt -
ingum sem við höfðum skipulagt
hangir hvað á öðru og ef einn
hlekkur í keðjunni klikkar er
erfitt að láta allt ferlið ganga
upp. Ekki síst í því ljósi er það
óheppileg umræða um starf
þeirra fjölmörgu sérfræðinga og
stjórnenda sem komið hafa að
þessari vinnu þegar fullyrt er að
undirbúningurinn hafi verið
ófullnægjandi.
Voru háar greiðslur til lækna
ein ástæða breytinga?
Guðlaugur Þór Þórðarson, fv. heilbrigðisráðherra svarar Fjarðarpóstinum
Guðlaugar Þór ávarpar Hafnfirðinga á borgarfundi.
L
jó
s
m
.:
G
u
ð
n
i
G
ís
la
s
o
n