Fjarðarpósturinn - 12.02.2009, Blaðsíða 6
Undarfarnar vikur hefur Björg -
unarsveit Hafnarfjarðar farið
nánast daglega til aðstoðar fólki
sem fest hefur bíla sína á vegum í
nágrenni Hafnarfjarðar. Oftast
hefur verið farið á Blá fjalla veg en
hann hefur verið ófær í þó
nokkurn tíma en Vega gerðin fór
þó eftir ítrekaðar beiðnir sveit -
arinnar og setti upp skilti á veginn
sem sögðu veginn ófæran.
6 www.fjardarposturinn.is Fimmtudagur 12. febrúar 2009
Innsæið er sjötta þrepið í Rope
yoga hugmyndafræðinni. Þegar
við höfum farið í gegnum fimm
fyrstu þrepin þ.e. vitund, ábyrgð,
ásetningur, trúfesta og fram -
ganga, þá fer innsæi að birtast
okkur. Innsæi er leiftur sem birt -
ist okkur og hverfur um leið og
við byrjum að hugsa. Innsæi er
þegar við hlustum á hjarta okkar
og tilfinningar. Við getum lært að
hlusta á innsæi okkar í stað þess
að hafna því eða hrinda því frá
okkur í hvert skipti sem það birt -
ist okkur.
Hlustaðu á innsæi þitt
Við höfum talað um það í fyrri
greinum að setja sér markmið og
standa við heitbindingar okkar,
sem er gott að gera, en samt sem
áð ur þá er einnig nauðsynlegt að
hlusta á innsæið sitt. Það getur
alltaf eitthvað breyst sem við
sáum ekki fyrir og þá getur verið
nauð synlegt að breyta eða setja
sér ný markmið. Við notum því
innsæi okkar til að færa okkur
aftur inn á rétta braut ef við
höfum farið út af brautinni
Það er í lagi að skipta um
skoðun
Algengt er að við samþykkjum
ýmislegt sem okkur langar ekki
til að samþykkja eingöngu vegna
þess að við óttumst að særa eða
móðga einhvern. Segðu alltaf
sannleikann og þegar við segjum
sannleikann þá getum við ekki
sært nokkurn mann. Það er á
ábyrgð hvers og eins hvernig
hann tekur sannleikanum og
hvort að hann upplifi höfnun.
Það kemur fyrir að við erum búin
að gefa loforð og finnst við þurfa
að standa við það þrátt fyrir að
innsæið okkar segir eitthvað
ann að. Aðstæður geta alltaf
breyst eða tilfinningar okkar og
innsæið. Það er því réttur okkar
að skipta um skoðun ef hjarta
okkar segir svo.
Við höfum ekkert að fela
Þegar við erum heiðarleg og
segjum sannleikann þá höfum
við ekkert að fela og þurfum þar
af leiðandi ekki að óttast að upp
um okkur komist eða að særa
einhvern. Þegar við byrjum á að
segja ósatt þá er auðvelt að
flækjast í lygavef sem veldur
spennu og ótta hjá okkur sjálfum
og vindur oft upp á sig. Það
krefst hugrekkis að segja sann -
leikann og þá höfum við ekkert
að óttast, alveg sama hvað kemur
upp á í lífi okkar.
Hlustum á hjarta okkar
Við hættum að taka okkur
hátíðlega og hlutina persónulega.
Það er alveg sama hvað öðrum
finnst eða hvað aðrir segja við
okkur við tökum það ekki nærri
okkur því að við vitum að við
erum að segja sanneikann. Við
hlustum á hjarta okkar og erum
þar af leiðandi eins og opin bók
og það mega allir lesa okkur. Við
erum óháðir athugendur sem
hvorki dæma né draga í dilka.
Höfundarnir eru rope yoga
kennarar hjá elin.is
Elín
Sigurðardóttir
Margrét Ýr
Einarsdóttir
Heilsuþáttur í boði Fjarðarpóstsins og Elin.is
Segðu alltaf sannleikann
STYRKVEITING TIL
FÉLAGA TIL GREIÐSLU
FASTEIGNASKATTS
Félög sem eiga fasteignir í Hafnarfirði og eru
með starfsemi sem ekki eru reknar í ágóða -
skyni, svo sem menningar-, íþrótta-, æsku -
lýðs- og tómstundastarfsemi og mann úðar -
störf, geta sótt um styrk til greiðslu fast -
eignaskatts.
Styrkirnir taka einvörðungu til fasteigna sem er í
eigu viðkomandi félagasamtaka og eru notuð í
framangreindum tilgangi.
Hægt er að nálgast umsóknareyðublöð í þjónustu -
veri Hafnarfjarðar eða á heimasíðu bæjarins.
Með umsóknunum skulu fylgja, auk almennra
upplýsinga, lög og/eða samþykktir starfseminnar,
ársreikningur síðasta árs eða sambærileg gögn og
stutt greinargerð um notkun fasteignar.
Að öðru leyti gilda reglur bæjarstjórnar Hafnar -
fjarðar um styrkveitingar til greiðslu fasteigna -
skatts sem samþykktar voru 7. mars 2006 og
settar eru með stoð í 7. gr. reglugerðar um
fasteignaskatt nr. 1160/2005.
Umsóknarfrestur er til og með 17. mars nk.
Umsóknum skal skilað í þjónustuver
Hafnarfjarðarbæjar.
Í leikskólum landsins er unnið
margbreytilegt og metnarðarfullt
starf. Hver leikskóli hefur sína
menningu og áherslur eru mis -
jafnar. Í Hafnarfirði er starf -
ræktur leikskóli á vegum bæjar -
ins sem eingöngu er fyrir fimm
ára börn og heitir hann Álfaberg.
Álfaberg er lítill leikskóli með
heimilislegt yfirbragð og í hon -
um eru 28 börn og er þetta þriðja
starfsár hans.
Í leikskólanum starfa saman
leik- og grunnskólakennarar auk
reynslu mikilla starfsmanna.
Lögð er áhersla á að mynda sam -
fellu á milli skólastiganna
tveggja, leik- og grunnskóla.
Mik ið er unnið með stærðfræði,
íslensku, ensku, lífsleikni og
listir. Börnin sækja vikulega tón -
listarkennslu undir handleiðslu
tónlistar kennara í Tónlistarskóla
Hafnarfjarðar. Hádegisverðurinn
er snæddur í Lækjarskóla og fer
barna hópurinn þangað í hádeg -
inu í rútu ásamt kennurum sínum
og þykir það ákaflega spennandi.
Börnin þekkja því grunn skóla -
umhverfið mjög vel þegar komið
er að þeirra grunnskólagöngu,
eins og t.d. stóran matsal, langa
og stóra ganga, fjölbreyttan
barna hóp, stórt ógirt útisvæði og
svo mætti lengi áfram telja.
Margt bendir til þess að fyrri
reynsla hafi mikil áhrif þegar
kemur að því að nema nýja
þekkingu. Hafi börn til að mynda
jákvæða reynslu af stærðfræði er
það gott veganesti fyrir áfram -
haldandi stærðfræðinám. Að
vinna með stærðfræðihugtökin,
fjölda, magn, flokkun í gegnum
leikinn myndar jafnframt ákveð -
inn kunnugleika við næsta skref í
stærðfræðikennslu. Það veitir
börnunum öryggi að hafa leikið
sér á jákvæðan hátt með það sem
bíður þeirra í nýju umhverfi.
Jákvæð upplifun
Í leikskólanum Álfabergi er
höfuð áhersla lögð á jákvæða
upp lifun barnsins á þeim hug -
tökum sem grunnskólinn notar,
svo sem eins og stærðfræði og
íslensku. Að fara út í snjóinn og
gera ýmsar mælingar sem svo
eru skráðar og settar í súlurit er
undantekningalaust ákaflega góð
stærðfræðiupplifun hvers barns í
leikskólanum. Íslenskutími í
leikskólanum hjá fimm ára barni
er einnig ótrúlega skemmtilegur.
Ein af kennsluaðferðunum er að
fara á nokkrar stöðvar í 10-15
mín útur í senn og vinna með
stafi, rím og fleira. Fjölbreytt
verk efni eru á stöðvunum, hreyf -
ing og leikur eru í fyrirrúmi til að
mæta leikgleðinni. Hlutverk
leik skólans er að skapa jákvæða
upplifun og öryggi þeirra barna
sem í honum dvelja dag hvern.
Að byggja upp sterka og já -
kvæða einstaklinga með
heilbrigða sjálfsmynd er mark -
miðið. Lögð er áhersla á að
styrkja félagsfærni barnanna og í
lífsleiknitímum Álfabergs er
mikið unnið með hugtök eins og
traust, umhyggju og vinsemd.
Tekið er fyrir og rætt um til
dæmis hvað er að vera góður
vinur? Hvernig gleður maður
aðra? Hvernig getum við haft
áhrif á líðan annarra? Allt eru
þetta hugleiðingar sem leik -
skólinn skoðar og vinnur með
börn unum ásamt vinsamlegri
snertingu og hlýju. Síðastliðinn
föstudag, 6. febrúar var dagur
leik skólans og héldu margir leik -
skólar upp á hann sérstaklega.
Vonandi var sá dagur til þess að
gera fólk meðvitað um það
uppbyggilega starf sem fer fram
á þessu skólastigi.
Nú stendur yfir innritun í leik -
skólann fyrir komandi skólaár og
viljum við vekja athygli á
heimasíðu leikskólans
www.leikskolinn.is/alfaberg.
Einnig munum við hafa opið hús
fyrir áhugasama þriðjudaginn
17. febrúar frá klukkan 16-17.
Verið hjartanlega vel komin.
Höfundar eru stjórnendur
leikskólans.
Það er leikur að læra
Leikskóli með heimilislegu yfirbragði – aðeins fyrir fimm ára börn
Lilja Kolbrún Steinþórsdóttir og
Ragnhildur Kolbrún Hauks dótt ir
Auglýsing í Fjarðarpóstinum borgar sig!
Auglýsingasíminn er 565 3066 auglysingar@fjardarposturinn.is
Ólafur Haukur Magnússon,
viðskipta- og rekstrarhagfræðingur
Rekstrarráðgjöf
• Rekstrarleg endurskipulagning
• Fjárhagsleg endurskipulagning
Fyrir einstaklinga og fyrirtæki - lítil sem stór
Rekstrargreining ehf.
Bæjarhrauni 2, 2.h. • sími 555 1090
Lítið rutt á Bláfjallavegi
Annir hjá Björgunarsveit Hafnarfjarðar
Djúpavatnsleið er merkt ófær
en bílstjóri þessa bíls taldi sig
vera vel útbúinn.