Prentarinn - 01.04.1996, Síða 5
STARFSMANNAFÉLÖG
Starfsmannafélag Svansprents
a
SFS var stofnað árið 1985
og hefur starfað linnulaust
(að vísu miskröftuglega) síðan.
Meginmarkmið félagsins er að
auka tengsl og samskipti milli
manna hjá fyrirtækinu og að sjálf-
sögðu að sjá um ýmsar uppákomur
sem efla félagsandann svo sem
jólahlaðborð, leikhúsferðir, göngu-
ferðir sem enda ávallt á grillveislu,
helgarferðir að sumri, árshátíð sem
reynt er að halda erlendis annað
hvert ár og hvað eina sem félags-
mönnum dettur í hug að gera til að
lyfta starfs- og félagsandanum.
SFS rekur sjoppu þar sem seldar
eru samlokur, gos og sælgæti með
hæfilegri okurálagningu,
bara rétt til að geta
fjármagnað starfsemi
félassins.
Svansprent tekur einnig þátt í
kostnaði vegna árshátíðar, einnig
hefur matsalur fyrirtækisins
margsinnis verið notaður fyrir partý
og ýmsar uppákomur.
í SFS eru um 30 manns og stjóm
þess skipa Sverrir Gíslason,
Sigríður Ólafsdóttir og Ingólfur
Gíslason. •
PRENTARINN ■ 5