Prentarinn - 01.04.1996, Side 15

▲ Stjórn OPÍ1953-54.
<4 Prentarar og ojfsetprentarar hafa löngum eldað grátt
silfuryftr tœknimálum og deilt um rétt iðnstéttanna til
ýmissa verkþátta.
félags og Offsetprentarafélags
íslands hafa fyrir sitt leyti komið sér
saman um að sveinar íprentun
(pressumenn) beggja iðngreinanna
skuli hafa rétt til að notfæra sér
ákvæði 8. gr. II. kafla reglugerðar
um iðnfræðslu frá 15. september
1967 á þann hátt að námstíminn
skuli vera tvö ár.“
Samkomulag þetta var í gildi
næstu misseri og góð samvinna var
á milli félaganna. Héldu þau m.a.
sameiginlegt námskeið í filmu-
umbroti fyrir prentara ásamt Félagi
íslenskra prentsmiðjueigenda og
Iðnskólanum í Reykjavík. Leiðbein-
endur á námskeiðunum voru
Kolbeinn Grímsson og Valgeir
Emilsson.
Blaðaprent hf. var stofnað í apríl-
mánuði árið 1970 af útgáfufélögum
Alþýðublaðsins, Tímans, Vísis og
Þjóðviljans. Fyrirtækið var stofnað
með aukið hagræði í blaðaútgáfu í
huga og hugðist kaupa fullkomin
tæki til offsetprentunar sem ruddi
sér til rúms í nágrannalöndunum.
Stofnun Blaðaprents dró þann dilk á
eftir sér að Hið íslenzka prentara-
félag og Offsetprentarafélag fslands
tóku að deila um filmuvinnu, eink-
um umbrot bóka og blaða. Offset-
prentarar töldu sig hafa yfirráðarétt
yfir filmuumbrotinu þar sem þeir
höfðu sinnt þeim verkþætti frá
upphafí offsetprentunar hérlendis
árið 1938. Prentarar vildu ekki una
slíkum rökum og vísuðu til erlendra
fyrirmynda í því sambandi. í kjölfar
þess skrifuðu fulltrúar Offsetprent-
arafélagsins til erlendra bræðra-
félaga til að afla sér upplýsinga um
tilhögun offsetprentunar og
samninga við prentara.
Málið var rætt lengi og var mönn-
um á stundum heitt í hamsi. Um
tíma drógust almennir kjarasamn-
ingar vegna þessa máls. Hinn
1. september 1970 undirrituðu
stjómir HÍP og OPÍ samning um
gagnkvæman rétt til að sinna vissum
verkþáttum innan prentiðnaðar.
Byggðist hann á venju erlendra
bókagerðarfélaga og alþjóðasam-
bands þeirra. í niðurlagi samnings-
ins er lýst þeirri skoðun stjóma
félaganna að hagsmunum allra
bókagerðarmanna sé best borgið
með sameiningu allra bókagerðar-
félaganna í eitt félag.
Meistarar í offsetprentun voru
afar ósáttir við þetta samkomulag og
strax daginn eftir undirritun þess,
2. september, komu 10 meistarar
saman til fundar á Hótel Esju og
vom á einu máli um „að slíkt
stórmál, sem breytingar á réttindum
offsetprentara og samning um
ívilnun til handa HÍP, beri að ræða á
sameiginlegum fundi allra þeirra, er
réttindi hafa í iðninni“. í framhaldi
af því óskuðu þeir eftir fundi um
málið með félagsmönnum OPÍ.
Stjóm Offsetprentarafélagsins brá
skjótt við og boðaði félagsfund hinn
3. september 1970. Ahrif meistara
hafa verið mikil á fundinum því
félagsmenn samþykktu að hafna
samkomulagi stjóma OPI og HÍP.
Jafnframt var samþykkt að tilnefna
fjóra menn til samstarfs við stjóm
félagsins um gerð nýs samkomulags
milli félaganna. Málið var rætt
frekar næstu mánuði án þess að nýtt
samkomulag væri undirritað en
það fékk farsælan endi með
„Hvítu bókinni", en svo nefndist
samningur milli Hins íslenzka
prentarafélags og Offsetprentara-
félagsins sem bundinn var í
hvíta kápu.
Samningurinn var undirritaður
11. maí 1971 og tekur á helstu
ágreiningsmálum félaganna, svo
sem varðandi setningu og úrvinnslu
filmu og prentun. Offsetprentarar
gengu fast eftir að samningurinn
yrði haldinn og gættu réttar síns vel.
Sæmundur Ámason, núverandi
formaður Félags bókagerðarmanna,
var m.a. stöðvaður af Jóhanni Frey
Ásgeirssyni og Jóhanni Guðmunds-
syni er hann var að vinna við offset-
prentun án réttinda snemma á átt-
unda áratugnum.
Deilur prentara og offset-
prentara um tæknina héldu áfram
eftir stofnun Grafíska sveina-
félagsins 1973 og segja má að
tæknimálin og mörk milli iðngreina
hafi verið ein helsta ástæðan fyrir
sameiningu bókagerðarmanna í
Félagi bókagerðarmanna
2. nóvember 1980. •
Stofnun
Blada-
prents dró
þann dilk á
eftir sér að
Hið
íslenzka
prentara-
félag og
Offset-
prentara-
félag
íslands
tóku að
deiia um
filmuvinnu,
einkum
umbrot
bóka og
blaða.
PRENTARINN ■ 15