Dagfari - 01.10.2000, Qupperneq 12

Kveðjuhátíð
-brot-
30. marz
og þjóð mín kemur
í þúsundatali
á Austurvöll
sólin skín heit
frá himninum blá
í húsinu grá
við Austurvöll
er dimmt
hetjumar okkar hafa flúið ljósið
úti -
úti teygjast 10 þúsund hendur
til himins
og 10 þúsund heitar raddir hrópa
í himininn
ísland ögrum skorið
eg vil nefna þig
inni
inni falla á þilið 37 skuggar
37 handa með löngum snyrtum nöglum
afrekið er unnið
feldurinn blái blaktir í golunni dapurt
og þjóðin mín stendur hnípin á strætinu
og grætur
stendur í amrískum gasmekki
og grætur
Einar Bragi